തട്ടിപ്പുകളിൽ നിന്ന്​ ജാഗ്രത– പ്രവാസികളോട്​ കെ.എം. ബഷീറിന്​ പറയാനുള്ളത്​

ദുബൈ: 32 വർഷം യു.എ.ഇയിൽ ജീവിച്ചപ്പോഴും അതിനു ശേഷവും പ്രവാസികളുടെ യാത്രാ പ്രശ്​നങ്ങളിലും കരിപ്പൂർ വിമാനത്താവളത്തി​​​െൻറ വികസനത്തിനുമായി സജീവമായി ഇടപെട്ടുപോരുന്ന മലബാർ ഡവലപ്​മ​​െൻറ്​ ഫോറം സ്​ഥാപകൻ കെ.എം. ബഷീർ രണ്ടാഴ്​ച മുൻപ്​ ദുബൈ വിമാനത്താവളത്തിൽ തടഞ്ഞുവെക്കപ്പെട്ടു. കുടുംബത്തോടൊപ്പം കരിപ്പൂരിൽ നിന്ന്​ വന്നിറങ്ങിയ ബഷീറി​​​െൻറ ഇമിഗ്രേഷൻ നടപടിക്രമങ്ങൾക്ക്​ ശേഷമാണ്​ തടയപ്പെട്ടത്​. എതിരെ കേസുള്ളതിനാൽ പുറത്തിറങ്ങാനാവില്ല എന്നായിരുന്നു എമിഗ്രേഷൻ ഓഫീസർ അറിയിച്ചത്​.

പ്രവാസി വിഷയങ്ങളുമായി ബന്ധപ്പെട്ട്  നടത്തിയ ഇടപെടലുകളെ തുടർന്ന് വന്ന കേസ് ആണെന്നാണ് ആദ്യം കരുതിയതെങ്കിലും പിന്നെയാണറിയുന്നത് 16000 ദിർഹമി​​​െൻറ ചെക്ക് കേസാണെന്ന്. ത​​​െൻറ ചെക്കുകൾ മടങ്ങിയ ചരിത്രമില്ലെന്നും സാമ്പത്തിക തിരിമറികൾ നടത്തിയിട്ടില്ല എന്നുമൊക്കെ വിശദീകരിച്ചെങ്കിലും കമ്പ്യൂട്ടറിൽ രേഖപ്പെടുത്തിയ വിവരങ്ങൾ  ബഷീറിനെക്കുറിച്ചു തന്നെ. 32 വർഷക്കാലം പ്രവർത്തിച്ച സ്വന്തം തട്ടകമായ ഷാർജയിലാണ് കേസ് രജിസ്​റ്റർ ചെയ്​തിരിക്കുന്നത്. ഷാർജയിലെ ശൈഖ്​ അബ്​ദുല്ലാ മുഹമ്മദ്​ അൽ ഖാസിമിയുടെ പബ്ലിക്​ അഫയേഴ്​സ്​ മാനേജറായിരുന്ന ബഷീർ ഉന്നത മേധാവികളുമായി ബന്ധപ്പെടാൻ ശ്രമിച്ചെങ്കിലും സാധ്യമായില്ല. അങ്ങിനെ ജയിലേക്ക്​ കൊണ്ടുപോയി. വിവരമറിഞ്ഞയുടൻ സഅ്​ബീൽ പാലസിലെ എ.പി.ശംസുദ്ദീൻ ബിൻ മുഹ്​യിദ്ദീൻ ഷാർജ ബുഹൈറ പോലിസുമായി ബന്ധപ്പെട്ടത്​ രക്ഷയായി.

