ചൈ​ന മഞ്ഞണിഞ്ഞ പ്രഭാതത്തിൻെറ വശ്യത

ഓ​രോ ത​വ​ണ ചൈ​ന​യി​ല്‍ ഇ​റ​ങ്ങു​മ്പോ​ഴും പു​തു​മ​ണ​വാ​ട്ടി​യു​ടെ മൊ​ഞ്ചാ​ണ് ആ ​രാ​ജ്യ​ത്തി​ന്. നി​റ​യെ യാ ​ത്ര​ക്കാ​രു​ള്ള ഒ​രു ബു​ള്ള​റ്റ് ട്രെ​യി​ന്‍ കു​തി​ച്ചു​പാ​യു​ന്ന​ത് പോ​ലെ നി​ശ​ബ്​​ദ​മാ​യി ലോ​ക​ത്തി​െ ​ൻ​റ നെ​റു​ക​യി​ലേ​ക്ക് ഓ​ടി​ക്ക​യ​റു​ക​യാ​ണ് ചൈ​ന. എ​ല്ലാം കീ​ഴ​ട​ക്കി​യ​വ​െ​ൻ​റ പു​ഞ്ചി​രി​യു​ണ്ട് ഓ​ര ോ ചൈ​ന​ക്കാ​ര​െ​ൻ​റ​യും മു​ഖ​ത്ത്. ഇ​വി​ടെ​യാ​ണ്‌ ലോ​ക​ത്ത് ആ​ദ്യ​മാ​യി ക​മ്യൂ​ണി​സം ന​ട​പ്പാ​ക്കി​യ​ത്. പ ​ക്ഷെ, ഏ​ക​ക​ക്ഷി​യാ​യി ഇ​തൊ​രു ക​മ്യൂ​ണി​സ്​​റ്റ്​ രാ​ജ്യ​മെ​ന്ന് പ​റ​യാ​ന്‍ തോ​ന്നി​പ്പി​ക്കു​ന്ന അ​ട​യ ാ​ള​ങ്ങ​ളൊ​ന്നും ചൈ​ന​യി​ല്‍ എ​വി​ടെ​യും ദൃ​ശ്യ​മ​ല്ല.ഗ​ത​കാ​ല പ്രൗ​ഢി​യും ആ​ധു​നി​ക​ത​യും നി​ഴ​ലി​ക്കു​ ന്ന ന​ഗ​ര​ങ്ങ​ളാ​ണ് ചൈ​ന​യു​ടെ മു​ഖ​മു​ദ്ര. പ്ര​കൃ​തി​യോ​ട് മ​ല്ലി​ട്ട് വി​ത്തി​ട്ടു വി​ള​കൊ​യ്ത ക​ര്‍ഷ​ക​ ന്‍റെ മ​ണ്ണ്. സ്ഥി​രോ​ല്‍സാ​ഹി​ക​ളു​ടെ ച​രി​ത്രം. പ്രാ​യ​മാ​യ സ്ത്രീ​ക​ളും പു​രു​ഷ​ന്മാ​രും അ​വ​ര​വ​രു​ടെ തൊ​ഴി​ലു​ക​ളി​ല്‍ വ്യാ​പൃ​ത​ർ. അ​നേ​കം പാ​ല​ങ്ങ​ള്‍, ന​ദി​ക​ള്‍, ക​നാ​ലു​ക​ള്‍. ഏ​ഷ്യ​യി​ലെ ഏ​റ്റ​വും നീ​ളം​ കൂ​ടി​യ ന​ദി​യാ​യ ‘യാ​ങ്സേ’ ചൈ​ന​യി​ലാ​ണ്. ഈ ​ന​ദി തു​റ​ന്നി​ട്ട വ്യാ​പാ​ര സാ​ധ്യ​ത​ക​ളാ​ണ് യൂ​റോ​പ്പി​നെ​ യും ബ്രി​ട്ട​നെ​യും ചൈ​ന​യി​ലേ​ക്ക് എ​ത്തി​ച്ച​ത്.

