അവർ കണ്ടത്​ ‘കാരിക്കേച്ചർ’ മുഖങ്ങൾ;  അപൂർവ രോഗവുമായി സ്​ത്രീ ആശുപത്രിയിൽ

അബൂദബി: മറ്റുള്ളവരുടെ മുഖങ്ങൾ വക്രീകരിച്ച്​ ദൃശ്യമാകുന്ന അത്യപൂർവ രോഗവുമായി സ്​ത്രീ അബൂദബി ബുർജീൽ  ആശുപത്രിയിൽ ചികിത്സ തേടി. മായിക ചിത്രം പോലെയോ കാരിക്കേച്ചർ പോലെയോ മുഖം കാണുന്ന പ്രോസോമെറ്റമോർഫോസിയ എന്ന രോഗവുമായി 54കാരിയാണ്​ ആശുപത്രിയിലെ ന്യൂറോളജിസ്​റ്റുകളെ സമീപിച്ചത്​. 
ലോകത്ത്​ തന്നെ ഇൗ രോഗം ബാധിക്കുന്ന 13ാമത്തെ വ്യക്​തിയാണ്​ ഇൗ സ്​ത്രീയെന്ന്​ ഡോക്​ടർമാർ വ്യക്​തമാക്കുന്നു. 2011ൽ നെതർലാൻഡ്​സിൽ 52കാരിക്ക്​ ഇ​േത രോഗം റിപ്പോർട്ട്​ ചെയ്​തിരുന്നു. മനുഷ്യ മുഖങ്ങൾ വ്യാളികളുടെ മുഖത്തിന്​ സമാനമായ രൂപത്തിൽ കാണുന്നുവെന്നായിരുന്നു ഇവർ പറഞ്ഞിരുന്നത്​. കാണുന്ന മാത്രയിൽ യഥാർഥ മുഖം തിരിച്ചറിയാൻ സാധിക്കുന്ന ഇവർക്ക്​ മിനിറ്റുകൾക്ക്​ ശേഷം മുഖങ്ങൾ കറുത്തുവരുന്നതായും നീളുന്നതായും ചെവികൾ കൂർത്തുവരുന്നതായും കണ്ണുകൾ വലുതായി മഞ്ഞ, പച്ച, നീല, ചുവപ്പ്​ നിറങ്ങളിൽ തിളങ്ങുന്നതായുമൊക്കെയാണ്​ തോന്നിയിരുന്നതെന്ന്​ പ്രമുഖ മെഡിക്കൽ മാഗസിനായ ‘ദ ലാൻസെറ്റ്​’ റിപ്പോർട്ട്​ ചെയ്​തിട്ടുണ്ട്​. ചുമരുകൾ, കമ്പ്യൂട്ടർ സ്​ക്രീൻ തുടങ്ങിയവയിൽനിന്നും വ്യാളീ മുഖങ്ങൾ ത​​െൻറ നേർക്ക്​ നീളുന്നതായി അവർക്ക്​ തോന്നിയിരുന്നു.

ഇൗ രോഗത്തി​​െൻറ യഥാർഥ കാരണം ഇ​ന്നും അജ്ഞാതമാണ്​. അപസ്​മാരം, മൈഗ്രേൻ തുടങ്ങിയവ കാരണമായി തലച്ചോറിനുണ്ടാകുന്ന ഘടനാപരമായ മാറ്റമോ പ്രവർത്തന ക്രമരാഹിത്യമോ ആകാം ഇതിന്​ കാരണമെന്ന്​ കരുതപ്പെടുന്നു.
പ്രോസോമെറ്റമോർഫോസിയ ലോകത്തെ അത്യപൂർവ രോഗങ്ങളിൽ ഒന്നാണെന്ന്​ ബുർജീൽ ആശുപത്രിയിലെ കൺസൾട്ടൻറ്​ ന്യൂറോളജിസ്​റ്റ്​ ഡോ. ഹാൽപ്രശാന്ത്​ പറഞ്ഞു. ബുർജീൽ ആശുപത്രിയിലെത്തിയ സ്​ത്രീക്ക്​ കാറുകളും മറ്റും ഉൾ​െപ്പട്ട തിളക്കമുള്ള പ്രകാശം മിന്നിമറയുന്നതായി കാണുന്നതിനാൽ ഡ്രൈവിങ്​ അസാധ്യമാവുകയും ചെയ്​തിരുന്നു​. ചെറുമകളെ നീന്തൽക്കുത്തിലേക്ക്​ കൊണ്ടുപോകു​േമ്പാഴാണ്​ ഇവർക്ക്​ ആദ്യമായി ഇൗ രോഗം അനുഭവപ്പെട്ടത്​. തനിക്ക്​ പെ​െട്ടന്ന്​ അസ്വസ്​ഥത തോന്നിയെന്നും വീട്ടിലേക്ക്​ മടങ്ങാൻ ആവശ്യപ്പെട്ടുവെന്നും അവർ പറയുന്നു. 
വീട്ടിലെത്തിയ ഉടനെ അവർ ഉറക്കത്തിലേക്ക്​ വീണു. വൈകുന്നേരം ഭർത്താവുമൊന്ന്​ പുറത്ത്​ പോയ​പ്പോഴാണ്​ തനിക്ക്​ മുന്നിൽ കാറുകൾ പോലുള്ള ചിത്രങ്ങൾ പ്രത്യക്ഷപ്പെട്ടത്​. കടുത്ത തലവേദന അനുഭവപ്പെട്ടതായും അവർ പറയുന്നു. പിന്നീട്​ ആറ്​ മാസത്തിന്​ ശേഷമാണ്​ ഇത്​ അനുഭവപ്പെട്ടത്​. അപ്പോൾ തലവേദന കലശലായതിനാൽ ഡോക്​ടറെ സമീപിച്ചു. ഡോക്​ടറെ കണ്ടപ്പോൾ അദ്ദേഹത്തി​​െൻറ കണ്ണുകൾ തുറിച്ചു നിൽക്കുന്നതായി കണ്ടുവെന്ന്​ സ്​ത്രീ പറയുന്നു. 

പ്രഥമ പരിശാധനയിൽ ബുർജീൽ ആശുപത്രിയിലെ ന്യൂറോളജിക്കൽ സംഘത്തിന്​ സാധാരണ ഫലമാണ്​ ലഭിച്ചതെങ്കിലും തുടർന്ന്​ തലച്ചോറി​​െൻറ എം.ആർ.​െഎ സ്​കാനിൽ അവർക്ക്​ പക്ഷാഘാതമുണ്ടായിരുന്നതായി കണെണ്ടത്തി.  ഭീതിതമായ അനുഭവമാണ്​ ഉണ്ടായതെന്നും ഇപ്പോൾ ഇതിനെ കുറിച്ച്​ താൻ ബോധവതിയാണെന്നും സ്​ത്രീ പറയുന്നു. 
രക്​തസമ്മർദം കണിശമായി നിയന്ത്രിക്കാൻ ഡോക്​ടർമാർ ഇവരോട്​ പറഞ്ഞിട്ടുണ്ട്​. 
മരുന്നും നിർദേശിച്ചിട്ടുണ്ട്​. സാധാരണ മുഖദൃശ്യം കാണാൻ ഇപ്പോൾ ഇവർക്ക്​ സാധിക്കുന്നുണ്ട്​. എപ്പോഴെങ്കിലും രോഗം തിരിച്ചുവരുമോയെന്ന ആശങ്കയിലാണ്​ ഇവർ.