ഇന്ന്​ നേരിയ മഴക്ക്​ സാധ്യത

ദുബൈ: രാജ്യ​ത്തിന്‍റെ പടിഞ്ഞാറൻ ഭാഗങ്ങളിലും തീരപ്രദേശങ്ങളിലും ബുധനാഴ്ച നേരിയ മഴക്ക്​ സാധ്യതയുള്ളതായി ദേശീയ കാലാവസ്ഥ നിരീക്ഷണ കേന്ദ്രം (എൻ.സി.എം) അറിയിച്ചു. ആകാശം ഭാഗികമായി മേഘാവൃതവും പൊടിനിറഞ്ഞതുമായിരിക്കും. കടലിൽ നേരിയതോ മിതമായതോ ആയ വടക്കുപടിഞ്ഞാറൻ കാറ്റ്​ വീശും. കാറ്റിന്‍റെ വേഗത മണിക്കൂറിൽ 15 മുതൽ 30 കിലോമീറ്ററിലെത്തുകയും​ പൊടിപടലങ്ങക്ക്​ കാരണമാവുകയും ചെയ്യും. ഈ സമയം കാഴ്ചപരിധി കുറയുന്നതിനാൽ വാഹന യാത്രക്കാർ ജാഗ്രത പുലർത്തണം.