ചൈനീസ്​ തെരുവ്​ കാ​ഴ്​ചകൾ

കേ​ട്ട​റി​ഞ്ഞ ചൈ​ന​യേ​ക്കാ​ള്‍ അ​മ്പ​ര​പ്പാ​ണ് ക​ണ്മു​മ്പി​ലു​ള്ള ചൈ​ന സ​മ്മാ​നി​ച്ച​ത്. ച​രി​ത്ര​ത്തി​ലെ ന​ന്മ​യും തി​ന്മ​യും ക​ല​ഹ​വും വീ​റും വാ​ശി​യും ഈ ​രാ​ജ്യ​ത്തി​നും സ്വ​ന്ത​മാ​ണ്. അ​വ​രു​ടെ സ​ഹ​ന​ത്തി​െ​ൻ​റ​യും സ​മ​ര്‍പ്പ​ണ​ത്തി​ന്‍റെ​യും ക​ഥ​ക​ള്‍ പ​റ​യും ലോ​കാ​ത്​​ഭു​ത​ങ്ങ​ളി​ലൊ​ന്നാ​യ വ​ൻ​മ​തി​ൽ. ബി.​സി ഏ​ഴാം നൂ​റ്റാ​ണ്ടി​ൽ തു​ട​ങ്ങി എ.​ഡി പ​തി​നാ​റാം നൂ​റ്റാ​ണ്ടി​ലാ​ണ​ത്രേ വ​ന്മ​തി​ലി​െ​ൻ​റ പ​ണി തീ​ര്‍ന്ന​ത്. കൃ​ഷി​യും കാ​ലി​വ​ള​ർ​ത്ത​ലു​മെ​ല്ലാം ഉ​പേ​ക്ഷി​ച്ച് പ​ല ത​ല​മു​റ​ക​ൾ ഒ​ന്ന​ട​ങ്കം മ​തി​ൽ നി​ർ​മ്മാ​ണ​ത്തി​ൽ മു​ഴു​കു​ക​യാ​യി​രു​ന്നു.വ​ലു​തെ​ങ്കി​ലും ന​ര​വീ​ണ ഗ്രാ​മ​ങ്ങ​ളു​ണ്ട് ചൈ​ന​യു​ടെ ഉ​ള്‍നാ​ടു​ക​ളി​ല്‍. ഒ​രു നി​റ​വും ഒ​രേ മു​ഖ​വും അ​നേ​കം സം​സ്ക്കാ​ര​ങ്ങ​ളും വേ​ഷ​ങ്ങ​ളു​മാ​യി ചൈ​ന ലോ​ക​ത്തി​നു മു​ന്‍പി​ല്‍ കൗ​തു​ക മു​ണ​ര്‍ത്തു​ന്നു. ത​ണ​ല്‍ വി​രി​ച്ചു​നി​ല്‍ക്കു​ന്ന ന​ഗ​ര​ങ്ങ​ള്‍. ഭോ​ജ​ന​ശാ​ല​ക​ളി​ല്‍ സ​മൃ​ദ്ധ​മാ​യ കാ​യ​ല്‍വി​ഭ​വ​ങ്ങ​ള്‍. ജൈ​വ പ​ദാ​ര്‍ത്ഥ​ങ്ങ​ള്‍ വി​ൽ​ക്കു​ന്ന അ​ങ്ങാ​ടി​ക്ക​ട​ക​ളി​ല്‍ ഉ​ണ​ക്ക​മീ​ൻ പോ​ലെ ഉ​ണ​ങ്ങി​യ ക​രി​ന്തേ​ളും അ​ട്ട​യും വ​ണ്ടു​ക​ളും ചി​ല​ത​രം പു​ഴു​ക്ക​ളും. സ്​​ഫ​ടി​ക ഭ​ര​ണി​ക​ളി​ൽ പ​ത്തി​വി​ട​ർ​ത്തി​യ പാ​മ്പി​നെ​യി​ട്ട നാ​ട​ൻ വീ​ഞ്ഞ് സു​വോ​ള​ജി ലാ​ബി​നെ ഓ​ർ​മ്മി​പ്പി​ച്ചു.

