കഥയും കാര്യവും പറയുന്ന കഥാപാത്രങ്ങൾ

ഷാർജ: പന്ത്രണ്ടാമത് ഷാർജ കുട്ടികളുടെ വായനോത്സവത്തി​െൻറ സാമൂഹിക അകലം പാലിച്ചുള്ള ഇടനാഴിയിൽ ഒരു പോപ്പ് ഗാനത്തി​െൻറ രസകരമായ സ്പന്ദനങ്ങൾ കേൾക്കുകയാണെങ്കിൽ തിരിഞ്ഞുനോക്കുക... വാംദ (ഫ്ലാഷ്), ഖലം (പെൻ), നോക്ത (ഡോട്ട്), ഷുവാ (ബീം) എന്നീ നാലു രൂപങ്ങൾ വായനോത്സവത്തി​െൻറ മഹിമകൾ ഉയർത്തി ചിരിച്ചുകൊണ്ട് മാർച്ചു നടത്തുന്നത് കാണാം. ഇവരുടെ അടുത്തു പോയി സാമൂഹിക അകലം തെറ്റിച്ച് സെൽഫി എടുക്കാൻ ശ്രമിച്ചാൽ കോവിഡ് മാനദണ്ഡങ്ങൾ പാലിക്കാൻ പറയും. ഷാർജ വായനോത്സവത്തി​െൻറ ആകർഷണങ്ങളാണ്​ ഈ കഥാപാത്രങ്ങൾ.

പിങ്ക് വസ്ത്രം ധരിച്ച വാംദ രാജകുമാരി കിരീടം ധരിച്ചാണ്​ കൊച്ചുകുട്ടികളോട് സംസാരിക്കുന്നത്​. ഷുവക്ക്​ ആഴത്തിലുള്ള നീല നിറത്തിലുള്ള തൊപ്പിയുണ്ട്. ഖലം ഒരു പുസ്തകം കൈവശം ​െവച്ചിട്ടുണ്ട്. മനോഹരമായ ചെറിയ ബാഗുമായാണ്​ നോക്​തയുടെ നടപ്പ്​. ഹാളുകളിലും വരാന്തകളിലും മൊബൈൽ ഷോകൾ നടത്താനും കുട്ടികളെയും മുതിർന്നവരെയും രസിപ്പിക്കുന്നതിനും ഓരോ ദിവസവും കഥാപാത്രങ്ങൾ ഇടക്കിടെ പ്രത്യക്ഷപ്പെടുന്നു.