കോവിഡ്​ കേസുകൾ ആയിരത്തിൽ താഴെ

ദുബൈ: എട്ടു മാസത്തിനിടെ ആദ്യമായി യു.എ.ഇയിൽ കോവിഡ്​ കേസുകൾ ആയിരത്തിൽ താഴെയെത്തി. ചൊവ്വാഴ്​ച 990പുതിയ കേസുകളും 1675രോഗമുക്തിയും റിപ്പോർട്ട്​ ചെയ്​തു. കഴിഞ്ഞ വർഷം ഡിസംബർ 27നാണ്​ അവസാനമായി പ്രതിദിനരോഗികളുടെ എണ്ണം ആയിരത്തിൽ കുറഞ്ഞത്​. ആഗസ്​റ്റിൽ ഘട്ടംഘട്ടമായി കോവിഡ്​ കേസുകൾ കുറഞ്ഞുവരികയാണ്​. മാസം തുടക്കത്തിൽ 1500ൽ കൂടുതൽ കേസുകളുണ്ടായിരുന്നതാണ്​ കുറഞ്ഞ്​ ആയിരത്തിൽ താഴെയെത്തിയിരിക്കുന്നത്​. ജൂലൈ മാസത്തിൽ ശരാശരി കേസുകളുടെ എണ്ണം 1540 ആയിരുന്നു. എന്നാൽ ആഗസ്​റ്റിൽ ഇതുവരെയുള്ള കണക്കിൽ 1400 ആണ്​ ശരാശരി പ്രതിദിന രോഗികളുടെ എണ്ണം.

കഴിഞ്ഞ 24 മണിക്കൂറിനുള്ളിൽ രാജ്യത്തുടനീളം 3,25,118 കോവിഡ് പരിശോധനകൾ നടത്തിയതായി ആരോഗ്യ-പ്രതിരോധ മന്ത്രാലയം അറിയിച്ചു. യു.എ.ഇയിൽ ഇതുവരെ രേഖപ്പെടുത്തിയ മൊത്തം കോവിഡ് പോസിറ്റിവ് കേസുകളുടെ എണ്ണം 7,11,428 ആയി. ചൊവ്വാഴ്​ച രണ്ടു കോവിഡ് മരണങ്ങളാണ് റിപ്പോർട്ട് ചെയ്​തത്. ഇതോടെ രാജ്യത്തെ മൊത്തം കോവിഡ് മരണങ്ങളുടെ എണ്ണം 2026 ആയി ഉയർന്നു.

ഡെൽറ്റ വകഭേദം പല രാജ്യങ്ങളിലും രോഗികളുടെ എണ്ണത്തിൽ വൻ വർധന​ രേഖപ്പെടുത്തു​േമ്പാഴാണ്​ യു.എ.ഇക്ക്​ രോഗവ്യാപനം നിയന്ത്രിക്കാൻ സാധിച്ചിരിക്കുന്നത്​. ജൂലൈയിലും ആഗസ്​റ്റിലുമായി ബലിപെരുന്നാൾ, ഹിജ്​റ പുതുവർഷ അവധികൾ വന്നത്​ രോഗികളുടെ എണ്ണം വർധിപ്പിക്കുമെന്ന ആശങ്ക സൃഷ്​ടിച്ചിരുന്നു. എന്നാൽ ശക്​തമായ നിയന്ത്രണം, വാക്​സിനേഷൻ എന്നിവയിലൂടെയുമാണ്​ യു.എ.ഇ കോവിഡ്​ ഭീഷണി മറികടന്നത്​.