ചൈനീസ്​ തെരുവ്​ കാ​ഴ്​ചകൾ

ചി​ല്ലു​കൂ​ട്ടി​ലെ കാ​യ​ല്‍ജ​ല​ത്തി​ല്‍ വി​വി​ധ​യി​നം ജീ​വി​ക​ള്‍. വെ​ള്ളം​നി​റ​ച്ച ച​രു​വ​ങ്ങ​ളി​ൽ ജീ​വ​നു​ള്ള ത​വ​ള​ക​ളും മ​ത്സ്യ​ങ്ങ​ളും മ​റ്റു പ​ല ഉ​ഭ​യ​ജീ​വി​ക​ളും വ​ലി​യ വ​ണ്ടു​ക​ളും. മ​ണ്ണി​ര​യും പ​ഴു​താ​ര​യും കു​ഞ്ഞ​ന്‍ പാ​മ്പു​ക​ളും വ​റ​ച​ട്ടി​യി​ല്‍ ക​രി​ഞ്ഞ​മ​രു​ന്ന ഗ​ന്ധം. ക​രു​ത​ലോ​ടെ, കൊ​തി​യോ​ടെ, ധ്യാ​ന​ത്തോ​ടെ അ​തെ​ല്ലാം അ​വ​ര്‍ ഭ​ക്ഷി​ക്കു​ന്നു.ഇ​തൊ​ന്നും ഇ​ഷ്ട​പ്പെ​ടാ​ത്ത സ​ഞ്ചാ​രി​ക​ള്‍ക്ക് ‘സിം​ജി​യാ​ങ്'​കാ​രു​ടെ ഭോ​ജ​ന​ശാ​ല​ക​ളെ ആ​ശ്ര​യി​ക്കാം. അ​റു​ത്ത​തും ശു​ദ്ധ​മാ​യ​തും മാ​ത്ര​മേ അ​വ​ർ വി​ള​മ്പു​ക​യു​ള്ളൂ. പൊ​ടി​ക​ളൊ​ന്നും ചേ​ർ​ക്കി​ല്ല. ഗ്രാ​നു​ല്‍സ് അ​ഥ​വാ കൊ​ത്തു​ക​ൾ മാ​ത്ര​മാ​ണ് ഉ​പ​യോ​ഗി​ക്കു​ക.​സ്​​റ്റാ​ർ​ട്ട​ർ വി​ഭ​വ​മാ​യി അ​വ​ർ വി​ള​മ്പു​ന്ന സോ​ളാ ടു​ട്ടൂ​സി​ന്​ ആ​ക​ർ​ഷ​ക​മാ​യ രു​ചി​യാ​ണ്. വ​ലി​യ ഉ​രു​ള​ക്കി​ഴ​ങ്ങ്, നൂ​ഡി​ൽ​സ് പ​രു​വ​ത്തി​ൽ ചീ​ർ​ന്നെ​ടു​ത്ത് കൊ​ത്തു​മു​ള​കും ചി​ല പ​ച്ചി​ല​ക​ളും ചേ​ർ​ത്ത് ന​മ്മു​ടെ ക​ണ്മു​മ്പി​ല്‍ വ​ഴ​റ്റി​യെ​ടു​ക്കു​ന്നു. തി​ക​ച്ചും പ്ര​കൃ​തി​ദ​ത്തം.