സഹോദരി കെ.എം. റസിയ പണം സ്​റ്റേഷനിൽ കെട്ടിവെച്ചതോടെ പത്തു മണിക്കൂറിനകം മോചനവും ലഭിച്ചു. തുടർന്ന്​ നടത്തിയ ഫയൽ പരിശോധനയിലാണ്​ പ്രശ്​നത്തി​​​െൻറ യാഥാർഥ്യം വ്യക്​തമായത്​.  2008 ൽ റദ്ദാക്കിയ ബാങ്ക്​  ചെക്കിൽ കള്ളയൊപ്പിട്ട്​ ജെ ആൻറ്​ ​െജ എന്ന കമ്പനിയിൽ സമർപ്പിച്ച്​ സാധനങ്ങൾ വാങ്ങിയ  തട്ടിപ്പുസംഘമാണ്​ ബഷീറിനെ ചെയ്യാകുറ്റത്തി​​​െൻറ പേരിൽ തീ തീറ്റിച്ചത്​.  ചെക്ക് മോഷണ വിവരം ബോധ്യമായതോടെ   ഷാർജാ പോലിസ് ഉപമേധാവി ഡോ. കലീഫ കലന്തർ  കമ്പനി നടത്തിപ്പുകാരനായ മലയാളിയെ വിളിച്ചുവരുത്തി. തന്നെ അറിയില്ല എന്നും മലയാളികളായ മറ്റു രണ്ടു പേരാണ്​ ചെക്ക്​ നൽകിയതെന്നുമായിരുന്നു അദ്ദേഹത്തി​​​െൻറ മറുപടി.  ചെക്ക് മോഷണം നടത്തി വ്യാജ ഒപ്പിട്ട് ദുരുപയോഗം ചെയ്തതാണെന്ന്​ വ്യക്തമായി തെളിഞ്ഞതോടെ കെട്ടിവെച്ച 16000 ദിർഹം മടക്കി നൽകി.  

 അക്കൗണ്ട്​ രേഖകൾ പൊലീസിന് കൈമാറുമ്പോൾ പാലിക്കേണ്ട സൂക്ഷ്​മത ബാങ്ക്​ അധികൃതർ കാണിച്ചില്ലെന്നും ഫയലിലെ ഒപ്പും, ചെക്കിലെ ഒപ്പും താരതമ്യപ്പെടുത്തി നോക്കിയിരുന്നെങ്കിൽ ഇൗ പ്രശ്​നങ്ങളുണ്ടാവില്ലായിരുന്നുവെന്നും ബഷീർ പറയുന്നു.ചെക്ക്​ മോഷ്​ടാക്കൾക്കെതിരെയും വീഴ്​ച വരുത്തി തന്നെയും കുടുംബത്തെയും മനോവിഷമത്തിലാക്കിയ ബാങ്ക്​ അധികൃതർക്കെതിരെയും നിയമനടപടി സ്വീകരിക്കാനാണ്​ ബഷീറി​​​െൻറ തീരുമാനം. 
ത​​​െൻറ ഭാഗത്ത്​ തെറ്റുകളില്ലെന്ന പൂർണബോധ്യമുള്ളതിനാൽ ശംസുദ്ദീൻ ബിൻ മുഹ്​യിദ്ദീൻ നടത്തിയ ഇടപെടലും ഉന്നത പൊലീസ്​ അധികാരികളുടെ കാര്യബോധവും കാരണമാണ്​ തനിക്ക്​ മണിക്കൂറുകൾക്കകം പുറത്തിറങ്ങാനായതെന്നും  ചെക്കുകൾ, ടെലിഫോൺ സിം കാർഡുകൾ, ഡ്രൈവിങ്ങ് ലൈസൻസ് തുടങ്ങിയ മറ്റു രേഖകളും ഭദ്രമായി സൂക്ഷിച്ചില്ലെങ്കിൽ ഏതു പ്രവാസിയും ഏതു സമയവും ഇത്തരം കുരുക്കുകളിൽ പെട്ട്​ മ​േനാവിഷമം അനുഭവിക്കേണ്ടി വന്നേക്കുമെന്നും അദ്ദേഹം മുന്നറിയിപ്പു നൽകുന്നു.  

വിമാനത്താവളത്തിൽ തടഞ്ഞുവെക്കപ്പെട്ട സമയത്തും ഒരു പ്രവാസിയുടെ യാത്രാ പ്രശ്​നത്തിൽ ഇടപെട്ട്​ പരിഹാരം കാണാനായത്​ പൊതുജീവിതത്തിലെ സുന്ദര നിമിഷമാണെന്ന്​ ബഷീർ ഒാർക്കുന്നു. അബൂദബി വിമാനത്താവളത്തിലെ വിമാന കമ്പനി ജീവനക്കാരിയുടെ കൈപ്പിഴ മൂലം പാസ്​പോർട്ട്​ നഷ്​ടമായി ഇംഗ്ലണ്ട്​ യാത്ര മുടങ്ങിയേക്കുമായിരുന്ന കൊയിലാണ്ടി സ്വദേശി ബിജേഷ്​ ബാലകൃഷ്​ണന്​ പുതിയ പാസ്​പോർട്ടിന്​ സൗകര്യങ്ങളൊരുക്കാൻ എം.കെ. രാഘവൻ എം.പിയുമായി ബഷീർ ആശയവിനിമയം നടത്തിയത്​ തടവിലാക്കപ്പെടുന്നതിന്​ തൊട്ടുമുൻപായിരുന്നു.