വൻ തുക സമ്മാനം ലഭിച്ചുവെന്ന്​ വി​ശ്വസിപ്പിച്ച്​​ തട്ടിപ്പ്​​ നടത്തുന്ന സംഘം വിലസുന്നു

ദുബൈ: പത്ത്​ ലക്ഷം ഡോളർ സമ്മാനത്തുക ലഭിച്ചുവെന്ന്​ പറഞ്ഞ്​ തട്ടിപ്പ്​​ നടത്തുന്ന സംഘം വിലസുന്നതായി ദുബൈ സാമ്പത്തിക സേവന അതോറിറ്റിയുടെ (ഡി.എഫ്​.എസ്​.എ) മുന്നറിയിപ്പ്​. നറുക്കെടുപ്പിലും ലോട്ടറിയിലും സമ്മാനം കിട്ടിയെന്ന് സന്ദേശങ്ങളിലൂടെ​ തെറ്റിദ്ധരിപ്പിച്ചാണ്​ ജനങ്ങളുടെ പണം തട്ടുന്നത്​. 
മൊബൈൽ അവാർഡ്​ 2017, എമിറേറ്റ്​ ലോട്ടറി 2017 എന്നിവയിൽ സമ്മാനം ലഭിച്ചുവെന്ന്​ പറഞ്ഞ്​ നിരവധിയാളുകളെ ഇൗ സംഘം സമീപിച്ചു കഴിഞ്ഞു. വി​ശ്വാസ്യതക്കായി യുഎഇയുടെ സീലും പതാകയും ഡി.എഫ്​.എസ്​.എയുടെ ലോഗോയും പതിപ്പിച്ച രേഖകളാണ്​ കാണിക്കുന്നത്​.

സമ്മാനത്തുക ലഭിക്കണമെങ്കിൽ ‘ജേതാക്കൾ’ നാഷ്​ണൽ ബാങ്ക്​ ഒാഫ്​ ദുബൈ എന്ന പേരിലുള്ള ഫോം പൂരിപ്പിക്കുകയും മറ്റ്​ രേഖകൾ സമർപ്പിക്കുകയും വേണം. എന്നാൽ ഇൗ പേരിൽ ഒരു ബാങ്ക്​ ദുബൈയിൽ ഇല്ലെന്ന്​ ഡി.എഫ്​.എസ്​.എ. അധികൃതർ അറിയിച്ചു. പണം കിട്ടുന്നതിനുള്ള നടപടിക്രമങ്ങളുടെ ചെലവിലേക്ക്​ 800 ഡോളർ (2938 ദിർഹം) നൽകണമെന്നാണ്​ അടുത്ത ആവശ്യം. ഇങ്ങനെ നൽകുന്ന പണം നഷ്​ടപ്പെടുകയാണ്​ പതിവ്​. അതിനാൽ ഇത്തരത്തിലുള്ള അറിയിപ്പുകൾ അവഗണിക്കണമെന്നും ഒരു സാഹചര്യത്തിലും പണം നൽകരുതെന്നും ഡി.എഫ്​.എസ്​.എ. മുന്നറിയിപ്പ്​​ നൽകുന്നുണ്ട്​. 

ഇത്തരം ഇടപാടുകൾ നടത്താൻ ആർക്കും അനുമതി നൽകിയിട്ടില്ലെന്നും അവർ പറഞ്ഞു. ഡി.എഫ്​.എസ്​.എ. ചെയർമാ​​െൻറ പേര്​ ദുരുപയോഗം ചെയ്തും വ്യാജ ഇമെയിൽ വിലാസമുണ്ടാക്കിയുമാണ്​ തട്ടിപ്പ്​ നടത്തിക്കൊണ്ടിരിക്കുന്നത്​. തട്ടിപ്പുകാർക്കെതിരെ ദുബൈ ഇൻറർനാഷ്​ണൽ ഫിനാൻസ്​ സ​െൻററി​​െൻറ നേതൃത്വത്തിൽ നടപടികൾ തുടങ്ങിയിട്ടുണ്ട്​. പല തട്ടിപ്പുകാരും ഇപ്പോഴും മറഞ്ഞിരിക്കുന്നതിനാലും എൻഫോഴ്​മ​െൻറ്​ അധികൃതരുടെ പരിധിക്ക്​ പുറത്തായതിനാലും തട്ടിപ്പിൽപെടാതെ പൊതുജനങ്ങൾ കരുതിയിരിക്കണമെന്നും ഡി.എഫ്​.എസ്​.എ അറിയിച്ചു.