Begin typing your search above and press return to search.
exit_to_app
exit_to_app
Homechevron_rightGulfchevron_rightU.A.Echevron_right'നിർമിത ബുദ്ധി'...

'നിർമിത ബുദ്ധി' സാധ്യതകള്‍ ഉപയോഗപ്പെടുത്താന്‍ കോഴ്‌സ്

text_fields
bookmark_border
നിർമിത ബുദ്ധി സാധ്യതകള്‍ ഉപയോഗപ്പെടുത്താന്‍ കോഴ്‌സ്
cancel

അബൂദബി: യു.എ.ഇ സര്‍ക്കാറിനും ബിസിനസ് തലവന്മാര്‍ക്കും നിർമിത ബുദ്ധി (ആര്‍ട്ടിഫിഷ്യല്‍ ഇൻറലിജന്‍സ്) സാധ്യതകള്‍ ലഭ്യമാക്കുകയെന്ന ലക്ഷ്യത്തോടെ മുഹമ്മദ് ബിന്‍ സായിദ് ആര്‍ട്ടിഫിഷ്യല്‍ ഇൻറലിജന്‍സ് യൂനിവേഴ്‌സിറ്റി പദ്ധതിക്ക്​ തുടക്കം കുറിച്ചു.

സര്‍ക്കാറും ബിസിനസുകാരും ശാസ്ത്രസമൂഹവുമായി കൂടുതല്‍ ഇടപെടുക, ഇതിലൂടെ രാജ്യത്തി​െൻറ ഭാവി വ്യവസായ വികസനത്തി​െൻറ വേഗം കൂട്ടുക, കൃത്രിമബുദ്ധി രംഗത്ത് ആഗോള നേതൃത്വമാവുക തുടങ്ങിയ രാജ്യത്തി​െൻറ ദീര്‍ഘകാല തന്ത്രത്തെ പിന്തുണക്കുക എന്നതാണ് പദ്ധതിയുടെ ലക്ഷ്യം. ആറ് കോഴ്‌സുകളാണ് പദ്ധതിയുടെ ഭാഗമായി നടത്തുക. ലോകപ്രശസ്​ത വിദ്യാഭ്യാസ സ്ഥാപനങ്ങളില്‍ നിന്നുള്ളവരും ആഗോള കമ്പനികളിലെ പ്രതിനിധികളും യൂനിവേഴ്‌സിറ്റിയിലെ പ്രഫസര്‍മാരുമാണ് ക്ലാസുകള്‍ നയിക്കുക.

ആഗോള സാമ്പത്തിക രംഗത്തെ രൂപപ്പെടുത്തുന്ന കണ്ടെത്തലുകളുടെയും സാങ്കേതിക വിദ്യയുടെയും മുന്‍നിരയില്‍ നില്‍ക്കാനുള്ള യു.എ.ഇയുടെ നിശ്ചയദാര്‍ഢ്യമാണ് ഈ പദ്ധതി വെളിവാക്കുന്നതെന്ന് ഇന്‍ഡസ്ട്രി ആൻഡ്​ അഡ്വാൻസ്​ഡ്​ ടെക്‌നോളജി മന്ത്രിയും യൂനിവേഴ്​സിറ്റി ചെയര്‍മാനുമായ ഡോ. സുല്‍ത്താന്‍ അഹമ്മദ് അല്‍ ജാബിര്‍ പറഞ്ഞു. നിർമിതബുദ്ധി യു.എ.ഇയുടെ ദേശീയ, സാമ്പത്തിക വളര്‍ച്ചയുടെ മുഖ്യ അജണ്ടയാണെന്നും അദ്ദേഹം കൂട്ടിച്ചേര്‍ത്തു.

പുതിയ പദ്ധതിയുടെ ഗുണം എല്ലാ വ്യവസായങ്ങള്‍ക്കും സാമ്പത്തിക മേഖലകള്‍ക്കും ലഭിക്കും. യൂനിവേഴ്​സിറ്റി പ്രസിഡൻറ്​ എറിക് സിങ്, യൂനിവേഴ്‌സിറ്റി ഓഫ് ഓക്‌സ്​ഫഡ് പ്രഫ. മൈക്കല്‍ ബ്രാഡി, എം.ഐ.ടി കമ്പ്യൂട്ടര്‍ സയന്‍സ് ആൻഡ്​ആര്‍ട്ടിഫിഷ്യല്‍ ഇൻറലിജന്‍സ് ലബോറട്ടറി ഡയറക്​ടര്‍ ഡാനിയേല റുസ്, യൂനിവേഴ്‌സിറ്റി ഓഫ് കാലിഫോര്‍ണിയ പ്രഫസര്‍ മൈക്കല്‍ ജോര്‍ദാന്‍ തുടങ്ങി പ്രമുഖര്‍ പദ്ധതിയുടെ ഭാഗമാവുമെന്നും മന്ത്രി വ്യക്തമാക്കി.

Show Full Article
TAGS:artificial intelligence abudabhi 
News Summary - Course to exploit the possibilities of ‘artificial intelligence’
Next Story