കരിയർ ഗൈഡൻസ് വർക്ക്ഷോപ് സംഘടിപ്പിച്ചു
text_fieldsദുബൈ കെ.എം.സി.സി വണ്ടൂർ മണ്ഡലം കമ്മിറ്റി സംഘടിപ്പിച്ച കരിയർ ഗൈഡൻസ് വർക്ക്ഷോപ്
ദുബൈ: ദുബൈ കെ.എം.സി.സി വണ്ടൂർ മണ്ഡലം കമ്മിറ്റി കരിയർ ആൻഡ് ജോബ് വിങ്ങിന്റെ ആഭിമുഖ്യത്തിൽ യു.എ.ഇയിൽ തൊഴിൽ അന്വേഷിക്കുന്നവർക്കായി സംഘടിപ്പിച്ച പ്രത്യേക പരിശീലന പരിപാടി ‘എഡ്ജ്’ കരിയർ ഗൈഡൻസ് വർക്ക്ഷോപ് ദുബൈ കെ.എം.സി.സി സംസ്ഥാന പ്രസിഡന്റ് ഡോ. അൻവർ അമീൻ ഉദ്ഘാടനം ചെയ്തു.
മണ്ഡലം സെക്രട്ടറി സഫീർ തുവ്വൂർ സ്വാഗതം പറഞ്ഞു. മണ്ഡലം പ്രസിഡന്റ് ഫിറോസ് ബാബു അധ്യക്ഷത വഹിച്ചു. പ്രത്യേകം റജിസ്റ്റർ ചെയ്ത അംഗങ്ങൾ മാത്രം പങ്കെടുത്ത പരിപാടിയിൽ ദുബൈ കെ.എം.സി.സി സംസ്ഥാന ഭാരവാഹികളായ കെ.പി.എ. സലാം, ബാബു എടക്കുളം, പി.വി. നാസർ, ജില്ല പ്രസിഡന്റ് സിദ്ദീഖ് കാലടി, സെക്രട്ടറി നൗഫൽ വേങ്ങര, വി.പി. അമീൻ, നിഷാദ് പുൽപ്പാടൻ, യാസർ മറ്റത്തൂർ തുടങ്ങിയവർ സംസാരിച്ചു. രണ്ട് സെഷനുകളിലായി നടന്ന ക്ലാസുകൾക്ക് ഹരീഷ്, അൽത്താഫ് എന്നിവർ നേതൃത്വം നൽകി.
മണ്ഡലം ഭാരവാഹികളായ ബാദുഷ കല്ലായി, നാസർ തച്ചങ്ങോടൻ, ഫൈറൂസ്, ഉവൈസ് കാളികാവ് എന്നിവർ പരിപാടിക്ക് നേതൃത്വം നൽകി. ആഷിഖ് വാഫി നന്ദി പറഞ്ഞു.

