കമ്പനി കേസിൽ കുടുക്കിയ മലയാളിയെ കോടതി കുറ്റവിമുക്തനാക്കി

ദുബൈ: പതിനൊന്ന്​ ലക്ഷം ദിർഹം (രണ്ടുകോടിയോളം രൂപ) തിരിമറി നടത്തിയെന്നാരോപിച്ച്​ കമ്പനി ഫയൽ ചെയ്​ത കേസിൽ മലയാളി യുവാവിനെ ദ​ുബൈ കോടതി വെറുതെ വിട്ടു. മലപ്പുറം സ്വദേശിയായ മുഹമ്മദ്​ ഷനോജിനെയാണ്​ ​െവറു​െത വിട്ടത്.  ദുബൈയിലെ ഒരു ട്രേഡിങ്​ കമ്പനിയിൽ ജോലി ചെയ്​തിരുന്ന ഷനോജ്​ 2016 മാർച്ചിൽ  രാജി സമർപ്പിച്ചു. എന്നാൽ കമ്പനി, ഷ​േനാജ്​ പണം അപഹരിച്ചുവെന്ന്​ കാട്ടി ദുബൈ പോലീസിൽ പരാതി നൽകുകയാണ്​ ചെയ്​തത്​. തുടർന്ന്​ ഏഴ്​ ദിവസം ഷനോജിനെ​ റാഷിദിയാ പൊലീസ്​ ജയിലിലടച്ചു. ദുബൈ അൽക്കബ്ബാൻ അസോസിയേറ്റ്​സിലെ സീനിയർ ലീഗൽ കൺസൾട്ടണ്ടായ അഡ്വ. ഷംസുദ്ദീൻ കരുനാഗപ്പള്ളിയുടെ നിയമ സഹായത്തോടെ ഷനോജ്​ ജാമ്യത്തിലിറങ്ങി. 

കേസുമായി ബന്ധപ്പെട്ട്​ സമർപ്പിച്ച രേഖകളുടെ നിജസ്​ഥിതിയും കണക്കുകളുടെ ആധികാരികതയും പരിശോധിക്കാനായി ദുബൈ കോടതി കേസ്​ ഫയൽ അക്കൗണ്ടിങ്​ വിദഗ്​ധന്​ കൈമാറി. പണാപഹരണം നടത്തിയിട്ടില്ല എന്നാണ്​ ഇദ്ദേഹം കോടതിയിൽ ​ബോധിപ്പിച്ചത്​. തുടർന്ന്​ ദുബൈ പ്രാഥമിക ക്രിമിനൽ കോടതി ഷനോജിനെ കുറ്റവിമുക്​തനാക്കി. വാദിയായ കമ്പനി​ അപ്പീൽ നൽകിയെങ്കിലും കുറ്റം ​ തെളിയിക്കാൻ തെളിവില്ലെന്ന്​ ചൂണ്ടിക്കാട്ടി കോടതി അപ്പീൽ തള്ളി. ഇപ്പോൾ കമ്പനിക്കെതിരെ ഷനോജ്​ ഫയൽ ചെയ്​ത കേസ്​ ദുബൈ കോടതിയിൽ നടക്കുകയാണ്​.