ഫീ​സ്​ കു​ടി​ശ്ശി​ക ന​ഷ്ട​പ​രി​ഹാ​രം അ​ട​ക്കം സ്കൂ​ളി​ന്​ ന​ൽ​കാ​ൻ വി​ധി

അ​ബൂ​ദ​ബി: മ​ക​ളു​ടെ പ​ഠ​ന​വു​മാ​യി ബ​ന്ധ​പ്പെ​ട്ട ഫീ​സ് കു​ടി​ശ്ശി​ക ന​ഷ്ട​പ​രി​ഹാ​രം സ​ഹി​തം സ്വ​കാ​ര്യ സ്‌​കൂ​ളി​ന് ന​ല്‍കാ​ന്‍ പി​താ​വി​ന് നി​ര്‍ദേ​ശം ന​ല്‍കി അ​ബൂ​ദ​ബി ഫാ​മി​ലി, സി​വി​ല്‍ ആ​ന്‍ഡ് അ​ഡ്മി​നി​സ്‌​ട്രേ​റ്റി​വ് കോ​ട​തി, . ഫീ​സ് കു​ടി​ശ്ശി​ക​യാ​യി 15,740 ദി​ര്‍ഹ​വും 1000 ദി​ര്‍ഹം പി​ഴ​യും ന​ല്‍കാ​നാ​ണ് കോ​ട​തി പി​താ​വി​നോ​ടു നി​ര്‍ദേ​ശി​ച്ച​ത്. വി​ദ്യാ​ര്‍ഥി​നി​യു​ടെ ഫീ​സ് കു​ടി​ശ്ശി​ക​യാ​യ 15,740 ദി​ര്‍ഹ​വും ന​ഷ്ട​പ​രി​ഹാ​ര​മാ​യി 3,142 ദി​ര്‍ഹ​വും ഈ​ടാ​ക്കി ന​ല്‍ക​ണ​മെ​ന്നാ​വ​ശ്യ​പ്പെ​ട്ടാ​ണ് സ്കൂ​ള്‍ കോ​ട​തി​യെ സ​മീ​പി​ച്ച​ത്.

ഫീ​സ് കു​ടി​ശ്ശി​ക ന​ല്‍കു​ന്ന​തു​വ​രെ 12 ശ​ത​മാ​നം പ​ലി​ശ​യും കോ​ട​തി​ച്ചെ​ല​വും ഈ​ടാ​ക്കി ന​ല്‍ക​ണ​മെ​ന്നും സ്കൂ​ള്‍ ആ​വ​ശ്യ​പ്പെ​ടു​ക​യു​ണ്ടാ​യി. അ​തേ​സ​മ​യം എ​തി​ര്‍ക​ക്ഷി നോ​ട്ടീ​സ് ന​ല്‍കി​യി​ട്ടും കോ​ട​തി​യി​ല്‍ ഹാ​ജ​രാ​വാ​തെ വ​ന്ന​തോ​ടെ​യാ​ണ് കേ​സ് സ്കൂ​ളി​ന് അ​നു​കൂ​ല​മാ​യി തീ​ര്‍പ്പാ​ക്കി​യ​ത്. പി​ഴ​യാ​യി ഈ​ടാ​ക്കി​യ 1000 ദി​ര്‍ഹം സ്കൂ​ളി​നു​ണ്ടാ​യ ന​ഷ്ട​ത്തി​ന് പ​രി​ഹാ​ര​മാ​യി ന​ല്‍കും.