കേരളം വ്യവസായ സൗഹൃദ സംസ്​ഥാനം –മുഹമ്മദ്​ ഷാഫി 

ഷാർജ: വികസനത്തിനും വ്യവസായങ്ങൾക്കും അനുകൂലമല്ല കേരളമെന്ന പ്രചാരണം തെറ്റാണെന്നും ഏറ്റവും മികച്ച സാധ്യതകളും സൗകര്യങ്ങളുമുള്ള നാടാണ്​ കേരളമെന്നും മിനാർ ഗ്രൂപ്പ്​ മാനേജിങ്​ ഡയറക്​ടർ മുഹമ്മദ്​ ഷാഫി പറഞ്ഞു. 1996 മുതൽ വ്യവസായ രംഗത്തുള്ള തനിക്ക്​ ഇന്നേ വരെ ഒരു രീതിയിലുള്ള ബുദ്ധിമുട്ടുകളും നേരിടേണ്ടി വന്നിട്ടില്ല. ജനങ്ങളോടും ഭരണകൂടത്തോടും നന്നായി അനുവർത്തിക്കുകയാണെങ്കിൽ നല്ല വ്യവസായങ്ങളും സാധ്യമാകും.

ചില വ്യവസായങ്ങൾ പരാജയപ്പെട്ടത്​ ചൂണ്ടിക്കാട്ടിയാണ്​ കേരളം വ്യവസായങ്ങൾക്ക്​ കൊള്ളാത്ത നാടാണെന്ന വാദം ഉയർത്തുന്നത്​. എന്നാൽ, അവയുടെ പരാജയ കാരണം നടത്തിപ്പിലെ കെടുകാര്യസ്​ഥതയാണെന്ന്​ പരിശോധിച്ചാൽ വ്യക്​തമാവും. മലബാറിലെ ആദ്യ സ്വകാര്യ വൈദ്യുതി പദ്ധതി മിനാർ ഗ്രൂപ്പി​​​െൻറതാണ്​. നിലവിൽ എട്ട്​ മെഗാവാട്ട്​ യൂനിറ്റാണ്​ കോടഞ്ചേരിയിലെ പതങ്കയത്ത്​ ഉൽപാദിപ്പിക്കുന്നത്​. കോഴിക്കോടി​​​െൻറ വിവിധ ഭാഗങ്ങളിലായി 11​ പദ്ധതികൾക്കാണ്​​ മിനാർ ഗ്രൂപ്പിന്​ അനുമതി ലഭിച്ചിരിക്കുന്നത്​. റെക്കോർഡ്​ വേഗത്തിൽ ആദ്യ പദ്ധതി പൂർത്തിയാക്കിയത്​ കേരളത്തിലെ വ്യവസായ നടത്തിപ്പി​​​െൻറ അനുകൂല അവസ്​ഥയാണ്​ സൂചിപ്പിക്കുന്നത്​. പ്രവാസികൾക്കും വ്യവസായം ആരംഭിക്കാനും നിക്ഷേപം നടത്താനും ചേരുന്ന സ്​ഥലമാണ്​ കേരളമെന്നും അദ്ദേഹം ആവർത്തിച്ചു.