ട്രൂ​നാ​റ്റ്​ കി​റ്റ് കി​ട്ടി​യാ​ൽ തീ​രി​ല്ല പ്ര​ശ്​​നം; പ്ര​വാ​സി മ​ട​ക്ക​ത്തി​ന്​ മു​ട​ക്ക​മു​റ​പ്പ്​

ദു​ബൈ: കേ​ര​ള​ത്തി​ലേ​ക്ക്​ തി​രി​ച്ചു​വ​രു​ന്ന പ്ര​വാ​സി​ക​ൾ കോ​വി​ഡ്​ പ​രി​ശോ​ധി​ച്ച്​ നെ​ഗ​റ്റി​വ്​ ആ​ണെ​ന്ന്​ ഉ​റ​പ്പു​വ​രു​ത്ത​ണ​മെ​ന്ന നി​ബ​ന്ധ​ന നാ​ളെ മു​ത​ൽ നി​ല​വി​ൽ വ​രു​ന്ന​തോ​ടെ യു.​എ.​ഇ, ഖ​ത്ത​ർ എ​ന്നി​വി​ട​ങ്ങ​ൾ ഒ​ഴി​കെ​യു​ള്ള ഗ​ൾ​ഫ്​ രാ​ജ്യ​ങ്ങ​ളി​ൽ നി​ന്നു​ള്ള മ​ല​യാ​ളി​ക​ളു​ടെ യാ​ത്ര അ​നി​ശ്ചി​ത​ത്വ​ത്തി​ലാ​കും. 
ആ​ലോ​ച​നാ​ര​ഹി​ത​മാ​യ തീ​രു​മാ​ന​ങ്ങ​ളും അ​വ​യു​ടെ പാ​ളി​ച്ച തീ​ർ​ക്കാ​നാ​യി മു​ന്നോ​ട്ടു​വെ​ക്കു​ന്ന പു​തി​യ നി​ർ​ദേ​ശ​ങ്ങ​ളും പ്ര​വാ​സി​ക​ളു​ടെ യാ​ത്ര മു​ട​ക്കു​ക മാ​ത്ര​മ​ല്ല മ​ന​സ്സും മ​ടു​പ്പി​ക്കു​ന്നു.യാ​ത്ര​ക്ക്​ മു​മ്പ്​​ ടെ​സ്​​റ്റ്​ ന​ട​ത്തി നെ​ഗ​റ്റി​വ്​ ആ​ണെ​ന്ന സ​ർ​ട്ടി​ഫി​ക്ക​റ്റ്​ ന​ൽ​കു​ക ഇൗ ​രാ​ജ്യ​ങ്ങ​ളി​ൽ നി​ല​വി​ൽ അ​പ്രാ​യോ​ഗി​ക​മാ​ണ്. 
പ​രി​ശോ​ധ​ന​ക്കാ​വ​ശ്യ​മാ​യ ട്രൂ​നാ​റ്റ്​ കി​റ്റു​ക​ൾ കേ​ര​ളം ല​ഭ്യ​മാ​ക്കു​​മെ​ന്ന്​ മു​ഖ്യ​മ​ന്ത്രി വ്യ​ക്​​ത​മാ​ക്കി​യി​ട്ടു​ണ്ടെ​ങ്കി​ലും കാ​ര്യ​ങ്ങ​ൾ അ​തു കൊ​ണ്ടു​മാ​ത്രം എ​ളു​പ്പ​മാ​വി​ല്ല. നി​ര​വ​ധി മ​ല​യാ​ളി​ക​ൾ തി​രി​ച്ചു​വ​രു​വാ​നാ​യി ഒ​രു​ങ്ങി നി​ൽ​ക്കു​ന്ന സൗ​ദി​യി​ൽ ട്രൂ​നാ​റ്റ്​ കി​റ്റ്​ ഉ​പ​യോ​ഗി​ച്ചു​ള്ള കോ​വി​ഡ്​ പ​രി​ശോ​ധ​ന നി​ല​വി​ലി​ല്ല. ഇ​വി​ടെ രാ​ജ്യ​ത്ത്​ അ​നു​മ​തി  ല​ഭി​ക്ക​ണ​മെ​ങ്കി​ൽ സൗ​ദി ഡ്ര​ഗ്​ ആ​ൻ​ഡ്​ ഫു​ഡ്​ അ​തോ​റി​റ്റി, ആ​രോ​ഗ്യ​മ​ന്ത്രാ​ല​യം എ​ന്നി​വ​യു​ടെ പ​രി​ശോ​ധ​ന​യും അം​ഗീ​കാ​ര​വും വേ​ണം.  ടെ​ർ​മി​ന​ലി​നു​ള്ളി​ൽ വെ​ച്ച്​ ടെ​സ്​​റ്റ്​ ന​ട​ത്തു​ന്ന​തി​ന്​ വി​മാ​ന​ക്ക​മ്പ​നി​ക​ൾ​ക്ക്​   എ​യ​ർ​പോ​ർ​ട്ട്​ അ​ധി​കൃ​ത​രു​ടെ സ​മ്മ​തം നേ​ടി​യെ​ടു​ക്ക​ലും എ​ളു​പ്പ​മ​ല്ല.  

