വിദേശയാത്ര നിർത്തിവെക്കാൻ പൗരൻമാർക്കും താമസക്കാർക്കും യു.എ.ഇ നിർദേശം

ദുബൈ: കൊറോണ വൈറസ്​ പ്രതിരോധ മുൻകരുതൽ യാത്രാവിലക്കിലേക്കും നീങ്ങുന്നു. വിദേശയാത്രകൾ പരമാവധി ഒഴിവാക്കണമെന്ന്​ യു.എ.ഇ പൗരൻമാരോടും രാജ്യത്തെ താമസക്കാരോടും ആവശ്യപ്പെട്ടു കഴിഞ്ഞു.

അടിയന്തിര സാഹചര്യങ്ങളിലല്ലാതെ ഇൗ സാഹചര്യത്തിൽ വിദേശങ്ങളിലേക്ക്​ പോകേണ്ടതില്ലെന്നാണ്​ ജനങ്ങ​േളാട്​ യു.എ.ഇ ആരോഗ്യ മന്ത്രാലയം നിർദേശിക്കുന്നത്​. യാത്ര പോകുന്നവർ തിരിച്ചെത്തു​േമ്പാൾ കർശന പ്രതിരോധ നടപടികൾക്ക്​ വിധേയരാവുകയും വേണം.

വിമാനത്താവളത്തിലെ വിശദമായ പരിശോധനകൾക്ക്​ പുറമെ വൈറസ്​ ബാധ ഇല്ലെന്ന്​ ഉറപ്പാക്കും വരെ കരുതൽ പരിചരണ താമസവും വേണ്ടിവരും. രാജ്യത്ത്​ രോഗം പടരാതിരിക്കാൻ സാധ്യമായ എല്ലാ നടപടിക്രമങ്ങളും യു.എ.ഇ സ്വീകരിച്ചു വരുന്നുണ്ട്​. സ്​കൂളുകൾക്ക്​ മാർച്ച്​ എട്ടു മുതൽ ഒരു മാസക്കാലം അവധിയും ഏർപ്പെടുത്തിയിട്ടുണ്ട്​.