ഷാർജ നിറഞ്ഞ് കേരളം
text_fieldsഷാർജ: യു.എ.ഇയിലെ ഇന്ത്യൻ സമൂഹം രാഷ്ട്രത്തിെൻറ 69ാം റിപ്പബ്ലിക് ദിനത്തെക്കുറിച്ച് ഒാർമിക്കുക പ്രവാസഭൂമിയിൽ നടന്ന ഏറ്റവും വലിയ ഇന്ത്യൻ വാണിജ്യ സാംസ്കാരിക മേളയുടെ മഹനീയ വിജയ ദിവസമായാണ്. മൂന്നു നാളിെൻറ മേളയിൽ ഒരു ലക്ഷം സന്ദർശകരെ പ്രതീക്ഷിച്ച കമോൺ കേരള രണ്ടാം ദിനത്തിൽ തന്നെ ലക്ഷ്യം മറികടന്നു. ഏഴ് എമിറേറ്റുകളിൽ നിന്നുമുള്ള പ്രവാസി മലയാളികൾക്കും ഇമറാത്തികൾക്കുമൊപ്പം മറ്റു സംസ്ഥാനങ്ങളിൽ നിന്നുള്ള ഇന്ത്യക്കാരും വിവിധ രാജ്യങ്ങളിൽ നിന്നുള്ള പൗരൻമാരും പെങ്കടുത്ത ആഗോള സംഗമമായി കമോൺ കേരള. ത്രിദിന മേള ഇന്ന് സമാപിക്കും.
വെള്ളിയാഴ്ച ഉച്ചയോടെ ആരംഭിച്ച വരവ് നാലുമണിയോടെ അതിശക്തമായി.രാത്രി വൈകിയും ഒഴുക്ക് തുടർന്നു. അന്താരാഷ്ട്ര പുസ്തകമേള ഉൾപ്പെടെ അതിവിപുലമായ പരിപാടികൾ അരങ്ങേറുന്ന ഷാർജ എക്സ്പോ സെൻററിെൻറ ചരിത്രത്തിലും ഒരു നാടിെൻറ സംഗമത്തിന് ഇതുപോലൊരു ജനപ്രവാഹം ഇതാദ്യം. കണക്കുകൂട്ടലുകൾക്കപ്പുറമായി സന്ദർശകരെത്തിയതോടെ ഒരുവേള ടിക്കറ്റ് വിതരണം പോലും നിർത്തിവെക്കേണ്ടി വന്നു. കേരള കാഴ്ചകൾ കാണാനും ഭക്ഷണം രുചിക്കാനും സാംസ്കാരിക പരിപാടികൾ ആസ്വദിക്കാനുമെത്തിയ ജനക്കൂട്ടം പെരുന്നാൾ കാലത്തെ കോഴിക്കോട് കടപ്പുറത്തെ ഒാർമപ്പെടുത്തി.വളണ്ടിയർമാരും വിവിധ പ്രവാസി കൂട്ടായ്മ നേതാക്കളും ഏറെ പരിശ്രമിച്ചാണ് ജനക്കൂട്ടത്തെ നിയന്ത്രിച്ചത്.
യു.എ.ഇയിലെ ഏറ്റവും മനോഹരമായ ഇന്ത്യൻ റിപ്പബ്ലിക് ദിനാഘോഷത്തിനും മുഖ്യവേദി സാക്ഷ്യം വഹിച്ചു. യു.എ.ഇയിലെ ചെറുതും വലുതുമായ പ്രവാസി ഇന്ത്യൻ കൂട്ടായ്മകളുടെ സാരഥികളുെട നിറസാന്നിധ്യത്തിലായിരുന്നു പരിപാടികൾ. ഗൾഫ് മാധ്യമം ചീഫ് എഡിറ്റർ വി.കെ. ഹംസ അബ്ബാസിനൊപ്പം അഡ്വ. വൈ.എ. റഹീം, ദുബൈ െക.എം.സി.സി പ്രസിഡൻറ് പി.കെ. അൻവർ നഹ, അബൂദബി ഇന്ത്യൻ ഇസ്ലാമിക് സെൻറർ പ്രസിഡൻറ് ബാവ ഹാജി, ഇൻകാസ് പ്രസിഡൻറ് മഹാദേവൻ, ജനറൽ സെക്രട്ടറി പുന്നക്കൻ മുഹമ്മദലി,ദേശാഭിമാനി റീഡേഴ്സ്ഫോറം നേതാവ് കെ.എൽ. ഗോപി, എസ്.എൻ.ഡി.പി സേവനം യു.എ.ഇ പ്രസിഡൻറ് രാജൻ, പ്രവാസി ശ്രീ ഷാർജ പ്രസിഡൻറ് റോസി ടീച്ചർ, കൽബ ഇന്ത്യൻ േസാഷ്യൽ ആൻറ് കൾച്ചറൽ ക്ലബ് പ്രസിഡൻറ് കെ.സി. അബൂബക്കർ, അജ്മാൻ ഇന്ത്യൻ അസോസിയേഷൻ പ്രസിഡൻറ് ഒ.വൈ. ഖാൻ, പ്രവാസി ഇന്ത്യ ഭാരവാഹി കെ.എം. അൻവർ, അൽഖൈൽ േഗറ്റ് മലയാളി അസോസിയേഷൻ പ്രസിഡൻറ് ബഷീർ, ബ്ലൂസ്റ്റാർ അൽ െഎൻ പ്രസിഡൻറ് ഉണ്ണീൻ പൊന്നേത്ത്, എസ്.എൻ.ഡി.പി സേവനം സെൻറർ ഷാർജ സമിതി ജനറൽ െസക്രട്ടറി അനിൽ, ദുബൈ ഗൾഫ് മോഡൽ സ്കൂൾ ചെയർമാൻ അഡ്വ. നജീദ്, ഇന്ദിരാഗാന്ധി വീക്ഷണം ഫോറം യു.എ.ഇ പ്രസിഡൻറ് ഇ.പി. ജോൺസൻ, അൽെഎൻ ഇന്ത്യൻ സെൻറർ ഭാരവാഹി ഷാജി ഖാൻ, ടി.പി. അഷ്റഫ് , പ്രമുഖ റേഡിയോ അവതാരകൻ മിഥുൻ തുടങ്ങിയവരാണ് ആഘോഷത്തിന് നേതൃത്വം നൽകിയത്. യു.എ.ഇ ദേശീയ ഗാനവും ഇന്ത്യൻ ദേശീയ ഗാനവും മുഴക്കി ഇരു രാജ്യങ്ങളുടെയും സ്നേഹാശ്ലേഷണവുമായി. ശ്രദ്ധേയ യുവ മാന്ത്രികൻ രാജ് കലേശ് മാന്ത്രിക പ്രകടനത്തിലൂടെ എത്തിച്ച സമാധാന പ്രതീകമായ വെള്ളരിപ്രാവ് ചിറകടിച്ച് പറക്കുന്നതിനൊപ്പം മുഖ്യവേദിയൊന്നടങ്കം കൈയടിച്ച് രാജ്യത്തിന് ആശംസകൾ നേർന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.