അബൂദബി കോടതികളിൽ വിവർത്തനത്തിന്​ വീഡിയോ കോളിങ്​ 

അബൂദബി: അബൂദബി എമിറേറ്റിലെ കോടതികളിൽ വിചാരണ നടക്കുന്ന സമയത്ത്​ അറബിയിതര ഭാഷക്കാരെ സഹായിക്കുന്നതിന്​ വീഡിയോ കോളിലൂടെ വിവർത്തന സേവനം ലഭ്യമാക്കുന്ന കേന്ദ്രങ്ങൾ ആരംഭിച്ചതായി അബൂദബി നീതിന്യായ വകുപ്പ്​ ഞായറാഴ്​ച അറിയിച്ചു. അബൂദബി നീതിന്യായ വകുപ്പ്​ അണ്ടർ സെക്രട്ടറി കൗൺസലർ യൂസുഫ്​ സഇൗദ്​ ആൽ അബ്​രി, അബൂദബി അറ്റോർണി ജനറൽ അലി മുഹമ്മദ്​ ആൽ ബലൂഷി എന്നിവർ ചേർന്നാണ്​ കേന്ദ്രം ഉദ്​ഘാടനം ചെയ്​തത്​.

വിവർത്തകരെ ഒരു സ്​ഥലത്തുനിന്ന്​ മറ്റൊരിടത്തേക്ക്​ കൊണ്ടുപോകാതെ വിചാരണയുടെ എല്ലാ ഘട്ടത്തിലും ആവശ്യമായ ഭാഷയിൽ വിവർത്തനം ലഭ്യമാക്കാൻ ഇൗ സേവനത്തിലൂടെ സാധിക്കുമെന്ന്​ ഉദ്യോഗസ്​ഥർ പറഞ്ഞു. ഇതുവഴി സമയവും പ്രയ്​തനവും ലാഭിക്കാം. നേരത്തെ വിവർത്തകർ ഒരു കോടതിമുറിയിൽനിന്ന്​ മറ്റു കോടതി മുറികളിലേക്ക്​ പോയി വിവർത്തനം നൽകുകയായിരുന്നു പതിവ്​. പുതിയ സേവനം വിധിപ്രസ്​താവത്തി​​​െൻറ നിലവാരവും വിചാരണ നടിപടികളുടെ കാര്യക്ഷമതയും വർധിപ്പിക്കുന്നതിന്​ സഹായിക്കുമെന്ന്​ കൗൺസലർ യൂസുഫ്​ സഇൗദ്​ ആൽ അബ്​രി അഭിപ്രായപ്പെട്ടു.