ലൈംഗികവൃത്തിക്ക്​ പണം നൽകാത്തതിന്​ തട്ടിക്കൊണ്ടുപോകൽ: അഞ്ചുപേർ വിചാരണയിൽ

അബൂദബി: ലൈംഗികവൃത്തിക്ക്​ പണം നൽകാത്തയാളെ തട്ടിക്കൊണ്ടുപോയ കേസിൽ ഏഷ്യൻ സ്​ത്രീ ഉൾപ്പെടെ അഞ്ചുപേരെ കോടതിയിൽ വിചാരണക്ക്​ ഹാജരാക്കി. വേശ്യാവൃത്തി, തട്ടിക്കൊണ്ടുപോകൽ കുറ്റങ്ങളാണ്​ പ്രതികൾക്ക്​ മേൽ ചുമത്തിയിരിക്കുന്നത്​. തട്ടി​െകാണ്ടുപോകപ്പെട്ടയാൾ അബൂദബിയിലെ തെരുവിൽ കണ്ടുമുട്ടിയ ഏഷ്യൻ സ്​ത്രീ പണത്തിന്​ ലൈംഗികവൃത്തിക്ക്​ സമ്മതിക്കുകയായിരുന്നുവെന്ന്​ കോടതിരേഖകൾ പറയുന്നു. എന്നാൽ, ലൈംഗികവൃത്തിക്ക്​ ശേഷം പണം നൽകാൻ ഇയാൾ വിസമ്മതിച്ചു. തുടർന്ന്​ സ്​ത്രീ ത​​​െൻറ കൂട്ടാളികളായ നാല്​ പുരുഷന്മാരെ വിവരമറിയിക്കുകകയായിരുന്നു. പുരുഷന്മാരെത്തി പണം നൽകാൻ ആവശ്യപ്പെ​െട്ടങ്കിലും തയാറാകാത്തതിനെ തുടർന്ന്​ നിർബന്ധിച്ച്​ കാറിൽ കയറ്റി വിജനമായ സ്​ഥലത്ത്​ കെണ്ടുപോയി മർദിച്ചു. തുടർന്ന്​ തട്ടിക്കൊണ്ട്​ പോകപ്പെട്ടയാൾ സ്​പോൺസറുടെ ഫോൺനമ്പർ നൽകി. സ്​പോൺസറെ ഫോണിൽ ബന്ധപ്പെട്ട പ്രതികൾ 1500 ദിർഹം ആവശ്യപ്പെട്ടു. എന്നാൽ, സ്​പോൺസർ പൊലീസിനെ വിവരമറിയിക്കുകയായിരുന്നു. അതേസമയം, പ്രതികൾ കുറ്റം നിഷേധിച്ചു. വിചാരണ മേയ്​ 17ലേക്ക്​ മാറ്റിവെച്ചു.