വി​ദ്യാ​ർ​ഥി​ക​ളി​ലെ പൊ​ണ്ണ​ത്ത​ടി പ്ര​തി​രോ​ധി​ക്കാ​ൻ കാ​മ്പ​യി​ൻ

ദു​ബൈ: സ്കൂ​ൾ വി​ദ്യാ​ർ​ഥി​ക​ളി​ലും കൗ​മാ​ര​ക്കാ​രി​ലും പൊ​ണ്ണ​ത്ത​ടി ക​ണ്ടെ​ത്തു​ന്ന​തി​നും പ്ര​തി​രോ​ധി​ക്കു​ന്ന​തി​നു​മാ​യി പു​തി​യ സം​രം​ഭ​ത്തി​ന്​ തു​ട​ക്ക​മി​ട്ട്​ യു.​എ.​ഇ ആ​രോ​ഗ്യ, പ്ര​തി​രോ​ധ മ​ന്ത്രാ​ല​യം. ഇ​തി​ന്‍റെ ഭാ​ഗ​മാ​യി വി​ദ്യാ​ർ​ഥി​ക​ളി​ലെ ആ​രോ​ഗ്യ വി​വ​ര​ങ്ങ​ളു​ടെ വി​ശ്വാ​സ്യ​ത​യും കൃ​ത്യ​ത​യും ഉ​റ​പ്പു​വ​രു​ത്തു​ന്ന​തി​നാ​യി സ്കൂ​ളു​ക​ളി​ലെ ആ​രോ​ഗ്യ സം​ര​ക്ഷ​ണ ജീ​വ​ന​ക്കാ​ർ​ക്ക്​ പ്ര​ത്യേ​ക പ​രി​ശീ​ല​ന വ​ർ​ക്ക്​​ഷോ​പ്പു​ക​ൾ സം​ഘ​ടി​പ്പി​ക്കും.

ഇ​തു​വ​ഴി പൊ​ണ്ണ​ത്ത​ടി​ക്കെ​തി​രാ​യ ദേ​ശീ​യ പ്രോ​ഗ്രാ​മു​ക​ൾ​ക്ക്​ പി​ന്തു​ണ ന​ൽ​കു​ക​യാ​ണ്​ ല​ക്ഷ്യം. ദു​ബൈ​യി​ലെ മ​ന്ത്രാ​ല​യ​ത്തി​ന്‍റെ ആ​സ്ഥാ​ന​ത്ത്​ ന​ട​ന്ന വ​ർ​ക്ക്ഷോ​പ്പു​ക​ളി​ൽ അ​ജ്​​മാ​നി​ലേ​യും ഷാ​ർ​ജ​യി​ലേ​യും ടീ​ച്ച​ർ ട്രെ​യ്​​നി​ങ്​ ഇ​ൻ​സ്റ്റി​റ്റ‍്യൂ​ട്ടു​ക​ൾ പ​​ങ്കെ​ടു​ത്തു. അ​ഞ്ചു മു​ത​ൽ 17 വ​രെ വ​യ​സ്സു​ള്ള കു​ട്ടി​ക​ളു​ടെ ശാ​രീ​രി​ക​മാ​യ അ​വ​സ്ഥ​ക​ളെ മ​ന​സ്സി​ലാ​ക്കു​ന്ന​തി​ലും രേ​ഖ​പ്പെ​ടു​ത്തു​ന്ന​തി​ലും കേ​ന്ദ്രീ​ക​രി​ച്ചു​ള്ള പ​രി​ശീ​ല​ന​ത്തി​ന് സ്കൂ​ൾ ന​ഴ്​​സു​മാ​രും ഫി​സി​ക്ക​ൽ എ​ജു​ക്കേ​ഷ​ൻ ജീ​വ​ന​ക്കാ​രുമാ​ണ്​ പ​ങ്കെടുത്തത്.

പൊ​ണ്ണ​ത്ത​ടി​യു​മാ​യി ബ​ന്ധ​പ്പെ​ട്ട്​ തു​ട​ക്ക​ത്തി​ലെ​യു​ള്ള സൂ​ച​ന​ക​ൾ ശേ​ഖ​രി​ക്കു​ക​യും വി​ശ​ക​ല​നം ചെ​യ്യു​ന്ന​തി​നു​മാ​യി ന​ട​പ​ടി​ക്ര​മ​ങ്ങ​ൾ വി​ക​സി​പ്പി​ക്കു​ക​യാ​ണ്​ വ​ർ​ക്ക്​​ഷോ​പ്പി​ലൂ​ടെ ല​ക്ഷ്യ​മി​ട്ട​ത്. ഇ​തു​വ​ഴി പ്ര​തി​രോ​ധ ആ​രോ​ഗ്യ ന​യ​ങ്ങ​ൾ ന​വീ​ക​രി​ക്കാ​നും കൃ​ത്യ​മാ​യ ശാ​സ്ത്രീ​യ തെ​ളി​വു​ക​ളു​ടെ അ​ടി​സ്ഥാ​ന​ത്തി​ൽ മി​ക​ച്ച തീ​രു​മാ​ന​ങ്ങ​ൾ എ​ടു​ക്കു​ന്ന​തി​നും ശി​ൽ​പ​ശാ​ല​ക​ൾ സ​ഹാ​യ​ക​മാ​വു​മെ​ന്നാ​ണ്​ വി​ല​യി​രു​ത്ത​ൽ.