ചായ-കാപ്പി  ജുഗൽബന്ദി തീർത്ത്​ കോഫീടീ

ദുബൈ: പല നാട്ടിൽ നിന്നുള്ള പല ഭാഷക്കാർ ഒരുമിച്ച്​ കൈകോർത്ത്​ ജീവിക്കുന്ന ദുബൈയിൽ ചായയും കാപ്പിയും മാത്രം എന്തിന്​ വേറിട്ട്​ നിൽക്കണം?. 
ചായയാണോ കാപ്പിയാണോ മുന്തിയ പാനീയം എന്ന നൂറ്റാണ്ടുകളായി തുടരുന്ന തർക്കത്തിന്​ സമാധാനപൂർവമായ ഒരു പരിഹാരം കണ്ടെത്തിയിരിക്കുകയാണ്​ ദുബൈയിലെ മൂന്ന്​ മലയാളികൾ​. ഒരേ കപ്പിൽ കാപ്പിയും ചായയും ഒരുമിച്ച്​ കോഫീടീ എന്ന പേരിലെ പാനീയം തയ്യാറാക്കിയത്​ വാട്ടർഫ്രണ്ട്​ മാർക്കറ്റിലെ മലയാളി ഉടമസ്​ഥതയിലുള്ള കോഫീടീ റസ്​റ്റാറൻറിലാണ്​. കാപ്പി അടി ഭാഗത്തും ചായ മുകളിലുമായി നിൽക്കുന്ന ഇൗ പാനീയം വർഷങ്ങൾ നീണ്ടുനിന്ന ​ഗവേഷണത്തി​​​െൻറ ഫലമാണെന്ന്​ ഫുഡ്​കാസിൽ ഗ്രൂപ്പ്​ എം.ഡി നൗഷാദ്​ യൂസുഫ്​ പറയുന്നു. 

കോഫിടീ അധിക​ൃതർ വാർത്താസമ്മേളനത്തിൽ

 

ഒാർഗാനിക് ചായപ്പൊടിയും അറബിക്ക ബീൻസ്​ കാപ്പിയുമാണ്​ ഇതിനായി ഉപയോഗിക്കുന്നത്​. ഒരു കപ്പ്​ തയ്യാറാക്കാൻ അര മണിക്കൂർ നേരമെടുത്തിരുന്നു. ഇപ്പോൾ മൂന്ന്​ മിനിറ്റു കൊണ്ട്​ ഇൗ ഫ്യൂഷൻ പാനീയം തയ്യാർ. മാഹി പള്ളൂർ സ്വദേശിയായ നൗഷാദിന്​ പുറമെ മകൻ സഹീൻ നൗഷാദ്​, മരുമകൻ ഫഹീം നിസ്​താർ എന്നിവരാണ്​ പാനീയം ഡിസൈൻ ചെയ്​തത്​. ഇൗ ഉൽപന്നത്തി​​​െൻറ​ പേറ്റൻറും തങ്ങൾ സ്വന്തമാക്കിയതായി ഇവർ വാർത്താ സമ്മേളനത്തിൽ പറഞ്ഞു.
ചാർക്കോൾ മിശ്രണം ചെയ്​ത ചായ, ചാർക്കോൾ ​കുക്കീസ്​ തുടങ്ങി സ്വന്തം ചേരുവകൾ കൊണ്ടുള്ള നിരവധി വിഭവങ്ങളും ഇവിടെ വിളമ്പുന്നുണ്ട്​. ഇത്തരം നവീന ആശയങ്ങളുടെ സംഗമ കേന്ദ്രമായി വാട്ടർ ഫ്രണ്ട്​ മാർക്കറ്റ്​ മാറുമെന്നും ഏതാനും നാളുകൾക്കുള്ളിൽ മേഖലയിലെ ഏറ്റവും ശ്രദ്ധേയമായ വാണിജ്യകേന്ദ്രമായി തീരുമെന്നും മാർക്കറ്റ്​ പ്രതിനിധി സമി ഇൗദ്​ പറഞ്ഞു.