കു​ന്നു​കൂ​ടി ആ​ശു​പ​ത്രി ബി​ൽ; ജാ​സി​മി​നെ നാ​ട്ടി​ലെ​ത്തി​ക്കാ​ൻ ന​മ്മ​ൾ ക​നി​യ​ണം

ദു​ബൈ: പ്ര​വാ​സ​ത്തി​ന്‍റെ ക​യ്പു​നീ​രു​മാ​യി ജോ​ലി തേ​ടി അ​ല​യു​ന്ന​തി​നി​ടെ​യാ​ണ്​​ നി​ല​മ്പൂ​ർ സ്വ​ദേ​ശി ജാ​സിം അ​ലി (31) പെ​ട്ടെ​ന്നൊ​രു​ദി​വ​സം വീ​ണു​പോ​യ​ത്. അ​പ​സ്മാ​രം ബാ​ധി​ച്ച്​ ഡ​ബി​ൾ ഡെ​ക്ക​ർ ക​ട്ടി​ലി​ൽ​നി​ന്ന്​ താ​ഴേ​ക്കു​വീ​ണ ജാ​സി​മി​ന്​ ബോ​ധം തെ​ളി​ഞ്ഞ​ത്​ ഒ​രാ​ഴ്ച​ക്കു​ശേ​ഷം. 50,000 ദി​ർ​ഹ​മും ക​ട​ന്ന്​ ആ​ശു​പ​ത്രി ബി​ൽ കു​തി​ക്കു​മ്പോ​ൾ പാ​തി ബോ​ധം​പോ​ലു​മി​ല്ലാ​തെ ദു​ബൈ എ​ൻ.​എം.​സി ആ​ശു​പ​ത്രി​യി​ൽ ക​ഴി​യു​ക​യാ​ണ്​ ഈ ​യു​വാ​വ്.

സ​ന്ദ​ർ​ശ​ക​വി​സ​യി​ലാ​ണ്​ ജാ​സിം ജോ​ലി തേ​ടി ദു​ബൈ​യി​ൽ എ​ത്തി​യ​ത്. വി​സ പു​തു​ക്കി​യെ​ങ്കി​ലും ഇ​ൻ​ഷു​റ​ൻ​സ്​ ഉ​ണ്ടാ​യി​രു​ന്നി​ല്ല. ദു​ബൈ ദേ​ര​യി​ൽ താ​മ​സി​ക്കു​ന്ന​തി​നി​ടെ​യാ​ണ് ഈ​മാ​സം ഏ​ഴി​ന്​​ അ​പ​സ്മാ​രം വ​ന്ന്​ ക​ട്ടി​ലി​ന്‍റെ മു​ക​ളി​ൽ​നി​ന്ന്​ വീ​ണ​ത്. സു​ഹൃ​ത്തു​ക്ക​ൾ ചേ​ർ​ന്ന്​ എ​ൻ.​എം.​സി ആ​ശു​പ​ത്രി​യി​ൽ എ​ത്തി​ച്ച​പ്പോ​ൾ നി​ല ഗു​രു​ത​ര​മാ​യി​രു​ന്നു. ത​ല​ച്ചോ​റി​ൽ ര​ക്​​ത​സ്രാ​വ​മു​ള്ള​തി​നാ​ൽ ശ​സ്ത്ര​ക്രി​യ പോ​ലും വേ​ണ്ടി​വ​ന്നേ​ക്കാ​മെ​ന്നാ​ണ്​ ഡോ​ക്ട​ർ​മാ​ർ പ​റ​യു​ന്ന​ത്. സ്ഥി​തി മെ​ച്ച​പ്പെ​ടു​ന്നു​ണ്ടെ​ങ്കി​ലും ആ​ശു​പ​ത്രി വി​ട്ടു​പോ​ക​ണ​മെ​ങ്കി​ൽ വ​ൻ തു​ക ബി​ൽ അ​ട​ക്ക​ണം.

കു​ടും​ബ​ത്തി​ന്‍റെ സാ​മ്പ​ത്തി​ക സ്ഥി​തി തി​രി​ച്ച​റി​ഞ്ഞ പ്ര​വാ​സി സം​ഘ​ട​ന​ക​ൾ ചെ​റി​യ സ​ഹാ​യ​ങ്ങ​ൾ വാ​ഗ്ദാ​നം ചെ​യ്തി​ട്ടു​ണ്ടെ​ങ്കി​ലും അ​തൊ​ന്നും മ​തി​യാ​വി​ല്ല ജാ​സി​മി​ന്‍റെ ആ​ശു​പ​ത്രി ബി​ൽ തീ​ർ​ക്കാ​ൻ. ഇ​നി​യും ഒ​രാ​ഴ്ച​യെ​ങ്കി​ലും ആ​ശു​പ​ത്രി​യി​ൽ തു​ട​രേ​ണ്ടി​വ​രും. ഇ​തോ​ടെ, തു​ക ഇ​ര​ട്ടി​യാ​വും. ആ​ശു​പ​ത്രി​യി​ൽ​നി​ന്ന്​ ഡി​സ്​​ചാ​ർ​ജ്​ ചെ​യ്ത്​ എ​ങ്ങ​നെ​യെ​ങ്കി​ലും നാ​ട്ടി​ലെ​ത്തി​ക്കാ​നാ​ണ്​ സു​ഹൃ​ത്തു​ക്ക​ൾ ശ്ര​മി​ക്കു​ന്ന​ത്. ആ​ശു​പ​ത്രി ബി​ൽ അ​ട​ക്കു​ക​യും യാ​ത്ര​ക്കാ​യി മെ​ഡി​ക്ക​ൽ എ​സ്​​കോ​ർ​ട്ട്​ ഏ​ർ​പ്പെ​ടു​ത്തു​ക​യും ചെ​യ്താ​ൽ മാ​ത്ര​മേ ജാ​സി​മി​നെ നാ​ട്ടി​ലെ​ത്തി​ക്കാ​ൻ ക​ഴി​യൂ.

യു​വ​ത്വ​ത്തി​ന്‍റെ പ്ര​സ​രി​പ്പി​ൽ ഓ​ടി​ന​​ട​ക്കേ​ണ്ട പ്രാ​യ​ത്തി​ൽ വീ​ണു​പോ​യ ജാ​സി​മി​ന്‍റെ ജീ​വി​തം തി​രി​കെ പി​ടി​ക്കാ​ൻ സു​മ​ന​സ്സു​ക​ളും സാ​മൂ​ഹി​ക പ്ര​വ​ർ​ത്ത​ക​രും സം​ഘ​ട​ന​ക​ളും ഇ​ന്ത്യ​ൻ കോ​ൺ​സു​ലേ​റ്റും എ​ത്തു​മെ​ന്ന പ്ര​തീ​ക്ഷ​യി​ലാ​ണ്​ സു​ഹൃ​ത്തു​ക്ക​ൾ. സ​ഹാ​യി​ക്കാ​ൻ താ​ൽ​പ​ര്യ​മു​ള്ള​വ​ർ ബ​ന്ധ​പ്പെ​ടു​ക: +971 55 265 6876 (ആ​ഷി​ക്).