ൈചനീസ്​ പ്രസിഡൻറിന്​ ‘ഒാഡർ ഒാഫ്​ സായിദ്​’ സമ്മാനിച്ചു

​അബൂദബി: യു.എ.ഇയുടെ പരമോന്നത സിവിലയൻ ബഹുമതിയായ ഒാഡർ ഒാഫ്​ സായിദ്​ ൈചനീസ്​ പ്രസിഡൻറി ഷി ചിൻപിങി​ന്​ സമ്മാനിച്ചു. 
കൊട്ടാരത്തിൽ രാവിലെ 11.30​ നടന്ന ചടങ്ങിൽ യു.എ.ഇ. വൈസ്​ ​പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​​ ആൽ മക്തും, അബൂദബി കിരീടാവകാശിയും യു.എ.ഇ. സായുധസേനയുടെ ഉപ സർവ്വസൈന്യാധിപനുമായ ശൈഖ്​ മുഹമ്മദ്​ ബിൻ സായിദ്​ ആൽ നഹ്യാൻ എന്നിവർ ചേർന്നാണ്​ പുരസ്​ക്കാരം സമ്മാനിച്ചത്​. 

യു.എ.ഇ. രാഷ്​ട്രപിതാവ്​ ശൈഖ്​ സായിദി​​െൻറ പേരിലുള്ള പുരസ്​ക്കാരം യു.എ.ഇക്ക്​ ഏറ്റവും വേണ്ടപ്പെട്ട രാഷ്​ട്രത്തലവൻമാർക്കായി നീക്കിവെച്ചിട്ടുള്ളതാണ്​. 
നേരത്തെ സൗദി രാജാവ്​ സൽമാൻ, ബ്രിട്ടനിലെ എലിസബത്ത്​ രാജഞി, മെറോക്കോയിലെ മുഹമ്മദ്​ ആറാമൻ രാജാവ്​ എന്നിവർക്കാണ്​ ഇൗ പുരസ്​ക്കാരം നൽകിയിട്ടുള്ളത്. കലർപ്പില്ലാത്ത തനി അറേബ്യൻ പന്തയക്കുതിരയെയും ഷിക്ക്​ സമ്മാനിച്ചിട്ടുണ്ട്​. 

യു.എ.ഇ. സൈന്യം നൽകിയ ഗാർഡ്​ ഒഫ്​ ഒാണറും ഷി പരിശോധിച്ചു. ശൈഖ്​ മുഹമ്മദ്​ ബിൻ സായിദിനൊപ്പമാണ്​ ചൈനീസ്​ പ്രസിഡൻറ്​ ചടങ്ങിൽ പ​െങ്കടുത്തത്​. തുടർന്ന്​ 21 ആചാര വെടി മുഴക്കി. ആകാശത്ത്​ അൽ ഫോർസാൻ എയ്​റോബാറ്റിക്​ ടീം യുദ്ധവിമാനങ്ങൾകൊണ്ട്​ അഭ്യാസ പ്രകടനങ്ങളും നടത്തി. ആദരസൂചകമായി ദുബൈ ​െഫ്രയിം, ബുർജ്​ ഖലീഫ, ബുർജ്​ അൽ അറബ്​ എന്നിവ ചൈനീസ്​ പതാക അണിഞ്ഞതിനൊപ്പം യു.എ.ഇയിലെ മൊബൈൽ ദാതാക്കൾ നെറ്റ്​വർക്ക്​ പേരിന്​ പകരം ‘വെൽക്കം പ്രസിഡൻറ്​ ചൈന’ എന്ന വാചകമാണ്​ പ്രദർശിപ്പിക്കുന്നത്​.