കെ​ട്ടു​​​പൊ​ട്ടി​ച്ച്​ ഇ​ന്ത്യ​ൻ രു​ചി

പൂ​ര​ങ്ങ​ളു​ടെ പൂ​ര​മാ​യ തൃ​ശൂ​ർ പൂ​രം ക​ണ്ട​വ​രാ​യി​രി​ക്കും മ​ല​യാ​ളി​ക​ൾ ഏ​റെ​യും. എ​ന്നാ​ൽ, ഭ​ക്ഷ​ണ വൈ​വി​ധ്യ​ങ്ങ​ളു​ടെ ​പൊ​ടി​പൂ​രം കാ​ണാ​ൻ ആ​ഗ്ര​ഹി​ക്കു​ന്ന​വ​ർ​ക്ക്​ വേ​ദി​യൊ​രു​ക്കു​ക​യാ​ണ്​ ക​മോ​ൺ കേ​ര​ള​യി​ലെ ഫു​ഡ്​ കോ​ർ​ട്ട്. കോ​ഴി​ക്കോ​ട്ടു​കാ​രു​ടെ ക​ല്ലു​മ്മ​ക്കാ​യ മു​ത​ൽ, ഉ​ത്ത​രേ​ന്ത്യ​ൻ സ്​​ട്രീ​റ്റ്​ ഫു​ഡാ​യ സ്​​പ്രി​ങ്​ ​​​പൊ​ട്ടാ​റ്റോ വ​രെ. എ​രി​വും പു​ളി​യും മ​ധു​ര​വും നി​റ​ഞ്ഞ രു​ചി​ഭേ​ദ​ങ്ങ​ളു​ടെ പൂ​ര​പ്പ​റ​മ്പാ​യി​രു​ന്നു ശ​നി​യാ​ഴ്ച ക​മോ​ൺ കേ​ര​ള​യി​ലെ ടേ​സ്റ്റി ഇ​ന്ത്യ വേ​ദി. വി​വി​ധ സ്റ്റാ​ളു​ക​ളി​ലൂ​ടെ ന​ട​ന്നു​ ക്ഷീ​ണി​ച്ച്​ വ​രു​ന്ന​വ​ർ​ക്ക്​ ഉ​ഷ്ണം മാ​റ്റാ​ൻ മോ​രു​ കു​ടി​ച്ച്​ തു​ട​ങ്ങാം. അ​തി​നാ​യി​ ഇ​ഞ്ചി​മോ​ര്, എ​രി​വു​മോ​ര്​, നെ​ല്ലി​ക്ക​മോ​ര്, പു​ളി​മോ​ര്​ തു​ട​ങ്ങി പ​ല​വി​ധ മോ​രു​ക​ൾ ഒ​രു ഭാ​ഗ​ത്തു​ണ്ട്.

ദാ​ഹ​മ​ക​റ്റു​ന്ന​തി​നൊ​പ്പം വ​യ​റും നി​റ​ക്ക​ണ​മെ​ങ്കി​ൽ ത​ണ്ണി​മ​ത്ത​ൻ, മാ​ങ്ങ, ​പൈ​നാ​പ്പി​ൾ, അ​വ​ക്കാ​ഡോ, ഓ​റ​ഞ്ച്, മു​ന്തി​രി തു​ട​ങ്ങി പ​ല​ത​രം ഷെ​യ്ക്കു​ക​ളും ഫ്ര​ഷ്​ ജ്യൂ​സു​ക​ളും ത​ന​ത്​ അ​റ​ബ്​ ജ്യൂ​സു​ക​ളും വി​വി​ധ ക​മ്പ​നി​ക​ളു​ടെ കൂ​ൾ ഡ്രി​ങ്ക്സും ത​ട്ടു​ക​ളി​ൽ നി​റ​ഞ്ഞു​തു​ളു​മ്പു​ന്നു​ണ്ട്.​ കാ​ഷ്യൂ മാ​​ക്രോ​ൺ എ​ന്ന വെ​റൈ​റ്റി ബി​സ്ക​റ്റാ​ണ്​ മേ​ള​യി​ലെ മ​റ്റൊ​രു ത​ട്ടു​പൊ​ളി​പ്പ​ൻ ഐ​റ്റം. അ​ണ്ടി​പ്പ​രി​പ്പി​ന്‍റെ മി​ക​ച്ച രു​ചി സ​മ്മാ​നി​ക്കു​ന്ന​താ​ണ്​ കാ​ഷ്യൂ മാ​​ക്രോ​ൺ. കോ​ള​ജ്​ കു​ട്ടി​ക​ളു​ടെ സ്ഥി​രം ​ഐ​റ്റ​മാ​യ മു​ട്ട പ​ഫ്സ്​, ക​ട്​​ല​റ്റ്, ഒ​പ്പം ലൈം ​ജ്യൂ​സു​മാ​യി ജ്യൂ​സു​ക​ട​ക​ളും കാ​മ്പ​സ്​ രു​ചി സ​മ്മാ​നി​ക്കും.

കോ​ഴി​ക്കോ​ട്​ കു​റ്റി​ച്ചി​റ​ക്കാ​രു​ടെ നാ​ട​ൻ സ​മൂ​സ, ഉ​ന്ന​ക്കാ​യ, ച​ട്ടി​പ്പ​ത്തി​രി, കി​ളി​ക്കൂ​ട്, ത​ല​ശ്ശേ​രി​ക്കാ​രു​ടെ ത​ന​ത്​ വി​ഭ​വ​ങ്ങ​ളാ​യ ട​യ​ർ പ​ത്തി​രി​യും ബീ​ഫ്​ ക​റി​യും, ന്യൂ​ജ​ൻ ഫു​ഡാ​യ ബ​ർ​ഗ​ർ, ചി​ക്ക​ൻ ന​ഗ​ട്​​സ്, ബ്രോ​സ്റ്റ്, സാ​ൻ​വി​ച്ച്, അ​ന്താ​രാ​ഷ്ട്ര ക​മ്പ​നി​ക​ളു​ടെ ലൈ​വ്​ ഐ​സ്ക്രീ​മു​ക​ൾ, ചൈ​നീ​സ്​ വി​ഭ​വ​ങ്ങ​ൾ അ​ങ്ങ​നെ ഇ​ഷ്ട​മു​ള്ള ഭ​ക്ഷ​ണ​ങ്ങ​ളു​ടെ ഒ​രു ഹൈ​പ്പ​ർ​മാ​ർ​ക്ക​റ്റാ​ണ്​ ക​മോ​ൺ കേ​ര​ള​യി​ലെ ഫു​ഡ്​ കോ​ർ​ട്ട്. അ​പ്പോ​ൾ മ​റ​ക്ക​ണ്ട, സ​ന്ദ​ർ​ശ​ക​രു​ടെ മ​ന​സ്സും വ​യ​റും നി​റ​ക്കാ​ൻ മേ​ള​യു​ടെ അ​വ​സാ​ന ദി​ന​മാ​യ ഞാ​യ​റാ​ഴ്ച​യും ഫു​ഡ്​ കോ​ർ​ട്ട്​ റെ​ഡി​യാ​ണ്.