ചികിത്സ കഴിഞ്ഞ്​ മുഖ്യമന്ത്രി പിണറായി വിജയൻ ദുബൈയിൽ

ദുബൈ: കേരള മുഖ്യമന്ത്രി പിണറായി വിജയൻ ദുബൈയിലെത്തി. അമേരിക്കയിലെ ചികിത്സ കഴിഞ്ഞ്​ ശനിയാഴ്​ച രാവിലെയാണ്​ അദ്ദേഹം ദുബൈ വിമാനത്താവളത്തിലെത്തിയത്​. പത്ത്​ ദിവസം ദുബൈയിലുണ്ടാകും. ഭാര്യ കമല വിജയനും ഒപ്പമുണ്ട്​. വിമാനത്താവളത്തിൽ കോൺസുൽ ജനറൽ അമൻ പുരിയാണ്​ മുഖ്യമന്ത്രിയെ സ്വീകരിച്ചത്​.

രണ്ട്​ ദിവസം പൊതുപരിപാടികളിലൊന്നും പ​െങ്കടുക്കിന്നില്ല. ഫെബ്രുവരി നാലിന്​ എക്​സ്​പോയിലെ കേരള പരിപാടികൾ മുഖ്യമന്ത്രി ഉദ്​ഘാടനം ചെയ്യും. വ്യവസായ സമൂഹവുമായി ചർച്ചകളുണ്ടാകും. ചികിത്സ കഴിഞ്ഞെത്തിയതിനാൽ കാര്യമായ പൊതുപരിപാടികൾ ഉണ്ടാവില്ലെന്നാണ്​ അറിയിച്ചിരിക്കുന്നത്​. ഫെബ്രുവരി ഏഴിന്​​ കേരളത്തിലേക്ക്​ മടങ്ങാനാണ്​ പദ്ധതി​.