ചൈനയിൽ പോകാൻ ഇമറാത്തികൾക്ക്​ വിസ വേണ്ട

അബൂദബി: യു.എ.ഇ. സ്വ​േദശികൾക്ക്​ ചൈനയിൽ ​പോകാൻ വിസ വേണ്ടാതാകുന്നു. ഇത്​ സംബന്ധിച്ച കരാർ  ച ഇരുരാജ്യങ്ങളും ഒപ്പുവെച്ചു. ഇതനുസരിച്ച്​ യു.എ.ഇ പാസ്​പോർട്ട്​ ഉള്ളവർക്ക്​ ചൈനയിൽ വിസയില്ലാതെ 30 ദിവസം വരെ കഴിയാം. ഇൗ സൗകര്യം ജനുവരി 16 മുതൽ ലഭ്യമാകും. 1984 മുതൽ നയതന്ത്രബന്ധം നിലനിൽക്കുന്ന ചൈനയിൽ 1987 ലാണ്​ യു.എ.ഇ. എംബസി തുറക്കുന്നത്​. ബീജിംങിലായിരുന്നു ഇത്​. 2000 ൽ ഹോങ്​കോങിലും 2006ൽ രണ്ട്​ കോൺസുലേറ്റുകളും തുറന്നു. 1985 ൽ ചൈന അബൂദബിയിൽ എംബസി തുറന്നു. കഴിഞ്ഞ വർഷം എട്ട്​ ലക്ഷത്തിനും പത്ത്​ ലക്ഷത്തിനും ഇടക്ക്​ വിനോദസഞ്ചാരികൾ ചൈനയിൽ നിന്ന്​ യു.എ.ഇയിലെത്തി. എന്നാൽ 10000 ഇമറാത്തികൾ മാത്രമാണ്​ ചൈന സന്ദർശിച്ചത്​.

2014 മുതൽ ദുബൈയുടെ ഏറ്റവും വലിയ വ്യാപാര പങ്കാളിയാണ്​ ചൈന. 2011 മുതൽ യു.എ.ഇയുടെ രണ്ടാമത്തെ വലിയ വ്യാപാര പങ്കാളിയുമായിരുന്നു. ആഴ്​ചയിൽ 100 വിമാനങ്ങൾ ചൈനയെ യു.എ.ഇയുമായി ബന്ധിപ്പിക്കുന്നു. കഴിഞ്ഞ വർഷം 45 ബില്ല്യൻ അമേരിക്കൻ ഡോളറി​​െൻറ വ്യാപാരമാണ്​ ഇരു രാജ്യങ്ങളും നടത്തിയത്​. ചൈനക്ക്​ പുറത്തുള്ള ഏറ്റവും വലിയ ചൈനീസ്​ വ്യാപാര കേന്ദ്രം ദുബൈ ഡ്രാഗൺമാളാണ്​. 5000 കടകളാണ്​ ഇവിടുള്ളത്​. ഇതിൽ 1700 എണ്ണവും ചൈനക്കാരുടേതാണ്​. 1.20 ലക്ഷം പേർ പ്രതിദിനം ഇൗ മാൾ   സന്ദർശിക്കുന്നുണ്ട്​.