സൗഹൃദത്തി​െൻറ ക്രിസ്​മസ് കൃപ ഒരുക്കി തൊഴിലാളികള്‍

അജ്മാന്‍:  ക്രിസ്​മസ്​ വേളയിൽ ചാലക്കുടി ടൗണിലും മറ്റും ​കമനീയമായ കാഴ്​ചകൾ ഒരുക്കുന്നത്​ പതിവാണ്​. നാട്ടിലെ ക്രിസ്​മസ്​ ആഘോഷത്തി​​െൻറ അതേ തിളക്കം പ്രവാസഭൂമിയിലും ഉറപ്പാക്കുകയാണ്​ ഒരു സംഘം യുവ തൊഴിലാളികൾ. ഷാര്‍ജ ഹമരിയ ഫ്രീസോണില്‍ പ്രവര്‍ത്തിക്കുന്ന എക്സ്റ്റെരന്‍  കമ്പനിയില്‍ ജോലി ചെയ്യുന്ന തൊഴിലാളികളാണ് തങ്ങളുടെ അജ്മാനിലെ താമസ സ്ഥലത്ത് വ്യത്യസ്തമായ  ക്രിസ്​മസ് കൃപ ഒരുക്കിയത്. നാളെ നടക്കുന്ന ആഘോഷങ്ങള്‍ക്ക് മാറ്റ് കൂട്ടുവാൻ അമ്പലം,ചർച്ച്​,പള്ളി,പിരിമിഡ്,വലിയകോട്ട,യന്ത്ര ഊഞ്ഞാല്‍, സ്​റ്റേഡിയം,  മഞ്ഞുമല  തുടങ്ങിയ നിരവധി രൂപങ്ങളാണ് ഈ തൊഴിലാളികള്‍ ഒരുക്കിയിരിക്കുന്നത്.

ജോലി കഴിഞ്ഞ് രാത്രി എട്ടു മുതലുള്ള ചുരുങ്ങിയ സമയം കണ്ടെത്തിയാണ് ഈ മനോഹര കലാ സൃഷ്​ടി തയ്യാറാക്കിയത്. രണ്ടു മാസത്തിലേയുള്ള അധ്വാനത്തി​​െൻറ കൂടി ഫലമാണിത്​.   മുന്നൂറിലേറെ വരുന്ന കമ്പനി തൊഴിലാളികള്‍ നാളെ ക്യാമ്പില്‍ നടക്കുന്ന കരോളില്‍ പങ്കെടുക്കും.  തൊഴിലാളികള്‍ പരസ്പരം സഹകരിച്ചാണ് ഈ കരവിരുതിനുള്ള സാമ്പത്തിക ചെലവുകള്‍ കണ്ടെത്തിയത്. ചില സാധനങ്ങള്‍ നാട്ടില്‍ നിന്ന്​ എത്തിക്കേണ്ടിയും വന്നു. ക്യാമ്പ് ബോസ് കുമരകം സ്വദേശി ജോര്‍ജ് കുരുവിളയുടെ പിന്തുണയും ഏറെ മുതല്‍കൂട്ടായെന്നു  ഈ നിര്‍മ്മാണ പ്രവര്‍ത്തനങ്ങള്‍ക്ക് നേതൃത്വം നല്‍കിയ ചാലക്കുടി സ്വദേശി സിന്‍സന്‍ ജോസ് പറയുന്നു. തെര്‍മോകോളാണ് മുഖ്യമായും നിര്‍മ്മാണത്തിനു ഉപയോഗിച്ചിരിക്കുന്നത്.

അജ്മാനിലെ ചൈന മാളിന് സമീപത്തെ ക്യാമ്പില്‍ താമസിക്കുന്ന   എഴുപതോളം തൊഴിലാളികളില്‍ മുഴുവന്‍ പേരും ഈ കൂട്ടായ്മയില്‍ പങ്കാളികളായി. സജിത്ത് ശശി, സണ്ണി ജോസഫ്, ജീമോന്‍ വര്‍ഗീസ്‌, ആൻട്രൂസ്,സാര്‍ജന്‍ ബേബി, ജെയേഷ് തുടങ്ങിയവരാണ് ഉത്സാഹക്കാരായത്. ക്രിസ്​മസ് തലേന്ന് രാത്രി ഏഴിന് തുടങ്ങുന്ന കരോള്‍ ആഘോഷം രാത്രി പതിനൊന്നു വരെ നീണ്ടു നില്‍ക്കും. പുതുവത്സര ദിനത്തിനു തലേ ദിവസവും മറ്റൊരു ആഘോഷവും കൂടി ഒരുക്കുന്നുണ്ട്‌ ഇവര്‍. കഴിഞ്ഞ ഓണാഘോഷത്തിനും ഈ തൊഴിലാളികള്‍ വ്യത്യസ്തയാര്‍ന്ന ആഘോഷ പരിപാടികള്‍ ഒരുക്കിയിരുന്നു.