ലോകത്തെ പ്രഥമ ചാരിറ്റബ്​ൾ എൻഡോവ്​മെൻറ്​ നിയമം പ്രഖ്യാപിച്ച്​ യു.എ.ഇ

അബൂദബി: ജീവകാരുണ്യ പ്രവർത്തനങ്ങൾക്കുള്ള ദാനധർമം പ്രോത്സാഹിപ്പിക്കുന്നതിനുള്ള ലോകത്തെ ആദ്യ ചാരിറ്റബ്​ൾ എൻഡോവ്​മ​​െൻറ്​ നിയമത്തിന്​ യു.എ.ഇ പ്രസിഡൻറ്​ ശൈഖ്​ ഖലീഫ ബിൻ സായിദ്​ ആൽ നഹ്​യാൻ അംഗീകാരം നൽകി. ജീവിതത്തി​​​െൻറ എല്ലാ തുറകളിലും ജീവകാരുണ്യ പ്രവർത്തനങ്ങൾ, ജനപങ്കാളിത്തം, സാമൂഹിക ​െഎക്യദാർഢ്യം എന്നിവക്ക്​ അനുകൂലമായ സാഹചര്യം ഒരുക്കുന്നതിന്​ വേണ്ടിയാണ്​ നിയമം.

രാഷ്​ട്രപിതാവായ ശൈഖ്​ സായിദി​​​െൻറ മാനവസേവന പ്രവർത്തനങ്ങൾക്കും സമൂഹം, സ്​കൂളുകൾ, സർവകലാശാലകൾ, അടിസ്​ഥാനസൗകര്യ പ്രോജക്​ടുകൾ, ഭവന^ശുദ്ധജല പദ്ധതികൾ എന്നിവക്ക്​ അദ്ദേഹം നൽകിയ സംഭാവനകൾക്കും ​അനുയോജ്യമായ വിധത്തിലാണ്​ നിയമം വിഭാവന ചെയ്​തിരിക്കുന്നത്​. യു.എ.ഇയിലും ലോകത്തും എൻഡോവ്​മ​​െൻറുകൾ സ്​ഥാപിക്കുന്നതിനുള്ള മികച്ച നിയമ സാഹചര്യം ഒരുക്കുക എന്നത്​ നിയമത്തി​​​െൻറ പ്രധാന ലക്ഷ്യമാണ്​.

വിവിധ സാമൂഹിക-ശാസ്​ത്രീയ-സാംസ്​കാരിക-പാരിസ്​ഥിതിക മേഖലകളിൽ എൻഡോവ്​മ​​െൻറുകളുടെ പ്രയോജനം ലഭ്യമാക്കാനും നിയമം ഉദ്ദേശിക്കുന്നു. യു.എ.ഇയുടെ സഹിഷ്​ണുതാ സംസ്​കാരവും ദാനവും പ്രതിഫലിപ്പിക്കുന്ന നിയമം സമൂഹത്തിലെ വിവിധ വിഭാഗങ്ങൾക്കുള്ള ജീവകാരുണ്യ പദ്ധതികൾക്ക്​ സംഭാവനയർപ്പിക്കാൻ വ്യക്​തികളെയും സ്​ഥാപനങ്ങളെയും അനുവദിക്കുന്നു. എൻഡോവ്​മ​​െൻറി​​​െൻറ നിർവചനവും വ്യത്യസ്​ത തരം എൻഡോവ്​മ​​െൻറുകളും വ്യക്​തമാക്കുന്ന നിയമം 40 വകുപ്പുകൾ ഉൾക്കൊള്ളുന്നു.