കോവിഡ്​: പത്തനംതിട്ട സ്വദേശി അബൂദബിയിൽ മരിച്ചു

അബൂദബി: പത്തനംതിട്ട നെല്ലിക്കാല കരംവേലി സ്വദേശി തെക്കേപറമ്പിൽ രാമൻകുട്ടിയുടെ മകൻ രോഷൻ രാമൻകുട്ടി (59) കോവിഡ് ബാധിച്ച് മരിച്ചു. ഒരാഴ്ചയിലധികമായി മുസഫയിലെ സ്വകാര്യ ആശുപത്രിയിൽ ചികിൽസയിലായിരുന്നു.

ഭാര്യ: ബിന്ദു. അബൂദബി മുസഫ വ്യവസായ നഗരിയിലെ നാഷണൽ പെട്രോളിയം കൺസ്ട്രക്ഷൻ കമ്പനിയിൽ അസറ്റ് ഇൻറഗ്രിറ്റി വിഭാഗത്തിൽ മെക്കാനിക്കായിരുന്നു. മഫ്രഖ് ശൈഖ് ഷഖ്ബൂത്ത് മെഡിക്കൽ സിറ്റിയിലുള്ള മൃതദേഹം നടപടിക്രമങ്ങൾ പൂർത്തിയാക്കി ബനിയാസ് ഖബർസ്ഥാനിൽ സംസ്‌കരിക്കുമെന്ന് സഹ പ്രവർത്തകർ അറിയിച്ചു.