തൃശൂർ കാട്ടൂർ സ്വദേശി അബൂദബിയിൽ കോവിഡ് ബാധിച്ചു മരിച്ചു

അബൂദബി: തൃശൂർ ജില്ലയിലെ കാട്ടൂർ എസ്.എൻ.ബി.ടി അമ്പലത്തിനു എതിർവശം കാട്ടിലപ്പീടികയിൽ പരേതനായ മുഹമ്മദിന്റെ മകൻ ഫിറോസ് ഖാൻ (45) കോവിഡ് രോഗ ബാധിതനായി അബൂദബിയിൽ ഞായറാഴ്ച രാവിലെ മരിച്ചു. അബൂദബി ശൈഖ് ഷഖ്ബൂത്ത് ആശുപത്രിയിൽ ചികിൽസയിലായിരുന്നു. അബൂദബി മുഹാകെക്ക് ഫുഡ് സ്റ്റഫ് കാറ്ററിങ് കമ്പനിയിൽ സെയിൽമാനായിരുന്നു.

ഉമ്മ: ആഫിയ. ഭാര്യ: ഹസ്‌നത്ത്. മക്കൾ: ഫിദ ഫാത്തിമ, ഫാദിൽ. സഹോദരങ്ങൾ: ഹഫീസ് ഖാൻ, ഫാമിദ.മൃതദേഹം നടപടിക്രമങ്ങൾ പൂർത്തിയാക്കി ഇന്ന് (ഞായർ) ബനിയാസ് ഖബറിസ്ഥാനിൽ മറവു ചെയ്യുമെന്ന് ബന്ധുക്കൾ അറിയിച്ചു.