അബൂദബി സിവിൽ ഡിഫൻസ്​ പൂച്ചയെ രക്ഷിക്കുന്ന വീഡിയോ വൈറൽ

അബൂദബി: വാഹനത്തിരക്കുള്ള റോഡിൽനിന്ന് അബൂദബി സിവിൽ ഡിഫൻസ് പൂച്ചക്കുട്ടിയെ രക്ഷിച്ചു. പൂച്ചക്കുട്ടിയെ രക്ഷിക്കുന്ന വീഡിയോ അബൂദബി പൊലീസിെൻറ ഇൻസ്റ്റഗ്രാമിൽ പോസ്റ്റ് ചെയ്ത് മണിക്കൂറുകൾക്കകം വൈറലായി. സലാം സ്ട്രീറ്റിലെ റോഡിൽ പൂച്ചക്കുട്ടി കുടുങ്ങിയതായി വ്യാഴാഴ്ച രാവിലെയാണ് സന്ദേശം ലഭിച്ചതെന്ന് അബൂദബി സിവിൽ ഡിഫൻസ് ഡയറക്ടർ ജനറൽ കേണൽ മുഹമ്മദ് അബ്ദുൽ ജലീൽ ആൽ അൻസാരി പറഞ്ഞു. ഉടൻ സിവിൽ ഡിഫൻസ് സംഘം സംഭവ സ്ഥലത്ത് എത്തുകയും പൂച്ചക്കുട്ടിയുള്ള പാതയിലെ ഗതാഗതം തടഞ്ഞ് രക്ഷപ്പെടുത്തുകയുമായിരുന്നു.