കോവിഡ് 19: യു.എ.ഇയിൽ കണ്ണൂർ സ്വദേശി മരിച്ചു

കണ്ണുർ: കൊളയാട്​ സ്വദേശി ഹാരിസ്​ (36) യു.എ.ഇയി​ൽ കോവിഡ്​ ബാധയെത്തുടർന്ന്​ മരിച്ചതായി ബന്ധുക്കൾക്ക്​ വിവരം ലഭി ച്ചു. കടുത്ത പനിയെ തുടർന്ന്​​ അജ്​മാനിലെ സ്വ​കാര്യ ആശുപത്രിയിൽ പ്രവേശിപ്പിച്ചിരുന്ന ഹാരിസിന്​ കഴിഞ്ഞ ദിവസമാണ്​ കോവിഡ്​ ബാധ സ്​ഥിരീകരിച്ചത്​.

തിങ്കളാഴ്​ച പുലർച്ചെയായിരുന്നു മരണം. 16 വർഷമായി യു.എ.ഇയിലുള്ള ഹാരിസ്​ തലാൽ ഗ്രൂപ്പ്​ സ്ഥാപനങ്ങളുടെ അജ്​മാൻ സോൺ പി.ആർ.ഒയും ഏരിയാ മ​ാനേജറുമായിരുന്നു. സാമൂഹിക ജീവകാരുണ്യ പ്രവർത്തനങ്ങളിലും സജീവമായിരുന്നു​.

ഭാര്യ: ജസ്മിന മകൻ: മുഹമ്മദ് ഹിജാൻ,ശൈഖ ഫാത്തിമ