ശുചിമുറിയിൽ ഒളിഞ്ഞു നോക്കിയ യുവാവിന്​ മൂന്ന്​ മാസം തടവ്​

ദുബൈ: സ്​ത്രീകളുടെ ശുചിമുറിയിൽ കയറി ഒളിഞ്ഞുനോക്കിയ യുവാവിനെ മൂന്ന്​ മാസം തടവിന്​ ശിക്ഷിച്ചു. ഫിലിപ്പൈൻസ്​ സ്വദേശിനികളുടെ പരാതിയിൽ 23 കാരനായ ജോർദാൻ യുവാവിനെയാണ്​ ശിക്ഷിച്ചത്​. കമ്പ്യൂട്ടർ ഒാപറേറ്ററാണ്​ പ്രതി. കഴിഞ്ഞ മെയിൽ ദുബൈയിലെ ഒരു ഹോട്ടലിലാണ്​ സംഭവംനടന്നത്​. 
അതേ ഹോട്ടലിൽ സെക്രട്ടറിയായി ജോലിചെയ്യുന്ന യുവതി ശുചിമുറി ഉപയോഗിക്കു​േമ്പാൾ തൊട്ടടുത്ത മുറിയിൽനിന്ന്​ ഒളിഞ്ഞുനോക്കിയെന്നാണ്​ കേസ്​. ഇൗ സമയം അവിടെയെത്തിയ മറ്റൊരു ഫിലിപ്പൈൻസ് സ്വദേശിനി യുവാവിനെ കണ്ടു.

പുറത്തിറങ്ങൻ ഇരുവരും ആവശ്യപ്പെ​െട്ടങ്കിലും ഏറെനേരം കഴിഞ്ഞാണ്​ ഇയാൾ പുറത്തുവന്നത്​. അബദ്ധം പറ്റി വനിതകളുടെ ശുചിമുറിയിൽ കയറിയതാണെന്ന്​ യുവാവ്​ പറഞ്ഞുവെങ്കിലും സി.സി. ടി.വി ദ​ൃശ്യങ്ങളിൽ ഇത്​ കളവാണെന്ന്​ ബോധ്യപ്പെട്ടിട്ടുണ്ട്​. ശിക്ഷാ കാലാവധിക്ക്​ ശേഷം ഇയാളെ നാടുകടത്താനും നിർദേശിച്ചിട്ടുണ്ട്​.