അബൂദബി ചെസ്​ ഫെസ്​റ്റിവൽ: ഹരിക മുന്നിൽ 

അബൂദബി: ഇരുപത്തിനാലാമത്​ അബൂദബി അന്താരാഷ്​ട്ര ചെസ്​ ഫെസ്​റ്റിവലിൽ ഇന്ത്യൻ ഗ്രാൻഡ്​ മാസ്​റ്റർ ഹരിക ദ്രോണാവള്ളി ഒന്നാം സ്​ഥാനത്ത്​ തുടരുന്നു. മൂന്നാം റൗണ്ടിൽ ബെലാറസ്​ ഗ്രാൻഡ്​ മാസ്​റ്റർ ​കിറിൽ സ്​റ്റുപാകുമായുള്ള മത്സരം സമനിലയിൽ പിരിഞ്ഞതോടെ ഹരികക്ക്​ 2.5 പോയൻറായി.  ലോക റാങ്കിങ്ങിൽ ഒമ്പതാം സ്​ഥാനത്തുള്ള ഹരിക കറുത്ത കരുക്കളുമായാണ്​ കിറിലിനെ ആക്രമിച്ചത്​. മികച്ച തുടക്കം ലഭിച്ചെങ്കിലും ഹരികയുടെ നീകങ്ങൾ മുൻകൂട്ടി കണ്ട്​ ബെലാറസ്​ താരം പ്രതിരോധ തന്ത്രമൊരുക്കിയതോടെ മത്സരം സമനിലയിൽ കുരുങ്ങുകയായിരുന്നു.