കമോൺ കേരളപ്പാട്ട്​ റിലീസ്​ ഇന്ന്​

ദുബൈ: ലോക മലയാളിയുടെ വിജയഗീതമായി മാറാനൊരുങ്ങുന്ന കമോൺ കേരള തീം സോങ്​ ഇന്ന്​ പുറത്തിറങ്ങും. ഹിറ്റ്​ എഫ്​.എം 96.7 റേഡിയോയിലൂടെയാണ്​ ലോകം ആദ്യമായി ഇൗ പാട്ട്​ കേൾക്കുക. ഇന്നു രാവിലെ എട്ടു മണിക്ക്​ തുടങ്ങുന്ന ബ്രേക്​ഫാസ്​റ്റ്​ ഷോയിൽ പാട്ട്​ അവതരിപ്പിക്കും. ഇൗ മാസം 25,26,27 തീയതികളിൽ ഷാർജ എക്​സ്​പോ സ​​െൻററിൽ നടക്കുന്ന കമോൺ കേരളയോടനുബന്ധിച്ച സാംസ്​കാരിക മുന്നൊരുക്കങ്ങൾക്ക്​ ഇതോടെ തുടക്കമാവും.  പ്രവാസി മലയാളികളുടെ ജീവിതവുമായി ഏ​റെ വർഷങ്ങളായി ഉൾച്ചേർന്നു നിൽക്കുന്ന മാധ്യമം എന്ന നിലയിലാണ്​ ഒൗപചാരികതകളില്ലാതെ റേഡിയോ മുഖേന പാട്ട്​ അവതരിപ്പിക്കുന്നത്​. പാട്ടി​​​െൻറ ദൃശ്യഭാഷ്യം മീഡിയാവൺ ടി.വി മുഖേന ഇന്ന്​ സംപ്രേക്ഷണം ചെയ്യും. ബി.കെ. ഹരിനാരായണൻ എഴുതിയ വരികൾക്ക്​ ഹിഷാം അബ്​ദുൽ വഹാബാണ്​ ഇൗണമിട്ടിരിക്കുന്നത്​. എം.ജി. ശ്രീകുമാർ, സിതാര, സിദ്ധാർഥ്​ മേനോൻ, രൂപ രേവതി, ശ്രേയക്കുട്ടി എന്നിവരാണ്​ പാട്ടുകാർ.