കരിയർ ഗൈഡൻസ് വെബിനാർ നടത്തി

ദുബൈ: കെ.എം.സി.സി വനിത വിങ് കരിയർ ഗൈഡൻസ് വെബിനാർ നടത്തി. അഭിരുചിക്കനുസരിച്ച തൊഴിൽമേഖല കണ്ടെത്താൻ വിദ്യാർഥികളെ സഹായിക്കുക എന്ന ലക്ഷ്യത്തോടെ സൂം പ്ലാറ്റ്​ഫോമിൽ നടത്തിയ വെബിനാറിൽ വിദ്യാർഥികളും രക്ഷാകർത്താക്കളും പ​ങ്കെടുത്തു.

ഇൻസ്​പെയർ എജു സൊലൂഷൻസിനോട് ചേർന്നാണ് ദുബൈ കെ.എം.സി.സി വനിത വിങ് ഈ സംരംഭം ഒരുക്കിയത്. പരിശീലകൻ എം.കെ. അശ്വിൻ ബാബു നയിച്ച ക്ലാസിൽ വിവിധ കോഴ്‌സുകൾ പരിചയപ്പെടുത്തി. നീറ്റ്‌ അടക്കം മത്സരപരീക്ഷകൾ, വിവിധ കോളജുകൾ, അവസരങ്ങൾ എന്നിവയിലും അവബോധം നൽകി.

സംശയ ദൂരീകരണ അവസരവും നൽകി. ദുബൈ കെ.എം.സി.സി ആക്​ടിങ് പ്രസിഡൻറ്​ ഹനീഫ് ചെർക്കള ഉദ്​ഘാടനം നിർവഹിച്ചു.

ടി.എൻ.എം ഓൺലൈൻ സൊലൂഷൻസ് എം.ഡി ടി.എൻ.എം. ജവാദ് മുഖ്യാതിഥിയായി. മുംതാസ് യാഹുമോൻ, റീന സലീം, സഫിയ മൊയ്‌തീൻ, നാസിയ ഷബീർ, നജ്​മ സാജിദ്, സറീന ഇസ്​മയിൽ എന്നിവർ സംസാരിച്ചു.