​​രണ്ടാം ദിനം ഫ​ുൾ എ പ്ലസ്: തൊ​ഴി​ൽ​ത​ട്ടി​പ്പി​ൽ വീ​ഴേ​ണ്ട;വ​ഴി​കാ​ണി​ക്കാ​ൻ എ​ക്സ്പാ​റ്റ്​ ഗൈ​ഡ്​

ഷാ​ര്‍ജ: വീ​ടും പ​റ​മ്പും പ​ണ​യം​വെ​ച്ച് ഗ​ള്‍ഫി​ലൊ​രു ജോ​ലി തേ​ടി മ​ണ​ലാ​ര​ണ്യ​ത്തി​ലെ​ത്തി തൊ​ഴി​ല്‍ ത​ട്ടി​പ്പി​ല്‍ കു​ടു​ങ്ങി ജീ​വി​തം ന​ര​ക​തു​ല്യ​മാ​യ നി​ര​വ​ധി സം​ഭ​വ​ങ്ങ​ള്‍ തീ​രാ​ക്ക​ഥ​യാ​കു​ന്ന കാ​ല​ത്ത് ഇ​ത്ത​രം സം​ഭ​വ​ങ്ങ​ള്‍ക്ക് അ​റു​തി വ​രു​ത്താ​ന്‍ ഗ​ള്‍ഫ് മാ​ധ്യ​മ​വും സ്മാ​ര്‍ട്ട് ട്രാ​വ​ലും ഒ​ന്നി​ക്കു​ന്നു. ഭാ​ര്യ​യു​ടെ ​കെ​ട്ട്​ താ​ലി വ​രെ പ​ണ​യം​വെ​ച്ച് വ​ന്ന് പ്ര​വാ​സ ലോ​ക​ത്ത് തൊ​ഴി​ല്‍ത​ട്ടി​പ്പി​നി​ര​യാ​യ​വ​ർ നി​ര​വ​ധി​യു​ണ്ട്.

ക​മ്പ​നി​ക​ളു​ടെ വ്യാ​ജ ഓ​ഫ​ര്‍ ലെ​റ്റ​ര്‍ ന​ല്‍കു​ക, ര​ണ്ടു മാ​സ​ത്തെ വി​സ​യാ​ണെ​ന്ന് പ​റ​ഞ്ഞ് ഒ​രു മാ​സ​ത്തെ വി​സി​റ്റ് വി​സ ന​ല്‍കു​ക, വി​സി​റ്റ് വി​സ​യു​ടെ കോ​പ്പി​യി​ല്‍ കൃ​ത്രി​മം കാ​ണി​ച്ച് തൊ​ഴി​ല്‍ വി​സ​യാ​ണെ​ന്ന് പ​റ​ഞ്ഞ് വി​ശ്വ​സി​പ്പി​ച്ച് തൊ​ഴി​ല​ന്വേ​ഷ​ക​രി​ല്‍നി​ന്ന് വ​ന്‍ തു​ക ത​ട്ടി​യെ​ടു​ത്ത് വ​രെ ക​ബ​ളി​പ്പി​ക്കു​ന്ന സം​ഘ​ങ്ങ​ള്‍ ഇ​പ്പോ​ഴും പ്ര​വ​ര്‍ത്തി​ക്കു​ന്നു​ണ്ട്. ര​ണ്ട് രാ​ജ്യ​ങ്ങ​ളും കേ​ന്ദ്രീ​ക​രി​ച്ച് വ​ന്‍ സം​ഘം ന​ട​ത്തു​ന്ന ത​ട്ടി​പ്പ് നി​യ​ന്ത്രി​ക്കു​ന്ന​തി​ന് ഇ​ത്ത​രം വി​ഷ​യ​ങ്ങ​ളി​ല്‍ സ​ര്‍ക്കാ​റു​ക​ള്‍ക്കും ഏ​റെ പ​രി​മി​തി​ക​ളു​ണ്ട്. ഈ​യാം പാ​റ്റ​ക​ളെ​പ്പോ​ലെ ദി​നം​പ്ര​തി നി​ര​വ​ധി​പേ​രു​ടെ ജീ​വി​ത​ഗ​തി​യാ​ണ് ഹോ​മി​ക്ക​പ്പെ​ടു​ന്ന​ത്.

