വിപണിയിൽ മധുരം വിതറി  ക്രിസ്​മസ്​ കേക്കുകൾ 

ഷാർജ: ക്രിസ്​മസ്​ സമാഗതമാകാൻ ദിവസങ്ങൾ ബാക്കി നിൽക്കെ ഗൾഫ് നാടുകളിൽ ആഘോഷങ്ങൾ തുടങ്ങി. കാരൾ സംഘങ്ങൾ യു.എ.ഇയിൽ സജീവമായിട്ടുണ്ട്. രാമഞ്ഞി​​െൻറ കുളിരാർന്ന വെളിച്ചത്തിൽ സ്​തുതിച്ച് പാടിയാണ് കാരൾ സംഘങ്ങൾ സ്​നേഹം പങ്ക് വെക്കുന്നത്. വിപണികളിലാവട്ടെ ക്രിസ്​മസ്​ കേക്കുകളുടെ ഉത്സവം തുടങ്ങിയിട്ടുണ്ട്. സാൻറാക്ലോസ്​ അപ്പുപ്പ​​​െൻറയും നക്ഷത്ര വിളക്കുകളും അലങ്കാരത്തിൽ തീർത്ത തട്ടുകളിലാണ് കേക്കുകൾ നിരത്തിയിരിക്കുന്നത്. പശ്ചാത്തലത്തിൽ കാരൾ ഗാനങ്ങളും അലയടിക്കുന്നു.

ഡിസംബറിലെ തണുപ്പിൽ ഇലപൊഴിച്ച് മരങ്ങൾ നിൽക്കുമ്പോൾ  നിറഞ്ഞ ക്രിസ്​മസ്​ മരങ്ങളും ശൈത്യകാല മാനുകൾ വലിക്കുന്ന തേരിൽ സമ്മാനങ്ങളുമായെത്തുന്ന അപ്പൂപ്പനും സ്​നേഹത്തി​​െൻറ പ്രതീകങ്ങളാണ്. ക്രിസ്​തീയ ദേവാലയങ്ങളിലെല്ലാം  ക്രിസ്​മസിനെ വരവേൽക്കാൻ ഒരുക്കങ്ങൾ തകൃതിയാണ്. 
ബാച്ച്​ലർ മുറികളിലും പുൽകൂടും നക്ഷത്ര ദീപങ്ങളും തെളിഞ്ഞിട്ടുണ്ട്.