പാസ്​വേർഡ്​ ഫോണിൽ സൂക്ഷിച്ചത്​ പണിയായി; ക്രെഡിറ്റ്​ കാർഡിൽ നിന്ന്​ ചോർത്തിയത്​ 30000 ദിർഹം

ദുബൈ: ​ക്രെഡിറ്റ്​ കാർഡും നല്ലതു തന്നെ, സ്​മാർട്ട്​ ഫോണും നല്ലതു തന്നെ^പക്ഷെ സൂക്ഷിച്ചില്ലെങ്കിൽ അപകടം വരുന്ന വഴി അറിയില്ല. ദുബൈയിൽ താമസിക്കുന്ന ഒരു അറബ്​ പൗര​​​െൻറ ക്രെഡിറ്റ്​ കാർഡിൽ നിന്ന്​ 30000 ദിർഹമാണ്​ നഷ്​ടപ്പെട്ടത്​. നൈജീരിയയിൽ നിന്നും ലണ്ടനിൽ നിന്നുമെല്ലാം ത​​​െൻറ കാർഡ്​ ഉപയോഗിച്ച്​ ഷോപ്പിംഗ്​ നടന്നുവെന്നറിഞ്ഞ്​ അന്തം വിട്ട്​ പൊലീസിനെ സമീപിച്ചപ്പോഴാണ്​ കഥ വ്യക്​തമായത്​. ഇദ്ദേഹം ത​​​െൻറ ക്രെഡിറ്റ്​ കാർഡി​​​െൻറ ചിത്രമെടുത്ത്​ ​െഎഫോണിൽ സൂക്ഷിച്ചിരുന്നു. കാർഡി​​​െൻറ രഹസ്യ നമ്പറും അതിൽ സേവ്​ ചെയ്​തിരുന്നു. സംശയകരമായ ചില ലിങ്കുകളിൽ ക്ലിക്ക്​ ചെയ്​തതോടെ ഫോണിലെ വിവരങ്ങളെല്ലാം സാമ്പത്തിക കുറ്റവാളികളുടെ കയ്യിലെത്തി. അവർ  കാർഡ്​ വിവരങ്ങളും പാസ്​വേർഡും ഉപയോഗിച്ച്​ പണം ചോർത്തുകയായിരുന്നുവെന്ന്​ ദുബൈ പൊലീസ്​ കുറ്റാന്വേഷണ വിഭാഗം ഉപ മേധാവി മേജർ ജനറൽ ഖലീൽ ഇബ്രാഹിം അൽ മൻസൂരി പറഞ്ഞു.  

ഇത്തരം നിരവധി തട്ടിപ്പുകൾ ദിനേന നടക്കുന്നുണ്ട്​. അംഗീകൃതമല്ലാത്ത ആപ്പുകളോ സംശയകരമായ സൈറ്റുകളോ ഉപയോഗിക്കുന്നതോടെ ഫോണി​​​െൻറ നിയന്ത്രണവും രഹസ്യ സ്വഭാവവും നഷ്​ടമാവും. ഫേസ്​ബുക്കിലും വാട്ട്​സ്​ആപ്പിലും ഇ മെയിലിലുമായി വരുന്ന ചില ലിങ്കുകൾ ക്ലിക്കു ചെയ്​താൽ കമ്പ്യൂട്ടറിലും ഫോണിലും കടന്നു കൂടുന്ന വൈറസ്​ അവയിലെ വിവരങ്ങളെല്ലാം കോപ്പി ചെയ്​ത്​ മറ്റു ചിലർക്ക്​ കൈമാറും. അതീവ ജാഗ്രത പാലിച്ച്​ സൈബർഇടപാടുകൾ നടത്തുക മാത്രമേ ഇതിനു പോംവഴിയുള്ളൂ.  കമ്പനികളു​െട സമ്മാനം ലഭിച്ചുവെന്നും സൗജന്യ വിമാന യാത്ര ലഭിക്കുമെന്നും മറ്റും വാഗ്​ദാനം ചെയ്​ത്​ പല തട്ടിപ്പുകാരുമയക്കുന്ന സന്ദേശങ്ങൾ കണ്ടെത്തിയതായി സൈബർ കുറ്റാന്വേഷണ വിഭാഗം ഉപ ഡയറക്​ടർ ലഫ്​. കേണൽ സാലിം സലീമീൻ പറഞ്ഞു.  ഇൗയിടെ പ്രചരിച്ച ഒരു സന്ദേശം ക്ലിക്ക്​ ചെയ്യുന്നവരുടെ ഫോണിലെ വിവരങ്ങൾക്ക്​ പുറമെ സോഷ്യൽമീഡിയാ അക്കൗണ്ടുകളും ഹാക്ക്​ ചെയ്യപ്പെട്ടിരുന്നു. വൈറസുകളും അനധികൃത ലിങ്കുകളുമുള്ള സൈറ്റുകൾ കണ്ടെത്തി തടയുന്നതിന്​ മൂവായിരത്തോളം ഇലക്​ട്രോണിക്​ പട്രോൾ നടത്തി വരുന്നതായി അദ്ദേഹം പറഞ്ഞു.