ലോക്​ഡൗണിന്​ ശേഷമുള്ള ലോകം -ഒൗവർ ന്യൂ എർത്ത്​ മൈക്രോസൈറ്റുമായി ആസ്​റ്റർ ഡി.എം. ഹെൽത്​കെയർ

ദുബൈ: കോവിഡ് 19 പകർച്ച വ്യാധി പ്രതിസന്ധിയെ ക്രിയാത്​മകമായി നേരിടുവാൻ പ്രാപ്​തമാക്കുന്ന വിവരങ്ങളും മാർഗനിർദേശങ്ങളുമടങ്ങുന്ന www.ournew.earth മൈക്രോസൈറ്റുമായി ജി.സി.സിയിലെയും ഇന്ത്യയിലേയും മുൻനിര സംയോജിത ആരോഗ്യ പരിചരണ ശൃംഖലയായ ആസ്​റ്റർ ഡിഎം ഹെൽത്​ കെയർ. 
ആരോഗ്യം, സൗഖ്യം, വികാസം എന്നിവ കേന്ദ്രീകരിച്ചുള്ള 'ഗൈഡ് ഓൺ ദി ന്യൂ നോർമൽ' വിവരങ്ങളാണ്   http://www.ournew.earth/  വാഗ്ദാനം ചെയ്യുന്നത്.

വ്യക്തികളെ സമൂഹത്തിൽ അവർ വഹിക്കുന്ന വ്യത്യസ്ത ഉത്തരവാദിത്തങ്ങളായ, രക്ഷാകർത്താവ്, തൊഴിലുടമ/ സംരംഭകൻ, ജീവനക്കാരൻ എന്നിങ്ങനെ ഓരോ തലങ്ങളിലേക്കും ആവശ്യമായ രീതിയിൽ പരിവർത്തിപ്പിക്കാൻ സൈറ്റ് പരിശീലനം നല്കുന്നു. 

ഉത്​പാദനം, സേവനം, റീട്ടെയിൽ, നിർമാണം തുടങ്ങി  ജനങ്ങൾ ആശ്രയിക്കുന്ന വ്യവസായ മേഖലകൾക്കാവശ്യമായ മാർഗ നിർദേശങ്ങളും മൈക്രോസൈറ്റ് നല്കും. ആസ്​റ്റർ നേരിട്ട് പരിശോധിക്കുകയും അംഗീകരിക്കുകയും ചെയ്ത വിശ്വസനീയമായ വിവര സ്രോതസ്സുകളെല്ലാം ഒരു കുടക്കീഴിൽ ലഭ്യമാക്കുകയാണ്​ രീതി. 

പകർച്ച വ്യാധി  വ്യാപനം നിയന്ത്രിക്കാൻ യു.എ.ഇ സർക്കാർ പ്രതിജ്ഞാബദ്ധതയോടെ പ്രവർത്തനം തുടരുകയും, ലോക്ക്ഡൗണ് നിയന്ത്രണങ്ങൾ ക്രമേണ ലഘൂകരിക്കുകയും ചെയ്യുന്ന വേളയിൽ സാധാരണ ജീവിതത്തിലേക്ക്​ തിരിച്ചെത്തു​ന്നതിനൊപ്പം സ്വന്തം ആരോഗ്യവും  മറ്റുള്ളവരുടെ ആരോഗ്യ സംരക്ഷണവും ഉറപ്പാക്കൽ ഓരോ വ്യക്തിയുടെയും ഉത്തരവാദിത്തമാണ്.

നിലവിലെ സാഹചര്യങ്ങളെ എങ്ങനെ നേരിടാമെന്നതിനെക്കുറിച്ചുള്ള വിവരങ്ങൾ തിരയുന്നവർക്ക്​  വലിയ ആശയക്കുഴപ്പങ്ങളും സ്വാഭാവികമാണ്​. ഈ അവസരത്തിൽ ജീവിതം എളുപ്പമാക്കാൻ കൃത്യമായ വിവരങ്ങളെല്ലാം ഒരു സ്രോതസ്സിലൂടെ ലഭ്യമാക്കുവാനുളള ആസ്റ്ററി​​​​െൻറ പരിശ്രമമാണിതെന്ന്​ ഒൗവർ ന്യൂ എർത്ത് മൈക്രോസൈറ്റ് പുറത്തിറക്കുന്ന വേളയിൽ ആസ്​റ്റർ ഡി.എം ഹെൽത്ത്​ കെയർ ഡെപ്യൂട്ടി മാനേജിങ്ങ് ഡയറക്ടർ അലീഷാ മൂപ്പൻ പറഞ്ഞു.   

ദിനചര്യകൾ തലകീഴായി മറിയുകയും വിവരങ്ങൾ സ്​ഥിരീകരിച്ചതും അല്ലാത്തതുമായ വിവിധ സ്രോതസുകളിൽ നിന്ന്​    നിരന്തരമായി എത്തിക്കൊണ്ടിരിക്കുകയും ചെയ്യുന്ന സാഹചര്യത്തിലാണ് ആരോഗ്യ രംഗത്തെ വിദഗ്ധർ സൂക്ഷ്മമായി പരിശോധിച്ച സുപ്രധാനമായ വിവരങ്ങൾ ഒറ്റ പ്ലാറ്റ്​ഫോമിൽ കൃത്യതയോടെ അണിനിരത്താൻ തീരുമാനിച്ചതെന്നും അവർ കൂട്ടിച്ചേർത്തു. ഒൗവർ ന്യൂ എർത്ത്​ എന്ന ആശയത്തെക്കുറിച്ച് കൂടുതലറിയാൻ:.  https://youtu.be/8ReOKTHUWfI