ദു​ബൈ​യി​ൽ വാ​യു ഗു​ണ​മേ​ന്മ പ​രി​ശോ​ധി​ക്കാ​ൻ കേ​ന്ദ്രം

ദു​ബൈ: ലോ​ക പ​രി​സ്ഥി​തി ദി​ന​ത്തി​ൽ ദു​ബൈ​യി​ൽ പു​തി​യ വാ​യു ഗു​ണ​മേ​ന്മ പ​രി​ശോ​ധ​ന കേ​ന്ദ്രം തു​റ​ന്നു. 101 ത​രം വാ​യു മ​ലി​നീ​ക​ര​ണ​ങ്ങ​ൾ ക​ണ്ടെ​ത്താ​ൻ ക​ഴി​യു​ന്ന നി​രീ​ക്ഷ​ണ കേ​ന്ദ്ര​മാ​ണ്​ ജ​ബ​ൽ അ​ലി​യി​ൽ ബു​ധ​നാ​ഴ്ച ഉ​ദ്​​ഘാ​ട​നം ചെ​യ്ത​ത്. ‘ദു​ബൈ ജീ​വി​ത ഗു​ണ​മേ​ന്മ ന​യം 2033’ ന്‍റെ ഭാ​ഗ​മാ​യു​ള്ള ആ​ദ്യ സ്ഥി​ര വാ​യു ഗു​ണ​മേ​ന്മ പ​രി​ശോ​ധ​ന കേ​ന്ദ്രം നി​ർ​മി​ച്ച​ത്​ 20 ല​ക്ഷം ദി​ർ​ഹം ചെ​ല​വ​ഴി​ച്ചാ​ണ്.

വ്യാ​പ​ക​മാ​യ വ്യ​വ​സാ​യ, ച​ര​ക്കു​നീ​ക്ക പ്ര​വ​ർ​ത്ത​ന​ങ്ങ​ൾ അ​ന്ത​രീ​ക്ഷ​ത്തെ എ​ങ്ങ​നെ ബാ​ധി​ക്കു​ന്നു​വെ​ന്ന്​ വി​ല​യി​രു​ത്താ​ൻ ക​ഴി​യും. ദേ​ശീ​യ, പ്രാ​ദേ​ശി​ക പ​രി​സ്ഥി​തി ന​യം രൂ​പ​പ്പെ​ടു​ത്താ​നും പു​തു​ക്കാ​നും ആ​വ​ശ്യ​മാ​യ ന​ട​പ​ടി​ക​ൾ സ്വീ​ക​രി​ക്കാ​നും കൃ​ത്യ​മാ​യ ഇ​ട​വേ​ള​ക​ളി​ൽ ശ​രി​യാ​യ വി​വ​ര​ങ്ങ​ൾ കൈ​മാ​റാ​നും കേ​ന്ദ്ര​ത്തി​ന്​ ക​ഴി​യും.

ദേ​ശ നി​വാ​സി​ക​ളു​ടെ ജീ​വി​ത ഗു​ണ​മേ​ന്മ വ​ർ​ധി​പ്പി​ക്കാ​ൻ വി​വി​ധ പ​ദ്ധ​തി​ക​ൾ ആ​വി​ഷ്ക​രി​ക്കാ​നു​ള്ള ദു​ബൈ കി​രീ​ടാ​വ​കാ​ശി​യും എ​ക്സി​ക്യൂ​ട്ടി​വ്​ കൗ​ൺ​സി​ൽ ചെ​യ​ർ​മാ​നു​മാ​യ ശൈ​ഖ്​ ഹം​ദാ​ൻ ബി​ൻ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂ​മി​ന്‍റെ ശ്ര​മ​ങ്ങ​ളു​ടെ ഭാ​ഗ​മാ​ണ്​ നി​രീ​ക്ഷ​ണ കേ​ന്ദ്രം.

പ​രി​സ്ഥി​തി സു​സ്ഥി​ര​ത​യും ജീ​വി​ത​ത്തി​ന്‍റെ ഗു​ണ​മേ​ന്മ​യും ഉ​റ​പ്പു​വ​രു​ത്താ​ൻ പ്ര​തി​ജ്ഞാ​ബ​ദ്ധ​മാ​ണെ​ന്ന്​ പോ​ർ​ട്​​സ്, ക​സ്റ്റം​സ്, ആ​ൻ​ഡ്​ ഫ്രീ ​സോ​ൺ കോ​ർ​പ​റേ​ഷ​ൻ ചീ​ഫ്​ എ​ക്സി​ക്യൂ​ട്ടി​വ്​ ഓ​ഫി​സ​ർ നാ​സ​ർ അ​ൽ നി​യാ​ദി ഉ​ദ്​​ഘാ​ട​ന പ​രി​പാ​ടി​യി​ൽ പ​റ​ഞ്ഞു. ഡി.​പി വേ​ൾ​ഡ്​ ജി.​സി.​സി മാ​നേ​ജി​ങ്​ ഡ​യ​റ​ക്ട​റും സി.​ഇ.​ഒ​യും മാ​നേ​ജി​ങ്​ ഡ​യ​റ​ക്ട​റു​മാ​യ അ​ബ്​​ദു​ല്ല ബി​ൻ ദ​മി​താ​ൻ, ഡി.​പി വേ​ൾ​ഡ്​ ജി.​സി.​സി പാ​ർ​ക്സ്​ ആ​ൻ​ഡ്​ സോ​ൺ​സ്​ ചീ​ഫ്​ ഓ​പ​റേ​റ്റി​ങ്​ ഓ​ഫി​സ​ർ അ​ബ്​​ദു​ല്ല അ​ൽ ഹാ​ഷി​മി തു​ട​ങ്ങി​യ​വ​ർ ച​ട​ങ്ങി​ൽ സം​ബ​ന്ധി​ച്ചു.

16 ച​തു​ര​ശ്ര മീ​റ്റ​റി​ൽ 11 സെ​ൻ​സ​റു​ക​ൾ ഉ​ൾ​ക്കൊ​ള്ളു​ന്ന ഉ​പ​ക​ര​ണ​മാ​ണ്​ സ്ഥാ​പി​ച്ച​ത്. സു​ര​ക്ഷി​ത​വും ആ​രോ​ഗ്യ​ക​ര​വു​മാ​യ അ​ന്ത​രീ​ക്ഷം ഉ​റ​പ്പു​വ​രു​ത്താ​ൻ അ​ധി​കൃ​ത​ർ​ക്ക്​ യ​ഥാ​സ​മ​യം കൃ​ത്യ​മാ​യ വി​വ​ര​ങ്ങ​ൾ ല​ഭ്യ​മാ​ക്കാ​ൻ കേ​ന്ദ്ര​ത്തി​ന്​ ക​ഴി​യു​മെ​ന്ന്​ ആ​സൂ​ത്ര​ണ, വി​ക​സ​ന വ​കു​പ്പ്​ സി.​ഇ.​ഒ എ​ൻ​ജി​നീ​യ​ർ അ​ബ്​​ദു​ല്ല ബെ​ൽ​ഹൂ​ൽ പ​റ​ഞ്ഞു.