അബൂദബിയിൽ മെഡിക്കൽ ടെസ്​റ്റിന്​ കോവിഡ്​ ഫലം വേണം

അബൂദബി: അബൂദബിയിൽ വിസയുമായി ബന്ധപ്പെട്ട മെഡിക്കൽ പരിശോധനകൾക്ക്​ കോവിഡ്​ ഫലം നിർബന്ധമാക്കി. അബൂദബി ഹെൽത്ത്​ സർവീസ്​ കമ്പനിയായ സെഹയാണ്​ ഇക്കാര്യം അറിയിച്ചത്​. വിസ പുതുക്കുന്നവർക്കും പുതിയ വിസ എടുക്കുന്നവർക്കും ഇനി മുതൽ കോവിഡ്​ നെഗറ്റീവ്​ ഫലം വേണ്ടി വരും. 72 മണിക്കൂർ മുൻപെടുത്ത പരിശോധന ഫലമാണ്​ ഹാജരാക്കേണ്ടത്​. തിങ്കളാഴ്​ച മുതൽ പ്രാബല്യത്തിൽ വരും.