86 പേർക്ക്​ കൂടി കോവിഡ്​; ഒമാനിൽ രോഗബാധിതർ 1266

മസ്​കത്ത്​: ഒമാനിൽ 86 പേർക്ക്​ കൂടി കോവിഡ്​ 19 സ്​ഥിരീകരിച്ചു. ഇതോടെ രാജ്യത്തെ മൊത്തം വൈറസ്​ ബാധിതരുടെ എണ്ണം 1 266 ആയി. ഞായറാഴ്​ച രോഗം സ്​ഥിരീകരിച്ചവരിൽ 71 പേരും വിദേശികളാണ്​. അസുഖം സുഖപ്പെട്ടവരുടെ എണ്ണം 176ൽ നിന്ന്​ 233 ആയി ഉയര ുകയും ചെയ്​തു. മലയാളിയടക്കം ആറു പേർ മരണപ്പെടുകയും ചെയ്​തു.

പുതുതായി വൈറസ്​ ബാധിതരായവരിൽ 79 പേരും മസ്​കത്ത്​ ഗവർണറേറ്റിൽ നിന്നാണ്​. ഇവിടെ മൊത്തം കോവിഡ്​ ബാധിതർ 1010 ആയി. രോഗമുക്തരായവരുടെ എണ്ണമാക​െട്ട 119ൽ നിന്ന്​ 156 ആയി ഉയരുകയും ചെയ്​തു.

മരിച്ച ആറു പേരും മസ്​കത്തിൽ ചികിത്സയിലിരുന്നവരാണ്​. തെക്കൻ ബാത്തിനയിലെ രോഗികളുടെ എണ്ണം 78 ആയി ഉയർന്നു. സുഖപ്പെട്ടവരുടെ എണ്ണം 16 ആയിട്ടുമുണ്ട്​. ദാഖിലിയയിൽ 54 രോഗികളാണ്​ ഉള്ളത്​. ഇവിടെ സുഖപ്പെട്ടവർ 28 ആയി. വടക്കൻ ബാത്തിനയിൽ രണ്ട്​ പേർക്ക്​ കൂടി വൈറസ്​ ബാധയേറ്റിട്ടുണ്ട്​.