കു​വൈ​ത്തി​ൽ ട്രൂ​നാ​റ്റ്​ ഉ​ൾ​പ്പെ​ടെ ഒ​രു കോ​വി​ഡ്​ ​പ​രി​ശോ​ധ​ന​ക്കും സ്വ​കാ​ര്യ മേ​ഖ​ല​യി​ൽ നി​ല​വി​ൽ അ​നു​മ​തി​യി​ല്ല. എം​ബ​സി വ​ഴി ട്രൂ​നാ​റ്റ് കി​റ്റ്​​ ല​ഭ്യ​മാ​ക്കി സ്വ​കാ​ര്യ ക്ലി​നി​ക്കു​ക​ളു​ടെ​യോ സ​ന്ന​ദ്ധ സം​ഘ​ട​ന​ക​ളു​ടേ​യോ സ​ഹ​ക​ര​ണ​ത്തോ​ടെ പ​രി​ശോ​ധ​ന ന​ട​ത്ത​ണ​മെ​ങ്കി​ൽ ന​യ​ത​ന്ത്ര ഇ​ട​പെ​ട​ലി​ലൂ​ടെ പ്ര​ത്യേ​ക അ​നു​മ​തി വേ​ണ്ടി​വ​രും. ക​ർ​ഫ്യൂ, ലോ​ക്​​ഡൗ​ൺ പ​ശ്ചാ​ത്ത​ല​ത്തി​ൽ ആ​ളു​ക​ളു​ടെ സ​ഞ്ചാ​ര​ത്തി​ന്​ ത​ന്നെ നി​യ​ന്ത്ര​ണ​മു​ള്ള പ​ശ്ചാ​ത്ത​ല​ത്തി​ൽ കോ​വി​ഡ്​ പ​രി​ശോ​ധ​ന പ്ര​വ​ർ​ത്ത​ന​ങ്ങ​ൾ ഏ​കോ​പി​പ്പി​ക്ക​ൽ എ​ളു​പ്പ​മ​ല്ല. അ​തി​നു താ​മ​സം വ​രു​ത്തും​തോ​റും പ്ര​വാ​സി​ക​ളു​ടെ മ​ട​ക്ക​വും വൈ​കും.ബ​ഹ്​​റൈ​നി​ൽ നാ​ഷ​ന​ൽ ഹെ​ൽ​ത്​ റെ​ഗു​ലേ​റ്റ​റി അ​തോ​റി​റ്റി​യു​ടെ അ​നു​മ​തി ല​ഭി​ച്ചാ​ൽ മാ​ത്ര​മേ ട്രൂ​നാ​റ്റ്​ പ​രി​ശോ​ധ​ന സാ​ധ്യ​മാ​വൂ. അ​നു​മ​തി ല​ഭി​ക്കു​ന്ന​തി​ന്​ എം​ബ​സി ത​ല ഇ​ട​പെ​ട​ലു​ക​ൾ​ക്ക്​ സാ​മൂ​ഹി​ക പ്ര​വ​ർ​ത്ത​ക​രു​ടെ​യും സ​ന്ന​ദ്ധ സം​ഘ​ട​ന​ക​ളു​ടെ​യും നേ​തൃ​ത്വ​ത്തി​ൽ ശ്ര​മം ആ​രം​ഭി​ച്ചി​ട്ടു​ണ്ട്​്. ഒ​മാ​നി​ൽ നി​ല​വി​ലെ സാ​ഹ​ച​ര്യ​ത്തി​ൽ ട്രൂ​നാ​റ്റ്​ പ​രി​ശോ​ധ​ന സാ​ധ്യ​മാ​വി​ല്ല. ശ​ക്​​ത​വും അ​തി​വേ​ഗ​ത്തി​ലു​മു​ള്ള ന​യ​ത​ന്ത്ര ഇ​ട​പെ​ട​ലു​ക​ൾ വ​ഴി മാ​ത്ര​മേ ഇൗ ​പ്ര​തി​സ​ന്ധി​ക്ക്​ എ​ന്തെ​ങ്കി​ലു​മൊ​രു പ​രി​ഹാ​രം ക​ണ്ടെ​ത്താ​നാ​വൂ.