ക്ലാ​സി​ക്​ കാ​റു​ക​ളു​ടെ ലേ​ലം ഡി​സം​ബ​റി​ൽ

ദു​ബൈ: ക്ലാ​സി​ക്​ കാ​ർ പ്രേ​മി​ക​ൾ​ക്ക്​ ലോ​ക​ത്തെ അ​ത്യ​പൂ​ർ​വ കാ​റു​ക​ൾ സ്വ​ന്ത​മാ​ക്കാ​ൻ ദു​ബൈ അ​വ​സ​ര​മൊ​രു​ക്കു​ന്നു. കാ​റു​ക​ൾ ലേ​ലം ചെ​യ്യു​ന്ന ലോ​ക​ത്തെ പ്ര​മു​ഖ സ്ഥാ​പ​ന​മാ​യ ആ​ർ.​എം സോതബി​യു​ടെ ര​ണ്ടാ​മ​ത്​ കാ​ർ ലേ​ലം ഡി​സം​ബ​ർ ഒ​ന്നി​ന് ദു​ബൈ​യി​ൽ​ ന​ട​ക്കും. ക​ഴി​ഞ്ഞ വ​ർ​ഷം ന​ട​ത്തി​യ ലേ​ലം വ​ൻ വി​ജ​യ​മാ​യ​തി​ന് പി​ന്നാ​ലെ​യാ​ണ്​ ക​മ്പ​നി കൂ​ടു​ത​ൽ കാ​റു​ക​ളു​മാ​യി ഇ​ത്ത​വ​ണ​യു​മെ​ത്തു​ന്ന​ത്.

1000 മി​ഗ്​​ലി​യ എ​ക്സ്​​പീ​രി​യ​ൻ​സ്​ യു.​എ.​ഇ​യു​മാ​യി കൈ​കോ​ർ​ത്ത്​ ഇ​മാ​റാ​ത്തി ഗോ​ൾ​ഫ്​ ക്ല​ബി​ലാ​ണ്​ പ​രി​പാ​ടി സം​ഘ​ടി​പ്പി​ക്കു​ന്ന​ത്. ഏ​തെ​ല്ലാം ക​മ്പ​നി​ക​ളു​ടെ കാ​റു​ക​ൾ ലേ​ല​ത്തി​ന്​ എ​ത്തു​മെ​ന്ന വി​വ​ര​ങ്ങ​ൾ വ​രും ആ​ഴ്ച​ക​ളി​ൽ പു​റ​ത്തു​വി​ടു​മെ​ന്ന്​ ക​മ്പ​നി അ​റി​യി​ച്ചു. ഇ​ക്ക​ഴി​ഞ്ഞ മാ​ർ​ച്ചി​ൽ 62.4 ദ​ശ​ല​ക്ഷം ദി​ർ​ഹം മൂ​ല്യം വ​രു​ന്ന വാ​ഹ​ന​ങ്ങ​ളാ​ണ്​ വി​റ്റ​ഴി​ച്ച​ത്.

ര​ണ്ടാം ലോ​ക​യു​ദ്ധ കാ​ല​ത്ത്​ ഇ​റ​ങ്ങി​യ 1935 മോ​ഡ​ൽ ബു​ഗാ​ട്ടി ഉ​ൾ​പ്പെ​ടെ അ​ത്യ​പൂ​ർ​വ​മാ​യ കാ​റു​ക​ളാ​ണ്​ അ​ന്ന്​ ലേ​ല​ത്തി​ൽ പ്ര​ദ​ർ​ശി​പ്പി​ച്ചി​രു​ന്ന​ത്.

2000 ബി.​എം.​ഡ​ബ്ല്യു.​ഇ​സെ​ഡ്​ 8, 1996 പോ​ർ​ഷെ 911 ക​റേ​റ 4 എ​സ്, 2016 മെ​ക​ലാ​റ​ൻ 675 എ​ൽ.​ടി സ്​​പൈ​ഡ​ർ, 2009 മോ​ഡ​ൽ ലം​ബോ​ർ​ഗി​നി മു​ർ​സി​ലാ​ഗോ എ​ൽ.​പി 640-4 റോ​ഡ്​​സ്റ്റ​ർ ഉ​ൾ​പ്പെ​ടെ അ​പൂ​ർ​വ കാ​റു​ക​ളു​ടെ ലി​സ്റ്റാ​ണ്​ ആ​ർ.​എം സോതബിയു​ടെ വെ​ബ്​​സൈ​റ്റി​ൽ പ്ര​ദ​ർ​ശി​പ്പി​ച്ചി​രി​ക്കു​ന്ന​ത്.