ഒ​രി​ക്ക​ല്‍ ക​ഴി​ക്കാ​ന്‍ ക​യ​റി​യ​ത് പ്രാ​വി​റ​ച്ചി മാ​ത്രം ല​ഭി​ക്കു​ന്ന ഒ​രു ഭ​ക്ഷ​ണ​ശാ​ല​യി​ലാ​യി​രു​ന്നു. തൂ​വ​ലും അ​കം പ​ണ്ട​ങ്ങ​ളു​മൊ​ക്കെ ഒ​ഴി​വാ​ക്കി മ​സാ​ല​ക​ളി​ല്ലാ​തെ അ​പ്പാ​ടെ പു​ഴു​ങ്ങി​യ​വ​യോ കൊ​ത്തി​നു​റു​ക്കി തീ​യി​ല്‍ ചു​ട്ടെ​ടു​ത്ത​തോ എ​ണ്ണ​യി​ല്‍ ഫ്രൈ ​ചെ​യ്ത​തോ ആ​യ പ്രാ​വി​ന്‍കൂ​ട്ട​ങ്ങ​ളാ​ണ്‌ അ​വി​ട​ത്തെ വി​ഭ​വ​ങ്ങ​ള്‍. ക​ഴി​ക്കാ​നി​രു​ന്ന​പ്പോ​ള്‍ വെ​ന്ത ക​ണ്ണും വേ​വാ​ത്ത കൊ​ക്കും അ​ലോ​സ​ര​മു​ണ്ടാ​ക്കി. അ​ന്ന് സൂ​പ്പും സാ​ല​ഡും മാ​ത്രം ക​ഴി​ച്ചു സ്ഥ​ലം കാ​ലി​യാ​ക്കി. മ​റ്റൊ​ര​വ​സ​രം Peking Duck ക​ഴി​ക്കാ​ന്‍ പോ​യി. താ​റാ​വി​െ​ൻ​റ തൂ​വ​ല്‍ക​ള​ഞ്ഞ് മ​സാ​ല​ക​ള്‍ ചേ​ര്‍ത്ത് തൊ​ലി​യോ​ടെ തീ​യി​ല്‍ വേ​വി​ച്ചെ​ടു​ക്കു​ന്ന ഒ​രു വി​ശി​ഷ്​​ട ഭോ​ജ്യ​മാ​ണ​ത്. ഒ​രാ​ള്‍ക്ക് ഒ​രു താ​റാ​വ്. അ​ത് വി​ള​മ്പാ​നൊ​രു സേ​വ​ക​ന്‍. ലോ​ക​പ്ര​ശ​സ്ത​മാ​ണ് ഇ​തി​െ​ൻ​റ രു​ചി.

ചൈനീസ് സുഹൃത്ത് ഹ​െൻറിക്കും പത്​നിക്കുമൊപ്പം ലേഖകനും സഹപ്രവർത്തകരും

ഭ​ക്ഷ​ണം​പോ​ലെ ദു​രൂ​ഹ​മാ​ണ് ചൈ​ന​യി​ല്‍ ഭാ​ഷ​യും. പാ​ശ്ചാ​ത്യ​നോ​ടും പൌ​ര​സ്ത്യ​നോ​ടും അ​വ​രു​ടെ ഭാ​ഷാ​പ്ര​യോ​ഗം ഒ​രേ ടോ​ണി​ലാ​ണ്. നി​ങ്ങ​ളെ​ന്തു​കൊ​ണ്ട് ഞ​ങ്ങ​ളു​ടെ ഭാ​ഷ പ​ഠി​ച്ചി​ല്ലെ​ന്ന മ​ട്ടി​ല്‍ അ​വ​ര്‍ ന​മു​ക്കു​നേ​രെ പു​രി​ക​മു​യ​ര്‍ത്തും. ചി​ല്ലു​ത​രി​ക​ള്‍ വീ​ണു​ട​യു​ന്ന​തു പോ​ലെ​യാ​ണ് അ​വ​രു​ടെ സം​സാ​രം. ന​മ്മ​ളെ​ന്തു ചോ​ദി​ച്ചാ​ലും അ​വ​ര്‍ക്ക​തി​ന് വ്യ​ക്ത​മാ​യ ഉ​ത്ത​ര​ങ്ങ​ളു​ണ്ട്. അ​വ​ര്‍ പ​റ​യും. ശു​ദ്ധ​മാ​യ ചൈ​നീ​സി​ല്‍. ന​മു​ക്ക് മ​ന​സി​ലാ​കു​ന്നി​ല്ലെ​ന്ന് അ​വ​ര്‍ ക​രു​തു​ന്ന​തേ​യി​ല്ല. ആ​ധു​നി​ക ചൈ​ന​യു​ടെ വ്യാ​പാ​ര ത​ല​സ്ഥാ​ന​മാ​ണി​പ്പോ​ൾ ഗ്വാ​ങ്ഷോ ന​ഗ​രം. വ​ർ​ഷ​ത്തി​ൽ ര​ണ്ടു​ത​വ​ണ ന​ട​ക്കു​ന്ന 'കാ​ൻ​റ​ൺ ക​മൊ​ഡി​റ്റി ഫെ​യ​ര്‍’ പ്ര​ശ​സ്ത​മാ​ണ്. ഇ​ട​നി​ല ക​ച്ച​വ​ട കേ​ന്ദ്ര​ങ്ങ​ളെ ഒ​ഴി​വാ​ക്കി റ​ഷ്യ​യും ആ​ഫ്രി​ക്ക​യും മ​ധ്യ-​പൗ​ര​സ്ത്യ രാ​ജ്യ​ങ്ങ​ളും ഇ​പ്പോ​ൾ ചൈ​ന​യു​മാ​യി നേ​രി​ട്ടാ​ണ് ഇ​ട​പാ​ട്.