ഇ​തി​ന്​​ പ​രി​ഹാ​ര​മാ​യാ​ണ് ‘ഗ​ള്‍ഫ് മാ​ധ്യ​മ’​വും സ്മാ​ര്‍ട്ട് ട്രാ​വ​ലും ഒ​ന്നി​ച്ച് പ്ര​തി​രോ​ധി​ക്കാ​ന്‍ ഒ​രു​ങ്ങു​ന്ന​ത്. പ്ര​വാ​സ​ലോ​ക​ത്ത്‌ ജോ​ലി​ക്ക് ശ്ര​മി​ക്കു​ന്ന​ത് മു​ത​ല്‍ വി​സ സം​ബ​ന്ധ​മാ​യ രേ​ഖ​ക​ള്‍ ആ​വ​ശ്യ​മാ​യ പ​രി​ശോ​ധ​ന​ക​ള്‍ക്ക് വി​ധേ​യ​മാ​ക്കി ഉ​റ​പ്പ് വ​രു​ത്താ​നു​ള്ള സൗ​ക​ര്യ​മൊ​രു​ക്കു​ന്ന സം​വി​ധാ​ന​മാ​ണ് എ​ക്സ്പാ​റ്റ് ഗൈ​ഡ്. ഉ​ദ്യോ​ഗാ​ര്‍ഥി​ക​ള്‍ക്ക് ത​ങ്ങ​ള്‍ക്ക് ല​ഭി​ച്ച വി​സ ഒ​റി​ജി​ന​ലാ​ണോ യ​ഥാ​ര്‍ഥ തൊ​ഴി​ലു​ട​മ ത​ന്നെ​യാ​ണോ തു​ട​ങ്ങി​യ കാ​ര്യ​ങ്ങ​ള്‍ ഇ​തി​ലൂ​ടെ പ​ര​മാ​വ​ധി വ്യ​ക്ത​മാ​ക്കാ​ന്‍ ക​ഴി​യും.

ല​ഭി​ച്ച വി​സ​യു​ടെ കോ​പ്പി​യു​മാ​യി സ്മാ​ര്‍ട്ട് ട്രാ​വ​ലി​ന്‍റെ ഏ​തെ​ങ്കി​ലും ബ്രാ​ഞ്ച് സ​ന്ദ​ര്‍ശി​ച്ച് ജോ​ലി വാ​ഗ്ദാ​നം ന​ല്‍കി​യ സ്ഥാ​പ​നം നി​ല​വി​ലു​ള്ള​താ​ണോ ഈ ​സ്ഥാ​പ​നം ഇ​ങ്ങ​നെ ഒ​രു വി​സ ന​ല്‍കി​യി​ട്ടു​ണ്ടോ തു​ട​ങ്ങി​യ​വ​യെ​ല്ലാം ഈ ​പ​രി​ശോ​ധ​ന​യി​ലൂ​ടെ പൂ​ര്‍ത്തി​യാ​ക്കാ​ന്‍ സാ​ധി​ക്കും വി​ധ​മാ​ണ് സം​വി​ധാ​നം ഒ​രു​ക്കി​യി​രി​ക്കു​ന്ന​തെ​ന്ന് സ്മാ​ര്‍ട്ട് ട്രാ​വ​ല്‍സ് എം.​ഡി അ​ഫി അ​ഹ​മ്മ​ദ് പ​റ​ഞ്ഞു. ഈ ​​സം​വി​ധാ​ന​ത്തി​ന്‍റെ പ്ര​ഖ്യാ​പ​നം ക​മോ​ണ്‍ കേ​ര​ള​യി​ല്‍ ‘ഗ​ള്‍ഫ് മാ​ധ്യ​മം’ ചീ​ഫ് എ​ഡി​റ്റ​ര്‍ ഹം​സ അ​ബ്ബാ​സ്, സ്മാ​ര്‍ട്ട് ട്രാ​വ​ല്‍സ് എം.​ഡി അ​ഫി അ​ഹ​മ്മ​ദ് എ​ന്നി​വ​ര്‍ ചേ​ര്‍ന്ന് നി​ര്‍വ​ഹി​ച്ചു. ആ​സ്റ്റ​ര്‍ ഗ്രൂ​പ് എം.​ഡി ആ​സാ​ദ് മൂ​പ്പ​ന്‍ മു​ഖ്യാ​തി​ഥി​യാ​യി​രു​ന്നു.