അർബുദ രോഗികൾക്ക്​ ഉംറക്ക്​ അവസരമൊരുക്കി ജീവകാരുണ്യസംഘടന

ദുബൈ: യു.എ.ഇയിലെ പാവപ്പെട്ട അർബുദ രോഗികൾക്ക്​ സൗജന്യമായി ഉംറ നിർവഹിക്കാൻ അവസരമൊരുക്കി ജീവകാരുണ്യ സംഘടന. യു.എ.ഇ ആസ്ഥാനമായി പ്രവർത്തിക്കുന്ന ഫ്രന്‍റ്​സ്​ ഓഫ്​ കാൻസർ പേഷ്യന്‍റ്​സ്​ ആണ്​ ഷാർജ ചാരിറ്റി ഇന്‍റർനാഷനലുമായി സഹകരിച്ച്​ അർബുദ ബാധിതരായ രോഗികൾക്കും അവരെ പരിചരിക്കുന്നവർക്കും​ നാലു ദിവസത്തെ സൗജന്യ ഉംറ പാക്കേജ്​ സംഘടിപ്പിച്ചത്​. എല്ലാ വർഷവും ഇത്തരത്തിൽ രോഗികളായവർക്ക്​ സംഘടന ഉംറക്ക്​ അവസര​മൊരുക്കാറുണ്ടെന്ന്​ ഫ്രന്‍റ്​സ്​ ഓഫ്​ കൻസർ പേഷ്യന്‍റ്​സ്​ ഡയറക്ടർ ഐഷ അൽ മുല്ല പറഞ്ഞു. രോഗികൾക്ക്​ ആത്​മീയമായ പ്രതീക്ഷ പകരുകയെന്നതാണ്​ ഇതുവഴി ലക്ഷ്യമിടുന്നത്​. ചികിത്സക്കായി പ്രയാസം അനുവഭിക്കുന്ന അർബുദ രോഗികളെ സഹായിക്കാൻ താൽപര്യമുള്ള ജീവകാരുണ്യ സംഘടനകളിൽ നിന്നും വ്യക്​തികളിൽ നിന്ന്​ സംഭാവനകൾ സ്വാഗതം ചെയ്യുന്നതായും ഐശ അൽ മുല്ല കൂട്ടിച്ചേർത്തു.