17കാരിയെ തീയിൽനിന്ന്​ രക്ഷിച്ച  അഗ്​നിശമന സേനാംഗങ്ങൾക്ക്​ ആദരം

അബൂദബി: ഷാർജ ഖോർഫക്കാൻ ലൂലയ്യയിലെ വീട്ടിൽ കഴിഞ്ഞ വ്യാഴാഴ്​ചയുണ്ടായ തീപിടിത്തത്തിൽനിന്ന്​ 17കാരിയെ രക്ഷപ്പെടുത്തിയ 11 സിവിൽ ഡിഫൻസ്​ ഉദ്യോഗസ്​ഥരെ ആദരിച്ചു. തിങ്കളാഴ്​ച ആഭ്യന്തര മന്ത്രാലയത്തിൽ സംഘടിപ്പിച്ച ചടങ്ങിൽ ഉപപ്രധാനമന്ത്രിയും ആഭ്യന്തര മന്ത്രിയുമായ ശൈഖ് സൈഫ് ബിൻ സായിദ് ആൽ നഹ്​യാനാണ്​ ഇവർക്ക്​ ആദരവർപ്പിച്ചത്​. 
ഷാർജ സിവിൽ ഡിഫൻസ്​ ഡയറക്​ടർ ജനറൽ കേണൽ സമി ഖമീസ്​ ആൽ നഖ്​വിയും ആദരിക്കപ്പെട്ടവരിൽ ഉൾപ്പെടും. 
ഏത്​ സാഹചര്യങ്ങളിലും രാജ്യത്തെ സേവിക്കുന്നതിനുള്ള ത്യാഗവും പ്രയത്​നവും അർപ്പിക്കാൻ സിവിൽ ഡിഫൻസ്​ സംഘത്തിന്​ പ്രചോദനമേകുന്നതാണ്​ ആദരവെന്ന്​ കേണൽ സമി ഖമീസ്​ ആൽ നഖ്​വി അഭിപ്രായപ്പെട്ടു. 
തീപിടിച്ച വീടി​​​െൻറ വാതിൽ തകർത്താണ്​ സിവിൽ ഡിഫൻസ്​ സംഘം 17കാരിയെ രക്ഷിച്ചത്​. 
പുക ശ്വസിച്ച്​ ബോധരഹിതയായി വീട്ടിനകത്ത്​ കിടക്കുകയായിരുന്നു  പെൺകുട്ടി. 
മറ്റു രണ്ട്​ സ്​ത്രീകളെയും വീട്ടിനകത്തുനിന്ന്​ സംഘം മാറ്റിയിരുന്നു.