കോ​ർ​പ​റേ​റ്റ്​ ടാ​ക്സ്​; ഇ​വ​ർ ര​ജി​സ്റ്റ​ർ ചെ​യ്യേ​ണ്ട

ദു​ബൈ: യു.​എ.​ഇ​യി​ൽ നി​ല​വി​ൽ​വ​രു​ന്ന കോ​ർ​പ​റേ​റ്റ് ടാ​ക്സ് സം​വി​ധാ​ന​ത്തി​ൽ ര​ജി​സ്റ്റ​ർ ചെ​യ്യേ​ണ്ട​തി​ല്ലാ​ത്ത​വ​രു​ടെ പ​ട്ടി​ക ധ​ന​കാ​ര്യ മ​ന്ത്രാ​ല​യം പു​റ​ത്തി​റ​ക്കി. സ​ർ​ക്കാ​ർ സ്ഥാ​പ​ന​ങ്ങ​ൾ, സ​ർ​ക്കാ​ർ നേ​രി​ട്ട് നി​യ​ന്ത്രി​ക്കു​ന്ന സ്ഥാ​പ​ന​ങ്ങ​ൾ എ​ന്നി​വ കോ​ർ​പ​റേ​റ്റ് ടാ​ക്സി​ന് ര​ജി​സ്റ്റ​ർ ചെ​യ്യേ​ണ്ട​തി​ല്ലെ​ന്ന് ധ​ന​കാ​ര്യ മ​ന്ത്രാ​ല​യം വ്യ​ക്ത​മാ​ക്കി.

എ​ക്സ്ട്രാ​ക്ടി​ങ് ബി​സി​ന​സു​ക​ൾ അ​ഥ​വാ ഖ​ന​ന മേ​ഖ​ല​യി​ലെ സ്ഥാ​പ​ന​ങ്ങ​ളും കോ​ർ​പ​റേ​റ്റ് ടാ​ക്സ് ന​ൽ​കേ​ണ്ടി​വ​രി​ല്ല. പ്ര​കൃ​തി​വി​ഭ​വ​ങ്ങ​ൾ വേ​ർ​തി​രി​ച്ചെ​ടു​ക്കു​ന്ന നോ​ൺ എ​ക്സ്ട്രാ​ക്ടി​വ് രം​ഗ​ത്തെ സ്ഥാ​പ​ന​ങ്ങ​ളെ​യും വി​വി​ധ മാ​ന​ദ​ണ്ഡ​ങ്ങ​ളു​ടെ അ​ടി​സ്ഥാ​ന​ത്തി​ൽ കോ​ർ​പ​റേ​റ്റ് നി​കു​തി​യി​ൽ​നി​ന്ന് ഒ​ഴി​വാ​ക്കും.

യു.​എ.​ഇ​യി​ൽ വ​രു​മാ​ന സ്രോ​ത​സ്സു​ള്ള, എ​ന്നാ​ൽ, യു.​എ.​ഇ​യി​ൽ സ്ഥാ​പ​ന​മോ റെ​സി​ഡ​ന്‍റ്​ വി​സ​യോ ഇ​ല്ലാ​ത്ത ബി​സി​ന​സു​കാ​ർ​ക്കും കോ​ർ​പ​റേ​റ്റ് ടാ​ക്സി​ൽ ര​ജി​സ്റ്റ​ർ ചെ​യ്യേ​ണ്ട​തി​ല്ലെ​ന്ന് മ​ന്ത്രാ​ല​യം വ്യ​ക്ത​മാ​ക്കി. 3,75,000 ദി​ർ​ഹ​മി​ന് മു​ക​ളി​ലു​ണ്ടാ​ക്കു​ന്ന ലാ​ഭ​ത്തി​നാ​ണ് ജൂ​ൺ ഒ​ന്ന് മു​ത​ൽ യു.​എ.​ഇ​യി​ലെ ബി​സി​ന​സ് സ്ഥാ​പ​ന​ങ്ങ​ൾ ഒ​മ്പ​തു​ശ​ത​മാ​നം കോ​ർ​പ​റേ​റ്റ് ടാ​ക്സ് ന​ൽ​കേ​ണ്ട​ത്.

എ​ന്നാ​ൽ, ടാ​ക്സ് ന​ൽ​കേ​ണ്ട ലാ​ഭ​മു​ണ്ടെ​ങ്കി​ലും മൂ​ന്ന് ദ​ശ​ല​ക്ഷ​ത്തി​ൽ താ​ഴെ വ​രു​മാ​ന​മു​ള്ള ചെ​റു​കി​ട, സ്റ്റാ​ർ​ട്ട്അ​പ് സ്ഥാ​പ​ന​ങ്ങ​ൾ​ക്ക് കോ​ർ​പ​റേ​റ്റ് ടാ​ക്സി​ൽ ഇ​ള​വ് ന​ൽ​കു​മെ​ന്ന് സ​ർ​ക്കാ​ർ ക​ഴി​ഞ്ഞ ദി​വ​സം പ്ര​ഖ്യാ​പി​ച്ചി​രു​ന്നു. ജൂ​ൺ ഒ​ന്ന് മു​ത​ലാ​ണ് യു.​എ.​ഇ​യി​ൽ ബി​സി​ന​സ് സ്ഥാ​പ​ന​ങ്ങ​ൾ​ക്കും ബി​സി​ന​സു​കാ​ർ​ക്കും ഒ​മ്പ​തു​ശ​ത​മാ​നം കോ​ർ​പ​റേ​റ്റ് ടാ​ക്സ് നി​ല​വി​ൽ വ​രു​ന്ന​ത്.