യുവതിയെ പിരിച്ചുവിട്ടു; തൊഴിൽ ഉടമയുടെ ചെവി  ഭർത്താവ്​ കടിച്ചെടുത്തു

ദുബൈ: യുവതിയെ ജോലിയിൽ നിന്ന്​ പിരിച്ചുവിട്ട റസ്​റ്റോറൻറ്​ ഉടമയുടെ ചെവി ഭർത്താവ്​ കടിച്ചെടുത്തു. ദുബൈ ലേബർ കോടതിയിലാണ്​ സംഭവം. ഉടമക്കെതിരെ കഴിഞ്ഞ മെയിൽ യുവതി ലേബർ കോടതിയിൽ കേസ്​ നൽകിയിരുന്നു. ഇതി​​െൻറ വാദത്തിനായി എത്തിയപ്പോഴാണ്​ ആക്രമണം ഉണ്ടായത്​. സുഡാൻ സ്വദേശികളാണ്​ സംഭവത്തിൽ ഉൾപ്പെട്ടിരിക്കുന്നത്​. വാദം കഴിഞ്ഞ്​ കോടതി വരാന്തയിലൂടെ നടന്നുനീങ്ങുകയായിരുന്ന ഉടമയെ തൂണിന്​ മറഞ്ഞ്​ നിന്ന 49 കാരനായ പ്രതി പിന്നിൽ നിന്ന്​ ആക്രമിക്കുകയായിരുന്നു. ആട്ടിടയനായി ജോലി ചെയ്യുന്നയാളാണ്​ അക്രമി. ചെവി അറ്റുപോയതിനെത്തുടർന്ന്​ രക്തവാർച്ചയുണ്ടായ റസ്​റ്റോറൻറ്​ ഉടമയെ ഉടൻ ആശുപത്രിയിൽ പ്രവേശിപ്പിച്ചു. ചെവ്വാഴ്​ച ദുബൈ കോടതിയിൽ പ്രതി തെറ്റ്​ സമ്മതിച്ചു. റസ്​റ്റോൻറ്​ ഉടമ പ്രകോപിപ്പിച്ചതിനാലാണ്​ അക്രമിച്ചതെന്നാണ്​ പ്രതിയുടെ നിലപാട്​. കേസിലെ വിധി ഒക്​ടോബർ 16 ന്​ ഉണ്ടാകുമെന്നാണ്​ പ്രതീക്ഷ.