മ​ധ്യ​വ​ർ​ത്തി​ക​ളാ​യി​രു​ന്ന ന​മ്മു​ടെ നാ​ട്ടു​കാ​ര്‍ക്കി​തി​ല്‍ കാ​ര്യ​മാ​യ ന​ഷ്​​ട​മു​ണ്ട്. ‘മാ​വോ സേ​തും​ഗ്’ എ​ന്ന് ന​മ്മ​ൾ വി​ളി​ക്കു​ന്ന അ​വ​രു​ടെ “മൗ​ച്ചു​തോ'’ ന​യി​ച്ച ലോം​ഗ് മാ​ർ​ച്ചി​ന്‍റെ അ​ല​യൊ​ലി​ക​ളൊ​ന്നും ഇ​പ്പോ​ള്‍ ചൈ​ന​യി​ലി​ല്ല. ന​മ്മു​ടെ ഗാ​ന്ധി​ജി​യെ പോ​ലെ ക​റ​ൻ​സി നോ​ട്ടി​ലെ ചി​ത്രം മാ​ത്ര​മാ​ണ് ഇ​ന്ന​വ​ര്‍ക്ക് മാ​വോ!
ന​ഗ​ര​മ​ധ്യ​ത്തി​ലാ​യി ഏ​ക്ക​റു​ക​ണ​ക്കി​ല്‍ സം​ര​ക്ഷി​ച്ചു നി​ർ​ത്തി​യ ഒ​രു പൂ​ന്തോ​ട്ട​മു​ണ്ട്. അ​തി​ന് ന​ടു​വി​ലാ​യി ഒ​രു മ​സ്ജി​ദ്. ഇ​ട​തൂ​ർ​ന്ന മ​ര​ങ്ങ​ൾ​ക്കി​ട​യി​ലൂ​ടെ കു​റ​ച്ചു​കൂ​ടി മു​ന്നോ​ട്ടു ന​ട​ന്നാ​ൽ ഒ​രു ‘ദ​ര്‍ഗ്ഗ’ കാ​ണാം. പ്ര​വാ​ച​ക​ൻ മു​ഹ​മ്മ​ദ്‌ ന​ബി​യു​ടെ അ​നു​ച​ര​രി​ല്‍ പ്ര​മു​ഖ​നാ​യ സ​അ​ദ് ഇ​ബ്നു അ​ബീ വ​ഖാ​സി​െ​ൻ​റ ഖ​ബ​റി​ട​മാ​ണി​തെ​ന്ന് വി​ശ്വ​സി​ക്ക​പ്പെ​ടു​ന്നു. പ്ര​വാ​ച​ക​കാ​ല​ത്ത് ഇ​ദ്ദേ​ഹ​ത്തി​നാ​യി​രു​ന്നു​വ​ത്രേ ചൈ​ന​യി​ലെ ഇ​സ്‌​ലാ​മി​ക പ്ര​ബോ​ധ​ന ദൗ​ത്യം. വെ​ള്ളി​യാ​ഴ്ച​ക​ളി​ലെ ജു​മൂ​അ​ക്ക് പ​ള്ളി​ക​ള്‍ നി​റ​ഞ്ഞു​ക​വി​ഞ്ഞി​രി​ക്കും. ആ​ദ്യം ചൈ​നീ​സി​ലും പി​ന്നെ അ​റ​ബി​യി​ലു​മാ​ണ് ഖു​തു​ബ.

