യാ​ത്ര​ക​ളെ പ്ര​ണ​യി​ക്കു​ന്ന​വ​ർ​ക്ക്​ ഊ​ർ​ജ​മാ​യി ‘ഷീ ​ട്രാ​വ​ലേ​ഴ്‌​സ്’

ഷാ​ര്‍ജ: ‘ന​മ്മ​ള്‍ സ​ന്തോ​ഷ​ത്തോ​ടെ ഇ​രി​ക്കു​മ്പോ​ള്‍ മാ​ത്ര​മാ​ണ് ന​മു​ക്ക് ചു​റ്റു​മു​ള്ള​വ​രി​ലേ​ക്ക് ആ ​സ​ന്തോ​ഷം പ​ക​ര്‍ന്നു ന​ല്‍കാ​നാ​വു​ക. നാം ​സ​ന്തോ​ഷ​ത്തി​ലാ​വു​ക എ​ന്ന​ത് ന​മ്മു​ടെ മാ​ത്രം ആ​വ​ശ്യ​മാ​ണ്. എ​ന്‍റെ സ​ന്തോ​ഷം, യാ​ത്ര​യാ​ണ്. അ​തി​ല്‍ ഞാ​ന്‍ ആ​ന​ന്ദം ക​ണ്ടെ​ത്തു​ന്നു. എ​ന്‍റെ ചു​റ്റു​മു​ള്ള​വ​രി​ലേ​ക്കും അ​തി​നെ എ​ത്തി​ച്ചു​കൊ​ടു​ക്കു​ന്നു’ - വ​ര്‍ഷ വി​ശ്വ​നാ​ഥ് ഇ​ത് പ​റ​യു​മ്പോ​ള്‍, കേ​ള്‍വി​ക്കാ​രു​ടെ മു​ഖ​ങ്ങ​ളി​ല്‍ മി​ന്നി​ത്തെ​ളി​ഞ്ഞ വ്യ​ത്യ​സ്ത ഭാ​വ​ങ്ങ​ളു​ണ്ട്. ജീ​വി​ത​ത്തി​ല്‍ വ​ര്‍ഷ ക​ണ്ടെ​ത്തി​യ സ​ന്തോ​ഷ​ത്തി​ലേ​ക്ക് എ​ത്തി​പ്പെ​ടാ​ന്‍ എ​ത്ര കാ​ല​മി​നി​യും കാ​ത്തി​രി​ക്ക​ണ​മെ​ന്ന് ആ​കു​ല​പ്പെ​ടു​ന്ന​വ​ര്‍.

ആ ​തി​രി​ച്ച​റി​വി​ലേ​ക്കെ​ത്തി​യ​വ​ര്‍. വി​കാ​ര​ങ്ങ​ളു​ടെ സ​മ്മി​ശ്ര പ്ര​തി​ക​ര​ണ​ങ്ങ​ള്‍ നി​റ​ഞ്ഞ​താ​യി​രു​ന്നു ഗ​ള്‍ഫ് മാ​ധ്യ​മം ക​മോ​ണ്‍ കേ​ര​ള ‘ഷീ ​ട്രാ​വ​ലേ​ഴ്‌​സ്’ ച​ര്‍ച്ച. യാ​ത്ര​ക​ളെ പ്ര​ണ​യി​ക്കു​ന്ന​വ​രു​ടെ, അ​ത് സാ​ക്ഷാ​ത്ക​രി​ച്ച​വ​രു​ടെ അ​നു​ഭ​വ​ങ്ങ​ളി​ലൂ​ടെ യാ​ത്ര ചെ​യ്ത​ങ്ങ​നെ വേ​ദി​യും.

ഏ​ഴ് ലോ​കാ​ത്ഭു​ത​ങ്ങ​ളി​ല്‍ ആ​റും സ​ന്ദ​ര്‍ശി​ച്ച് ശ്ര​ദ്ധ നേ​ടി​യ യാ​ത്രി​ക​യാ​ണ് വ​ര്‍ഷ വി​ശ്വ​നാ​ഥ്. കി​ളി​മാ​ഞ്ചാ​രോ കൊ​ടു​മു​ടി കീ​ഴ​ട​ക്കി​യ വ​ര്‍ഷ​ക്ക് ഇ​ഷ്ടം സോ​ളോ ട്രി​പ്പു​ക​ളാ​ണ്. 50ലേ​റെ രാ​ജ്യ​ങ്ങ​ളും ഇ​ന്ത്യ​യി​ലെ 23ലേ​റെ സം​സ്ഥാ​ന​ങ്ങ​ളും സ​ന്ദ​ര്‍ശി​ച്ച വ​ര്‍ഷ, ത​ന്‍റെ യാ​ത്ര​ക​ളി​ലേ​ക്ക് കേ​ള്‍വി​ക്കാ​രെ കൂ​ട്ടി​ക്കൊ​ണ്ടു പോ​വു​ക​യാ​യി​രു​ന്നു.

