സ്ഥാ​പ​ന​ത്തി​ന് ന​ഷ്ടം വ​രു​ത്തി​യ കേ​സ്; ട്ര​ക്ക് ഡ്രൈ​വ​ര്‍ക്കും ക​മ്പ​നി​ക്കും 45,000 ദി​ര്‍ഹം പി​ഴ

റാ​സ​ല്‍ഖൈ​മ: സ്ഥാ​പ​ന​ത്തി​ന് ന​ഷ്ടം വ​രു​ത്തി​യെ​ന്നു കാ​ണി​ച്ച് സ​മീ​പ​മു​ള്ള ക​മ്പ​നി​ക്കെ​തി​രെ ഉ​ട​മ ന​ല്‍കി​യ പ​രാ​തി​യി​ല്‍ പ​രാ​തി​ക്കാ​ര​ന് 45,000 ദി​ര്‍ഹം ന​ഷ്ട​പ​രി​ഹാ​രം ന​ല്‍ക​ണ​മെ​ന്ന് വി​ധി​ച്ച് റാ​ക് സി​വി​ല്‍ കോ​ട​തി. സ​മീ​പ​ത്തെ ക​മ്പ​നി​യി​ലെ ട്ര​ക്ക് ഡ്രൈ​വ​റെ ഒ​ന്നാം പ്ര​തി​യും ക​മ്പ​നി​യെ ര​ണ്ടാം പ്ര​തി​യു​മാ​ക്കി​യു​മാ​യി​രു​ന്നു പ്രോ​സി​ക്യൂ​ഷ​ന്‍ കേ​സ്. വെ​ള്ളം നി​റ​ക്കാ​ന്‍ ടാ​ങ്ക​റി​ല്‍ വെ​ച്ച ഹോ​സ് തെ​ന്നി​മാ​റി പ​രാ​തി​ക്കാ​ര​ന്‍റെ സ്ഥാ​പ​ന​ത്തി​ലേ​ക്ക് വെ​ള്ളം ക​യ​റി​യ​താ​ണ് കേ​സി​നാ​സ്പ​ദ​മാ​യ സം​ഭ​വം. സ്ഥാ​പ​ന​ത്തി​ലെ ഇ​ല​ക്ട്രി​ക്-​ഇ​ല​ക്ട്രോ​ണി​ക്-​ഫ​ര്‍ണീ​ച്ച​ര്‍ ഉ​പ​ക​ര​ണ​ങ്ങ​ള്‍ ഉ​പ​യോ​ഗ​ശൂ​ന്യ​മാ​യെ​ന്നും ഭീ​മ​മാ​യ ന​ഷ്ടം സം​ഭ​വി​ച്ചെ​ന്നു​മാ​യി​രു​ന്നു പ​രാ​തി. അ​ന്വേ​ഷ​ണ​സം​ഘം ശേ​ഖ​രി​ച്ച തെ​ളി​വു​ക​ളു​ടെ​യും ക​ക്ഷി​ക​ളു​ടെ വാ​ദ​പ്ര​തി​വാ​ദ​ങ്ങ​ളും പ​രി​ശോ​ധി​ച്ച കോ​ട​തി ട്ര​ക്ക് ഡ്രൈ​വ​റും സ്ഥാ​പ​ന​വും 45,000 ദി​ര്‍ഹം പി​ഴ ഒ​ടു​ക്ക​ണ​മെ​ന്നും കാ​ല​താ​മ​സം സം​ഭ​വി​ച്ചാ​ല്‍ വി​ധി തീ​യ​തി മു​ത​ല്‍ ആ​റു ശ​ത​മാ​നം എ​ന്ന നി​ര​ക്കി​ല്‍ അ​ധി​ക തു​ക ന​ല്‍ക​ണ​മെ​ന്നും വി​ധി​ക്കു​ക​യാ​യി​രു​ന്നു.