കോവിഡ്​: മരിച്ച ​പ്രവാസികൾക്ക്​ ധനസഹായം തേടി സുപ്രിംകോടതിയെ സമീപിക്കുന്നു

ദുബൈ: കോവിഡ്​ ബാധിച്ച്​ മരണപ്പെട്ട പ്രവാസികളുടെ നിയമപരമായ അവകാശികൾക്ക്​ നഷ്​ടപരിഹാരം നൽകണമെന്നാവശ്യപ്പെട്ട്​​ ദുബൈയിലെ സാമൂഹിക പ്രവർത്തകനും ലോകകേരള സഭാംഗവുമായ അഡ്വ. ഹാഷിക്​ തൈക്കണ്ടി സ​ുപ്രിംകോടതിയെ സമീപിക്കുന്നു. 

പി.എം. കെയർസ്​, പ്രധാനമന്ത്രിയുടെ ദുരിതാശ്വാസ നിധി, സംസ്​ഥാനങ്ങളുടെ ദുരിതാശ്വാസ നിധി, പ്രവാസി ക്ഷേമത്തിന്​ വകയിരുത്തിയ ഫണ്ടുകൾ എന്നിവയിൽ നിന്ന്​ നിർധന പ്രവാസികളുടെ കുടുംബങ്ങൾക്ക്​ സാന്ത്വന ധനം അനുവദിക്കാൻ നിർദേശം നൽകണമെന്നാണ്​ ആവശ്യം. 

ലോകത്തി​​െൻറ വിവിധ ഭാഗങ്ങളിലായി നൂറുകണക്കിന്​ ഇന്ത്യക്കാർ മരണപ്പെട്ടിട്ടും അവരുടെ അവകാശികൾക്ക്​ വേണ്ട സഹായം നൽകുവാൻ കേന്ദ്ര^സംസ്​ഥാന സർക്കാറുകൾ തയ്യാറായിട്ടില്ല. പി.എം കെയർസിൽ കോടിക്കണക്കിന്​ രൂപ സമാഹരിച്ചിരിക്കെയാണ്​ ഇൗ കുറ്റകരമായ അവഗണന. പ്രകൃതി ദുരന്തം പോലെ അപ്രതീക്ഷിതമായി സംഭവിച്ച ഇൗ ദുരിതഘട്ടത്തിൽ ജനങ്ങൾക്ക്​ അത്താണിയാകുവാൻ സർക്കാറുകൾ മുന്നോട്ടു വരണമെന്ന്​ സുപ്രിംകോടതി അഭിഭാഷകൻ ദീപക്​ പ്രകാശ്​ മ​ുഖേനെ സമർപ്പിക്കുന്ന റിട്ട്​ ഹരജിയിൽ ആവശ്യപ്പെട്ടതായി അഡ്വ.ഹാഷിക്​ പറഞ്ഞു.