13 ലേ​റെ രാ​ജ്യ​ങ്ങ​ളി​ലെ കാ​ഴ്ച​ക​ളു​ടെ ഹൃ​ദ്യാ​നു​ഭ​വ​ങ്ങ​ളാ​ണ് സ​ഫീ​റ പ​ങ്കു​വെ​ച്ച​ത്. സാ​ഹ​സി​ക യാ​ത്ര​ക​ളോ​ടാ​ണ് സ​ഫീ​റ അ​ബ്ദു​റ​ബ്ബി​ന്‍റെ പ്ര​ണ​യം. ലോ​ക​ത്തി​ലെ ഏ​റ്റ​വും ഉ​യ​രം കൂ​ടി​യ പ​ത്താ​മ​ത്തെ കൊ​ടു​മു​ടി​യാ​യ അ​ന്ന​പൂ​ര്‍ണ കീ​ഴ​ട​ക്കി​യ സ​ഫീ​റ​ക്ക്, ഏ​ഴു ഭൂ​ഖ​ണ്ഡ​ങ്ങ​ളി​ലെ ഏ​ഴു കൊ​ടു​മു​ടി​ക​ള്‍ കീ​ഴ​ട​ക്ക​ണ​മെ​ന്ന​താ​ണ് മോ​ഹം. പൂ​വ​ണി​യു​മെ​ന്ന പ്ര​തീ​ക്ഷ​യോ​ടെ യാ​ത്ര​ക​ള്‍ തു​ട​രു​ക​യാ​ണ്.

ആ​സി​യ​ത്ത് മ​സീ​ന ജ​ബി​ന്‍റെ യാ​ത്ര​ക​ള്‍ക്ക് എ​ന്തൊ​രു ച​ന്ത​മാ​ണെ​ന്ന് തോ​ന്നും ആ ​ക​ഥ​ക​ള്‍ കേ​ള്‍ക്കു​മ്പോ​ള്‍. ദു​ബൈ​യി​ലെ അ​ല്‍ താ​ഹി​ര്‍ കു​ടും​ബ​ത്തി​ലെ ജോ​ലി​ക്കി​ടെ​യാ​ണ് യാ​ത്ര​ക​ളി​ലേ​ക്ക് വ​ഴി തി​രി​യു​ന്ന​ത്. 2021 ലാ​ണ് തു​ട​ക്കം. ഇ​തു​വ​രെ ക​ട​ന്നു​ചെ​ന്ന​ത് 24 രാ​ജ്യ​ങ്ങ​ളു​ടെ സു​ന്ദ​രാ​നു​ഭ​വ​ങ്ങ​ളി​ലേ​ക്ക്. 25ാമ​ത്തെ രാ​ജ്യം കാ​ണാ​നു​ള്ള ആ​വ​ശേ​ത്തി​ലാ​ണി​പ്പോ​ള്‍.

ഓ​രോ യാ​ത്ര​യും ജീ​വി​ത​ത്തി​ലേ​ക്ക് കൈ​പി​ടി​ച്ചു​യ​ര്‍ത്തു​ന്ന ഊ​ര്‍ജ​മാ​ണെ​ന്നാ​ണ് ആ​സി​യ​ത്തി​ന്‍റെ പ​ക്ഷം. പ്രാ​ഗി​ലേ​ക്കും ല​ഡാ​ക്കി​ലേ​ക്കും സോ​ളോ യാ​ത്ര​ക​ള്‍. റോ​മി​ലും മാ​ള്‍ട്ട​യി​ലും ഇ​സ്തം​ബൂ​ളി​ലു​മു​ള്ള ച​രി​ത്രാ​ന്വേ​ഷ​ണം. മ​ക്ക​യി​ലേ​ക്കു​ള്ള തീ​ര്‍ഥ​യാ​ത്ര. കൈ​റോ, വെ​യ്ല്‍സ്, സ്‌​കോ​ട്ട്‌​ല​ൻ​ഡ്, ഉ​സ്ബ​കി​സ്താ​ന്‍, കി​ര്‍ഗി​സ്താ​ന്‍, ഹം​ഗ​റി, റു​മേ​നി​യ... അ​ങ്ങ​നെ യാ​ത്ര​ക​ള്‍ തു​ട​ര്‍ന്നു കൊ​ണ്ടേ​യി​രി​ക്കു​ന്നു.

ആ​രു​ടെ​യും ആ​ഗ്ര​ഹ​ങ്ങ​ളി​ല്‍ മു​ന്നി​ല്‍ നി​ല്‍ക്കു​ന്ന​തി​ല്‍ ഒ​ന്ന് എ​പ്പോ​ഴും യാ​ത്ര​ക​ള്‍ ത​ന്നെ​യാ​യി​രി​ക്കും. ചി​ല​ര്‍ സാ​ക്ഷാ​ത്ക​രി​ക്കു​ന്നു. ചി​ല​ര്‍ കാ​ത്തി​രി​പ്പ് തു​ട​രു​ന്നു. ക​മോ​ണ്‍ കേ​ര​ള വേ​ദി​യി​ല്‍ ക​ണ്ട​തും കേ​ട്ട​തും ആ ​അ​നു​ഭ​വ​ങ്ങ​ള്‍ ത​ന്നെ​യാ​ണ്. ച​ര്‍ച്ച​യി​ല്‍ ഹി​റ്റ് എ​ഫ്.​എം ആ​ര്‍ജെ മാ​യ ക​ര്‍ത്ത​യാ​യി​രു​ന്നു അ​വ​താ​ര​ക. തി​ക​ച്ചും വ്യ​ത്യ​സ്ത​മാ​യ അ​വ​ത​ര​ണ ശൈ​ലി കൊ​ണ്ട് ഏ​റെ​പ്പേ​രു​ടെ ഹൃ​ദ​യം ക​വ​ര്‍ന്നാ​ണ് ‘ഷീ ​ട്രാ​വ​ലേ​ഴ്‌​സ്’ സ​മാ​പി​ച്ച​ത്.