ചി​ന്തോ​ങ് ന​ഗ​ര​ത്തി​ലാ​ണ് ലോ​ക​പ്ര​ശ​സ്ത ചൈ​നീ​സ് ത​ത്വ​ചി​ന്ത​ക​ൻ ക​ൺ​ഫ്യൂ​ഷ​സി​ന്‍റെ ജ​ന്മ​ദേ​ശം. ബി.​സി.​അ​ഞ്ഞൂ​റാ​മാ​ണ്ടി​ല്‍ ജീ​വി​ച്ചി​രു​ന്ന അ​ദ്ദേ​ഹ​ത്തി​െ​ൻ​റ ദ​ർ​ശ​ന​ങ്ങ​ളോ​ട് കൗ​മാ​ര​ഘ​ട്ട​ത്തി​ല്‍ താ​ല്പ​ര്യം തോ​ന്നി​യി​രു​ന്നു. മാ​നു​ഷി​ക​മൂ​ല്യ​ങ്ങ​ൾ​ക്കും ദാ​ര്‍ശ​നി​ക ക​ല​ക​ൾ​ക്കും പ്രാ​ധാ​ന്യം ന​ൽ​കു​ന്ന യു​ക്തി​ഭ​ദ്ര​മാ​യ ചി​ന്ത​ക​ളു​ടെ പ്ര​ചാ​ര​ക​നാ​യി​രു​ന്നു ക​ണ്‍ഫ്യൂ​ഷ​സ്. സ​ര്‍വ്വ മ​നു​ഷ്യ​രി​ലും ജീ​വ​ജാ​ല​ങ്ങ​ളി​ലും ന​ന്മ​യു​ടെ അം​ശ​മു​ണ്ടെ​ന്നും അ​റി​വാ​ണ് ഏ​റ്റ​വും വ​ലി​യ ധ​ന​മെ​ന്നു​മാ​യി​രു​ന്നു അ​ദ്ദേ​ഹ​ത്തി​െ​ൻ​റ ചി​ന്ത. പു​തി​യ ചൈ​ന വീ​ണ്ടും ക​ൺ​ഫ്യൂ​ഷ​സ് ദ​ർ​ശ​ന​ങ്ങ​ൾ​ക്ക് പ്രാ​മു​ഖ്യം ന​ല്‍കാ​ന്‍ തു​ട​ങ്ങി​യി​ട്ടു​ണ്ട്.
ടി​യാ​ന​ന്‍മെ​ന്‍ സ്ക്വ​യ​ര്‍, ചി​ല്ലു​പാ​ലം, ഫോ​ര്‍ബി​ഡ​ന്‍ സി​റ്റി, വാ​ങ്ഫൂ​ജി​ങ് സ്ട്രീ​റ്റ്.. ജീ​വി​ത​ത്തി​ല്‍ ഒ​രി​ക്ക​ലെ​ങ്കി​ലും കാ​ണേ​ണ്ട രാ​ജ്യ​ങ്ങ​ളി​ല്‍ ഒ​ന്നാ​ണ് ചൈ​ന. അ​തി​വേ​ഗ​മാ​ണ് ചൈ​ന​യു​ടെ സ​ഞ്ചാ​രം. ഒ​ന്നു​മാ​യി​ട്ടി​ല്ല; ഇ​നി​യു​മു​ണ്ട് വെ​ട്ടി​പ്പി​ടി​ക്കാ​ന്‍ എ​ന്നൊ​രു വാ​ശി​പോ​ലെ​യാ​ണ് ലോ​ക​ഭൂ​പ​ട​ത്തി​ലെ ഞ​ര​മ്പു​ക​ളി​ലൂ​ടെ ചൈ​ന കു​തി​ച്ചോ​ടു​ന്ന​ത്. മ​ഞ്ഞ​ണി​ഞ്ഞ പ്ര​ഭാ​ത​ത്തി​ന്‍റെ വ​ശ്യ​ത​പോ​ലെ സ​ഞ്ചാ​രി​ക​ളെ കൊ​തി​പ്പി​ക്കു​ന്നു ചൈ​ന​യും ചൈ​ന​ക്കാ​രും.

നിങ്ങളുടെ പ്രിയപ്പെട്ട
യാത്രാനുഭവങ്ങൾ
dubai@gulfmadhyamam.net
എന്ന വിലാസത്തിൽ അയക്കുക.
അല്ലെങ്കിൽ
055 669 9188
എന്ന നമ്പറിൽ വിളിക്കു.
ഏറ്റവും മികച്ച കുറിപ്പുകൾക്ക്​ മുൻനിര ട്രാവൽബാഗ്​ ബ്രാൻഡായ

നൽകുന്ന ഉഗ്രൻ സമ്മാനങ്ങൾ