കോവിഡ്​: യു.എ.ഇയിൽ രണ്ട് മലയാളികൾ കൂടി മരിച്ചു

ദുബൈ: കോവിഡ്​ 19 ബാധയെത്തുടർന്ന്​ യു.എ.ഇയിൽ തിങ്കളാഴ്​ച രണ്ട്​ മലയാളികൾ മരിച്ചു. ഒറ്റപ്പാലം മുളഞ്ഞൂര്‍ നെല്ല ിക്കുറുശ്ശി സ്വദേശി അഹ്​മദ്​ കബീർ (47), പത്തനംതിട്ട തുമ്പമൺ സ്വദേശി കോശി സഖറിയ (മനോജ്​^51) എന്നിവരാണ്​ മരിച്ചത്​.

അഹമ്മദ് കബീര്‍ ചുമയും ശ്വാസടസ്സവും തൊണ്ടവേദനയും മൂലം ഏപ്രില്‍ ഒന്നു മുതല്‍ ചികില്‍സയിലായിരുന്നു. പിതാവ്: മുളക്കല്‍ കമ്മുകുട്ടി. മാതാവ്: ഖദീജ. ഭാര്യ: സജില. മൂന്നു മക്കളുണ്ട്. സഹോദരങ്ങള്‍: മുഹമ്മദ് അലി (അല്‍ ഐന്‍), നസീമ.

ദുബൈ അൽജറാൻ പ്രിൻറിങ്​ പ്രസ്​ നടത്തി വന്നിരുന്ന കോശി സഖറിയ ദുബൈ ഇറാനിയൻ ആശുപത്രിയിൽ ചികിത്സയിലിരിക്കെയാണ്​ മരണം.
വി.എസ്​. കോശിയുടെയും കുഞ്ഞുമോളുടെയും മകനാണ്​. ഭാര്യ: ദുബൈ വെൽകെയർ ആശുപത്രി നഴ്​സ്​ എലിസബത്ത്​. മകൾ: ഷെറിൻ